11-May-2022

ବଲାଙ୍ଗିର/ ବେଲପଡା(ପୂର୍ଣ ଶଶୀ ଶେଖର ରାଓ):   ବଲାଙ୍ଗୀର ଜିଲ୍ଲା ଏକ ଦାଦନ ପ୍ରବଣ ଅଞ୍ଚଳ ହୋଇଥିବା ବେଳେ ବେଲପଡା ବ୍ଳକ ହେଉଛି  ଦାଦନଗଡ଼ ଭାବେ ପରିଚିତ । ସରକାର ଙ୍କ ଦାଦନ ଦମନ ଅଭିଯାନ ଫେଲ ମାରିବା ବେଳେ   ପ୍ରଶାସନ ର ଅବହେଳା , କିମ୍ବା ବେଆଇନ ଦାଦନ

ସର୍ଦ୍ଦାର ଙ୍କୁ ପୋଲିସ ର  ପ୍ରୋତ୍ସାହନ ଦେବା ।ସେ ଯାହାବି ହେଉ   ଏଠି ଲୋକେ କାମଧନ୍ଦା ନପାଇ ହଜାର ହଜାର ସଂଖ୍ୟାରେ  ବାହାର ରାଜ୍ୟକୁ ଦାଦନ ଖଟିବାକୁ ଯାଇ ଇଟା ଭାଟି ମାଲିକ ମାନଙ୍କଠାରୁ ନିର୍ଯ୍ୟାତନାର ଶିକାର ହେଉଥିବା  ସହ କଠୋର ପରିଶ୍ରମ ,  ଏବଂ  ଚିକିତ୍ସା ଅଭାବରୁ ଦାଦନ ଶ୍ରମିକଙ୍କ ଗୋଟିଏ ପରେ ଗୋଟିଏ ମୃତ ଦେହ ଫେରୁଥିବା ଦେଖିବାକୁ ମିଳୁଛି  । ସୂଚନାନୁସାରେ  ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡା ଥାନା ଯୁବା ପଞ୍ଚାୟତ ଖଲିପଥର ଗ୍ରାମ ର ନକୁଳ ଧରୁଆ ପରିବାର ସହ  ଦାଦନ ସର୍ଦ୍ଦାର ମହେନ୍ଦ୍ର ସୁନା ଙ୍କ ଦ୍ଵାରା  ଦାଦନ  ଖଟିବାକୁ ଯାଇ ଇଟା ଭାଟି ମାଲିକ ନିର୍ଯାତନାର ଶିକାର ହୋଇ  ଗତ ମେ ୩ ତାରିଖ ଦିନ ନକୁଳ ଙ୍କ  ମୃତ ଦେହ ଗାଁ ପହଞ୍ଚି ଥିବା ବେଳେ ତାପରଦିନ ଅନ୍ୟ ଜଣେ ବେଆଇନ ଦାଦନ ଦଲାଲ୍ ଙ୍କ ଦ୍ଵାରା ଯାଇଥିବା  ସୁଲେକେଲା ପଞ୍ଚାୟତ ସୁଲେକେଲା ଗ୍ରାମର ଦାଦନ ଶ୍ରମିକ ଯାଇ ଇଟା ଭାଟି ମାଲିକ ର ନିର୍ଯ୍ୟାତନାର ଶିକାର ହୋଇ ସେଠାରେ ମୃତ୍ୟୁବରଣ କରିଥିଲେ। ଏବଂ ଇଟା ଭାଟି ମାଲିକ ଆମୁଲେନ୍ସ ଯୋଗେ ଦାଦନ ଶ୍ରମିକ ଙ୍କମୃତ ଦେହ ପରିବାର ଲୋକେ ପହଞ୍ଚିଲେ । ଏପରି ଦୁଃଖଦ ଘଟଣା ମନରୁ ନଲିଭୁଣୁ ପୁଣି ଏକ ଦାଦନ ଶ୍ରମିକ ଙ୍କ ମୃତ ଦେହ ଗାଁ ପହଞ୍ଚି ଥିବା ଜଣାପଡିଛି । ମିଳିଥିବା ସୂଚନା  ଅନୁସାରେ ବେଲପଡା ଥାନା ଧୂମାଭଟା ପଞ୍ଚାୟତ ଖଳଖଳି ଗ୍ରାମ ର  ଦାଦନ ଶ୍ରମିକ ଙ୍କ ଜଗଦୀଶ ମାଝୀ (୪୦) ଙ୍କ ମୃତ ଦେହ ଗାଁ କୁ ପହଞ୍ଚିଛି ।

ମୃତ ଦାଦନ ଶ୍ରମିକଙ୍କୁ ୮୫୦୦୦ ଟଙ୍କା ବଇନା ଦେଇ ବେଆଇନ ଭାବେ ଦାଦନ ଶ୍ରମିକ ଚାଲାଣ କରୁଥିବା ଦାଦନ ସର୍ଦ୍ଦାର ମହେନ୍ଦ୍ର ସୁନା ଓ୍ବାରେଙ୍ଗେଲ କୁ ଜଗଦୀଶ ଓ ତାଙ୍କ ପରିବାର କୁ ପଠାଇଥିଲେ। ସେଠାରେ ଇଟା ଭାଟି ମାଲିକ ନିର୍ଯାତନାର ଶିକାର ଓ କଠିନ ପରିଶ୍ରମ ସହ ଚିକିତ୍ସା ଅଭାବରୁ ଜଗଦୀଶ ମାଝୀ ଙ୍କ ମୃତ୍ୟୁ ହୋଇଥିଲା ବୋଲି ମୃତ ଦାଦନ ଶ୍ରମିକ ଙ୍କ ସ୍ତ୍ରୀ ଗୀତା ମାଝୀ  କହିଛନ୍ତି । ମୃତକ ଦାଦନ ଙ୍କ ତିନି  ଝିଅ  ଓ ଗୋଟିଏ ପୁଅ  ପିଙ୍କି( ୧୫) , ରିଙ୍କି (୭),ଚୁମକୀ (୫) ,ପ୍ରିତମ (୩)  ଥିବାରୁ ତାଙ୍କ ସ୍ତ୍ରୀ ଗୀତା  ଅସହାୟ ହୋଇପଡିଛନ୍ତି । ମୃତ ଦାଦନ ଶ୍ରମିକ ଜଗଦୀଶ ପରିବାର ଜଣେ ରୋଜଗାର କ୍ଷମ ବ୍ୟକ୍ତି ଥିଲେ ଓ ତାଙ୍କ ମୃତ୍ୟୁ ପରିବାର କିପରି ଛୋଟ ଛୋଟ ପୁଅ ଝିଅ ଙ୍କୁ ପୋଷିବି ବୋଲି କୋହଭରା କଣ୍ଠରେ କହିଛନ୍ତି ।   ଗରିବ ଆଦିବାସୀ ମୃତ ଦାଦନ ଶ୍ରମିକ ଙ୍କ ପରିବାର ଲୋକଙ୍କୁ ସରକାରୀ ସହାୟତା ଯୋଗାଇ ଦେବା ସହ ବେଆଇନ ଭାବେ  ଦାଦନ ଶ୍ରମିକ ଚାଲାଣ କରୁଥିବା ସର୍ଦ୍ଦାର ମହେନ୍ଦ୍ର ସୁନା ବାହାର ରାଜ୍ୟକୁ ଦାଦନ ଖଟିବାକୁ ନେଇଥିବା ଦାଦନ ଶ୍ରମିକ ଙ୍କ ଗୋଟିଏ ପରେ ଗୋଟିଏ ଏଭଳି ୩ ଦାଦନ ଙ୍କ ମୃତ ଦେହ ଗାଁ ଫେରୁଛି । ଏଥିପ୍ରତି ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲା ପ୍ରଶାସନ , ପୋଲିସ ପ୍ରଶାସନ ,ଶ୍ରମବିଭାଗ ଦୃଷ୍ଟି ଦେବାକୁ  ସାଧାରଣ ରେ ଦାବି ହେଉଛି ।