06-May-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଅଲଣ୍ଡା ପଞ୍ଚାୟତ ଅଫିସ ପ୍ରାଙ୍ଗଣରେ ଏକ ପଞ୍ଚାୟତ ସ୍ତରୀୟ ଜନଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି। ପଞ୍ଚାୟତ ନିର୍ବାଚନ ସମୟରେ ପଞ୍ଚାୟତ ର ଜନସାଧାରଣ ଙ୍କୁ ଦେଇଥିବା କଥାନୁଯାଇ ନିର୍ବାଚନ ପରେ ବ୍ଲକ ସ୍ତରୀୟ ସମସ୍ତ ଅଧିକାରୀଙ୍କୁ ନେଇ ଜନଶୁଣାଣୀ ହୋଇଥିଲା। ଏଥିରେ ବିଶେଷକରି ପଡିକାର୍ଡ , ଭତ୍ତା, ପାନୀୟଜଳ ଯୋଗାଣ ପାଇବା ଠିକ ଭାବରେ ଯୋଗାଇ ଦେବା ପାଇଁ ଲୋକେ ଜଣାଇଥିଲେ ।  ତେବେ ପଡିକାର୍ଡ ରୁ ୨୯୧ ଜଣଙ୍କ ନାଁ କଟି ଯାଇଥିବା ଆଗରୁ ଅଭିଯୋଗ ହୋଇଥିଲା ତା ମଧ୍ଯରୁ ୨୬୮ ଟି ପଡିକାର୍ଡ ଚାଳୁ ହୋଇଥିବା ସପ୍ଲାଇ ଇନ୍ସପେକ୍ଟର କହିଥିଲେ ,ଅଲଣ୍ଡା ସମିତିସଭ୍ଯା ତଥା ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷା ରଞ୍ଜୁବାଲା ବେହେରାଙ୍କ ଅଧ୍ୟକ୍ଷତାରେ ହୋଇଥିବା ଏହି ଜନଶୁଣାଣୀ ଅଲଣ୍ଡା ସରପଞ୍ଚ ନିବେଦିତା

ବାଗ ଙ୍କ ତତ୍ତ୍ଵାବଧାନ ରେ ହୋଇଥିଲା। ସମ୍ମାନୀତ ଅତିଥି ଭାବେ ବଙ୍ଗୋମୁଣ୍ଡା ଗୋଷ୍ଠୀ ଉନ୍ନୟନ ଅଧିକାରୀ ରିପୁନାଥ ସୁନା ଯୋଗଦେଇ ସମସ୍ତ ଲୋକଙ୍କ ଆପତ୍ତି ଅଭିଯୋଗ ଶୁଣିଥିଲେ। ଏବଂ ଲୋକଙ୍କ ସମସ୍ୟାର ସମାଧାନ ପାଇଁ ବିଭାଗୀୟ ଅଧିକାରୀ ମାନଙ୍କ ସହ ଆଲୋଚନା କରିଥିଲେ । କାର୍ଯ୍ୟକ୍ରମ ରେ ବ୍ଲକର ସମସ୍ତ ବିଭାଗର ଅଧିକାରୀଙ୍କ ସହ ସିନ୍ଧେକେଲା ସମିତିସଭ୍ଯ ଭୋଲାନାଥ ବେହେରା, ଯୁବନେତା ଯୁବରାଜ ବାଗ ଓ ସମସ୍ତ ୱାର୍ଡ ସଭ୍ଯ ଉପସ୍ଥିତ ଥିଲେ ।