06-May-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ସହର ୪ନଂ ୱାର୍ଡ କମ୍ୟୁନିଟି ହଲ ସମ୍ଭୁଖରେ ଜମି ରହିଥିବା ଡ୍ରେନ ପାଣିର ଦୂର୍ଘନ୍ଧମୟ ପରିବେଶକୁ ନେଇ ସହର ବାସୀଙ୍କ ତରଫରୁ ଥରେ ନୁହେଁ କି ଦୁଇଥର ନୁହେଁ ଅତି କମରେ ୪/୫ଥର ଅଭିଯୋଗ କରିବା ସତ୍ତ୍ବେ ବି ଗୁରୁତ୍ତ୍ଵ ଦେଇନଥିଲା ଏନଏସି ପ୍ରଶାସନ । ଯାହା ଫଳରେ ଉକ୍ତ ସମସ୍ୟା ସମାଧାନ କରିବାରେ ପରିଷଦର ଭୂମିକାକୁ ନେଇ ସାମାଜିକ ଗଣମାଧ୍ୟମରେ ପୋଷ୍ଟ ହେବାପରେ ତାହା ଦେଖି କେତେକ ବ୍ୟକ୍ତି ବିଭିନ୍ନ ପ୍ରକାରର ଇଂଗିତ ମତ ପୋଷଣ କରିବା ପରେ ବି ଏନଏସି କର୍ତ୍ତୃପକ୍ଷଙ୍କ ନିଦ ଭାଙ୍ଗି ନଥିଲା  ଉକ୍ତ ସମସ୍ୟା ଉପରେ "ପ୍ରେରଣା  ୱବ ପୋର୍ଟାଲ୍ ସମେତ ବିଭିନ୍ନ  ଦୈନିକ ଖବରକାଗଜରେ ଗତକାଲି ଗୁରୁବାର ଖବର ପ୍ରକାଶ ପାଇବା ମାତ୍ରେ କୁଆଡେ ୨/୩ଘଣ୍ଟା ମଧ୍ୟରେ ଆବର୍ଜ୍ଜନା ଡ୍ରେନ ସଫା କରାଯାଇଥିଲା ।ଫଳରେ ଏନଏସି କର୍ତ୍ତୃପକ୍ଷଙ୍କ ତତ୍ପରତାକୁ ନେଇ ବିଭିନ୍ନ ମହଲରେ ଚର୍ଚା ହେଉଛି ।ତେବେ ସେ ଯାହାବି ହେଉ ସ୍ୱଚ୍ଛ ପରିବେଶ ସୃଷ୍ଟି କରିଥିବା କମ୍ୟୁନିଟି ହଳ ପରିସରରେ ଚାଲିଥିବା ମାଁ ଶିତଲା ଦେବୀଙ୍କ ମନ୍ଦିର ପ୍ରତିଷ୍ଠା ଉତ୍ସବ ଦେଖିବା ପାଇଁ ବର୍ତ୍ତମାନ ନାହିଁ ନଥିବା ଶ୍ରଦ୍ଧାଳୁ ଭକ୍ତଙ୍କ ଭିଡ଼ ଜମୁଛି ।