12-May-2022

ସୁବର୍ଣ୍ଣପୁର - ଓଡିଶା ସରକାରଙ୍କ ଖାଦ୍ୟ ଯୋଗାଣ ବିଭାଗର ପ୍ରମୁଖ ସାଶନ ସଚିବ ଗତକାଲି ସୁବର୍ଣ୍ଣପୁର ଜ଼ିଲ୍ଲା ଗସ୍ତରେ ଆସିଥିବା ଅବସରରେ ଜ଼ିଲ୍ଲା କୃଷକ ସଂଗଠନ ପକ୍ଷରୁ ଚାଷୀ ଙ୍କ ଧାନ ବିକ୍ରି ତଥା ବିଭିନ୍ନ ସମସ୍ୟା ସମ୍ପର୍କିତ ଏକ ସ୍ମାରକ ପତ୍ର ପ୍ରଦାନ ପାଇଁ  ଚାହୁଁ ଥିଲେ ସୁଦ୍ଧା ସିଧାସଳଖ ସଚିବ ଙ୍କୁ ସାକ୍ଷାତ କରିବା ସମ୍ଭବ ହେଲା ନାହିଁ l  ପ୍ରବଳ ଖରା ଗରମ ରେ ଦିବା 1 ଟା ରେ ଦୀର୍ଘ ସମୟ ଅପେକ୍ଷା ପରେ ନିର୍ଦ୍ଧେଶ ଆସିଲା ଯେ ଜ଼ିଲ୍ଲାପାଳ ଙ୍କ ଜରିଆରେ ଉକ୍ତ ସ୍ମାରକ ପତ୍ର ଦେଇ ଯାଆନ୍ତୁ l ଏଠି ପ୍ରଶ୍ନ ଉଠେ ଯେ ଜ଼ିଲ୍ଲା ର ଚାଷୀ ନେତା ବୈକୁଣ୍ଠ ଶତପଥୀ ଓ ଏକ ପ୍ରତିନିଧି ଦଳ ର ଚାଷୀଙ୍କ ବିଭିନ୍ନ ସମସ୍ୟା ଜଣାଇବା ଦୃଢ଼ ଇଚ୍ଛା ଶକ୍ତି ଥିବା ସତ୍ୱେ ମଧ୍ୟ ସଚିବ ସାହେବ ଙ୍କୁ ଭେଟି ହେଲା ନାହିଁ l ସର୍କିଟ ହାଉସ ଠାରେ ସଚିବ ରୁଦ୍ଧ ଦ୍ୱାର ବୈଠକ କରି ଚାଷୀ ପ୍ରତିନିଧିଙ୍କୁ ସମୟ ନ ଦେବା ଏକ ଦୁର୍ଭାଗ୍ୟଜନକ l ସାରା ଦେଶରେ ଅମୃତ ମହୋତ୍ସବ ପାଳନ ହେଉଥିବା ବେଳେ ଊଚ୍ଚ ପଦାଧିକାରୀ ସରକାରୀ ବାବୁ ଙ୍କ ଏ ପ୍ରକାର ଆଚରଣ ପୂର୍ବର ଫିରିଙ୍ଗି ସାଶନ ଠାରୁ କୌଣସି ଗୁଣ ରେ କମ ନୁହେଁ l ପ୍ରକାଶ ଥାଉ କି ଯେ ଗଣତନ୍ତ୍ରର ମାଲିକ କୁହାଯାଉଥିବା ସାଧାରଣ ଜନତା ସରକାରୀ ବାବୁ (ପବ୍ଲିକ ସର୍ଭେଣ୍ଟ ) ଙ୍କ ଦ୍ୱାରା ଉପେକ୍ଷିତ ହେବା ଏହା କେତେ ଦୂର ସମିଚୀନ l ସାଧାରଣ ଜନତାଙ୍କ ସେବା କରିବା ପାଇଁ ନିଯୁକ୍ତି ପାଇଥିବା  ଓ କୋଠା ବାଡ଼ି ସହ ଲକ୍ଷ ଲକ୍ଷ ଟଙ୍କା ଦରମା ପାଉଥିବା  ବିଷୟ  ବୋଧେ ଏ ବଡ଼ ବଡ଼ ବାବୁ ସାହେବ ମାନେ ଭୁଲି ଯାଉଛନ୍ତି l ଏହା ସହଜ ରେ ହଜମ କରି ପାରିବେ ତ ? ଅମୃତ ମହୋତ୍ସବ ର ଗାରିମାକୁ ଏହା କ୍ଷୁର୍ଣ କରୁନି ତ ?