28-Apr-2022

 ବଲାଙ୍ଗିର(ପ୍ରେରଣା ଖବର) : ଆସନ୍ତା ମେ ୩, ୪ ଓ ୫ ତିନି ଦିନ ଧରି  ଦେଓଗାଁ ବ୍ଲକ ଅନ୍ତର୍ଗତ ଭୀମ ଡୁଙ୍ଗୁରି ଠାରେ ଅଷ୍ଟମ ଭୀମ ପାହାଡ଼ ମହୋତ୍ସବ ଅନୁଷ୍ଠିତ ହେବ l ଏଥିପାଇଁ ଆଜି ସ୍ଥାନୀୟ ସାମ୍ବାଦିକ ଭବନ ଠାରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା l ଏହି ଅବସରରେ ଭୀମ ପାହାଡ଼ ମହୋତ୍ସବର ଲୋଗୋ କୁ ଅତିଥି ମାନେ ଉନ୍ମୋଚିତ କରିଥିଲେ l ତିନି ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଉତ୍ସବରେ ଜିଲ୍ଲା ତଥା ଜିଲ୍ଲା ବାହାରର ୧୨ ଟି ସାଂସ୍କୃତିକ ଦଳ ଅଂଶଗ୍ରହଣ କରିବେ ବୋଲି ସାମ୍ବାଦିକ ସମ୍ମିଳନୀରେ ଭୀମ ପାହାଡ଼ ମହୋତ୍ସବ ଆୟୋଜନ କମିଟିର ମୁଖ୍ୟ ଉପଦେଷ୍ଟା ଲକ୍ଷ୍ମଣ ମେହେର ସୂଚନା ଦେଇଛନ୍ତି l ଏଥି ସହ ଉତ୍ସବର ଶେଷ ଦିନରେ ଜଣେ ବ୍ୟକ୍ତି ବିଶେଷଙ୍କୁ ଭୀମ ପାହାଡ଼ ସମ୍ମାନରେ ସମ୍ମାନିତ କରାଯିବାକୁ ନିଷ୍ପତ୍ତି ହୋଇଛି l ମହୋତ୍ସବ ର ପ୍ରଚାର ପ୍ରସାର ପାଇଁ ସମସ୍ତଙ୍କ ସହଯୋଗ କାମନା କରାଯାଇଥିଲା lସାମ୍ବାଦିକ ସମ୍ମିଳନୀରେ ଆୟୋଜକ କମିଟିର ସଭାପତି ପ୍ରମୋଦ ବହିଦାର, ଗୁରୁ ଶ୍ରୀ ଘାସିରାମ ମିଶ୍ର, ନାଟ୍ୟଭୂଷଣ ଜଗଦାନନ୍ଦ ଛୁରିଆ ଓ ଜିଲା ପରିଷଦ ଅଧ୍ୟକ୍ଷା ଦେବକୀ ସାହୁ ପ୍ରମୁଖ ଉପସ୍ଥିତ ରହି ଭୀମ ପାହାଡ ମହୋତ୍ସବ ର ସଫଳ ପରିଚାଲନା ପାଇଁ ସମସ୍ତଙ୍କ ସହଯୋଗ କାମନା କରିଥିଲେ l