24-May-2022

ବଲାଙ୍ଗିର, - ଦୁଇ ଦିନ ଧରି ଗୋଆର ସାଗ କାମ୍ପାଇ ଇନ୍‌ଡୋର ଷ୍ଟାଡିୟମ ରେ ଜାତୀୟ ସ୍ତରୀୟ କରାଟେ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ବଲାଙ୍ଗିର ଜିଲ୍ଲା କରାଟେ ଅର୍ଗାନାଇଜେସନର ସମ୍ପାଦକ ତଥା କରାଟେ କୋଚ ଅସୀମ କୁମାର ଭାଇଙ୍କ ନେତୃତ୍ୱରେ ୭ ଜଣ ପ୍ରତିଯୋଗୀ ଏଥିରେ ଭାଗ ନେଇ ୧୦ଟି ପଦକ ହାସଲ କରି ବଲାଙ୍ଗିରକୁ ଗୌରବାନ୍ୱିତ କରିଛନ୍ତି । ଏଥିରେ ମିଥିଲେସ ବେହେରା କାତା ବିଭାଗରେ ବ୍ରୋଞ୍ଚ ପଦକ, ସର୍ବେଶ୍ୱର ପୋଡ କୁମିତେରେ ବ୍ରୋଞ୍ଚ ପଦକ ଓ କାତାରେ ରୌପ୍ୟ ପଦକ,  ସୁବାଶିଷ ପାଣିଗ୍ରାହୀ କୁମିତରେ ସ୍ୱର୍ଣ୍ଣ ପଦକ ଓ କାତାରେ ବ୍ରୋଞ୍ଚ ପଦକ, ସମିକ୍ଷା ଷଡଙ୍ଗି କୁମିତେରେ ବ୍ରୋଞ୍ଚ ଓ କାତାରେ ରୌପ୍ୟ ପଦକ, ସ୍ନେହା ଫରିକର

କମିତେରେ ବ୍ରୋଞ୍ଚ ପଦକ ହାସଲ କରିଛନ୍ତି । ଓଡିଶାରୁ ଜାତୀୟ ରେଫରୀ ଅସୀମ କୁମାର ଭୋଇ ଏଥିରେ ଜଜ୍ ଓ ରେଫେରି ଦାୟିତ୍ୱ ତୁଳାଇଥିଲେ । ଏହି ଅବସରରେ ସୋଟୋକାନ ସ୍ୟୁ ଡିକୋକାର ଇଣ୍ଡିଆ ମୁଖ୍ୟ ସେନସାଇ ମହେସ କସୱାହା କୋଚ ଅସୀମ ଭୋଇଙ୍କୁ ଟ୍ରଫି ସହ ସମ୍ମାନିତ କରିଥିଲେ । ବଲାଙ୍ଗିର କରାଟେ ଟିମ୍ ର ସଫଳତା ପାଇଁ କ୍ରିଡା ଜଗତରେ ଖୁସିର ମହୋଲ ଖେଳି ଯାଇଛି ।