07-May-2022

କଣ୍ଟାବାଞ୍ଜି (ପ୍ରେରଣା ଖବର) ::ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଦାବରୀ ଅଞ୍ଚଳରେ ଏକ ବଡଧରଣର ଆକ୍ରମଣ ଓ ଡକାୟତି ଯୋଜନାକୁ କଣ୍ଟାବାଞ୍ଜି ପୋଲିସର ଅଧରାତିଆ ତୁରନ୍ତ କାର୍ଯ୍ୟନୁଷ୍ଠାନ ଯୋଗୁଁ ପଣ୍ଡ ହୋଇଥିବା ଘଟଣା ଅଞ୍ଚଳରେ ସରଗରମ୍ ବାତାବରଣ ଖେଲାଇ ଦେଇଛି । 
ଏଫ୍ ଆଇ ଆର୍ ରୁ ପ୍ରାପ୍ତ ବିବରଣୀ ଅନୁଯାୟୀ ଗତ ତା-4 ୪//୦୫/୨୦୨୨ ରାତ୍ରି ସମୟ- ୧:୩୦ ଘଣ୍ଟାରେ କଣ୍ଟାବାଞ୍ଜି ଦାବରି ଅଞ୍ଚଳରେ ରହୁଥିବା ରୋସନି ଖାନମ୍ ସ୍ବାମୀ ଅବଦୁଲ ହବିବ ଙ୍କ ଘରେ ୬ ରୁ ୭ ଜଣ ଦୁର୍ବୃତ୍ତ ମାରଣାସ୍ତ୍ର ଧରି ଡକାୟତି ଉଦ୍ୟମରେ ଧସାଇ ପଶିଥିଲେ ।

କଣ୍ଟାବାଞ୍ଜି ରେଲବାଇ କଲୋନୀ ବାସିନ୍ଦା
ଶେଖ ରେଶମା ଓ ହେମନ୍ତ କୁମାର ଙ୍କ ନେତୃତ୍ବ ରେ ଏହି ଆକ୍ରମଣ କରାଯାଇଥିବା ଏଫ୍ ଆଇ ଆର୍ ରେ ଦର୍ଜ ହୋଇଛି। ଏଫ୍ ଆଇ ଆର୍ କାରି ରୋଶନି ଙ୍କ ମୁତାବକ ଜୀବନ ରେ ମାରିବା ଓ ଡକାୟତି ଯୋଜନାରେ ଆସିଥିବା ଏହି ଅପରାଧୀ ଙ୍କ ଦାଉରୁ ବର୍ତ୍ତିବାକୁ ସିସିଟିଭି କ୍ୟାମେରା କୁ ଅନୁସରଣ କରି ତୁରନ୍ତ ସେ କଣ୍ଟାବାଞ୍ଜି ଥାନାଧିକାରୀ କାଣ୍ଡେଲକରଙ୍କୁ
ସୂଚନା ଦେଇଥିଲେ । ଥାନାଧିକାରୀ ତୁରନ୍ତ କାର୍ଯ୍ୟନୁଷ୍ଠାନ ପୂର୍ବରୁ ଏହି ଅପରାଧୀ ମାନେ ତାଟି କବାଟ ବନ୍ଦ ଥିବା ଓ ରୋଶନିଙ୍କ ପରିବାର ଜାଗ୍ରତ ଥିବା ଜାଣି କାଣୀ ବିରାଡି ର କୁଜି ଅସରପା ଉପରେ ରାଗ ସୁଝାଇବା ଭଲି ଘର ବାହାରେ ଥିବା ତିନିଟି ଆନ୍ଦ୍ରା ମୁର୍ଗି, ଦୁଇଟି ବତକ ଓ ଟ୍ରାକ୍ଟର ର ବ୍ୟାଟେରୀ ଚୋରାଇ ନେଇ ଥିଲେ ବୋଲି ଅଭିଯୋଗ ହୋଇଛି ।
ପୋଲିସ ଅପରାଧିଙ୍କୁ ଘଟଣାସ୍ଥଳରୁ କାବୁ କରି ଥାନାକୁ ନେଇ ଆଇ ପିସି ଧାରାାା ୩୪୧/୨୯୪/୫୦୬/୩୭୯/୧୪୭/୧୪୯ ଦଫାରେ କେଶ୍ ରୁଜୁ କରିଥିବା ବେଳେ ଅପରାଧୀଙ୍କୁ ଖବର ଲେଖା ପର୍ଯ୍ୟନ୍ତ କୋର୍ଟଚାଲାଣ କରାଯାଇ ନ ଥିବା 
ସୂଚନା ମିଳିଛି ।କେଶ୍ ଦାଖଲକାରୀ ରୋଶନୀ, ଥାନାଧିକାରୀ ଙ୍କ ଉଦ୍ୟମକୁ  ପ୍ରଶଂଂସ କରିଛନ୍ତି l