24-Apr-2022

ପଦ୍ମପୁର/ଗାଇସିଲେଟ:  ଆଜି ଦିନ ଅପରାହ୍ନ ୫ ଘଟିକା ସମୟରେ ରାଜ ବୋଡା ସମ୍ଵର କୃଷକ ସଙ୍ଗଠନ ଗାଇସିଲେଟ ବ୍ଲକ ର ସଭାପତି ଶ୍ରୀଯୁକ୍ତ ଅରବିନ୍ଦ ପଣ୍ଡା ଙ୍କ ଅଧ୍ୟକ୍ଷତା ରେ ଭାଙ୍ଗମୁଣ୍ଡା ଗ୍ରାମର କୀର୍ତ୍ତନ ମଣ୍ଡଳୀ ଠାରେ ଭାଙ୍ଗମୁଣ୍ଡା ଗ୍ରାମବାସୀ ଙ୍କ ସହିତ ମୁଠି ଛୁଆଁ ମହୋତ୍ସବ ୨୦୨୨ ର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l ଆଜି ଗ୍ରାମବାସୀ ଅପରାହ୍ନ ୨ ଘଟିକା ସମୟରେ ପଣ୍ଡିତ ଶ୍ରୀମାନ ଦିଲ୍ଲୀପ ପାଣି ଙ୍କୁ ଡକାଇ ପାଞ୍ଜି  ଶୁଣିଥିଲେ ଓ  ଅକ୍ଷୟ ତୃତୀୟା ର ତିଥିନୁସାରେ  ପାଳନ କରିବା ପାଇଁ ଉତ୍ସାହର ସହିତ ଗ୍ରାମବାସୀ ମତବିନିମୟ କରିଥିଲେ l ପରେ ରାଜ ବୋଡା ସମ୍ବର କୃଷକ ସଙ୍ଗଠନ ର ପୂର୍ବ ନିର୍ଦ୍ଧାରିତନୁଯାୟୀ ଭାଙ୍ଗମୁଣ୍ଡା ଠାରେ ଆଗାମୀ ୩-୫-୨୦୨୨ ମଙ୍ଗଳବାର ଦିନ ଗ୍ରାମବାସୀ ଓ ରାଜ ବୋଡା ସମ୍ବର କୃଷକ ସଙ୍ଗଠନ ତରଫ ରୁ ମିଳିତ ଭାବରେ ଅକ୍ଷୟ ତୃତୀୟା ମହୋତ୍ସବ ପାଳନ  କରିବାକୁ  ପ୍ରସ୍ତୁତି ବୈଠକ କରା ଯାଇଥିଲା ଗାଁ ର ଚାଷୀ ମାନେ  ଅନେକ  ମତାମତ ଦେଇଥିଲେ l କେମିତି ସୁନ୍ଦର କରି ପାରିବା ସେ ବିଷୟ ରେ ବିଶେଷ ଆଲୋଚନା ହୋଇଥିଲା lବହୁତ ଉତ୍ସାହ ର ସହିତ ସମସ୍ତେ ଏହି ନିଷ୍ପତି କୁ ପ୍ରଶଂସା କଲେ ଓ ଧୁମ ଧାମ ରେ ପାଳନ କରିବା ପାଇଁ  ଗାଁର ଗଉନ୍ତିଆ ଶ୍ରୀମାନ ବିମ୍ବାଧର ସାହୁ ମତ ଦେଇଥିଲେ l ଏହି ବୈଠକରେ କୃଷକ ସଙ୍ଗଠନ ର ସମ୍ପାଦକ ଗଜପତି ସାହୁ ,ଗ୍ରାମ୍ୟ କମିଟି ର ସଭାପତି ବିପିନ ସାହୁ,ବକୁଳ ସାହୁ,ଡୋଳାମଣି ସାହୁ , ୱାର୍ଡ ମେମ୍ବର ସୁଦାମ ଧରୁଆ,କୀର୍ତ୍ତନ ଛତ୍ରୀଆ,ସୁଦାମ ଚରଣ ସାହୁ, କୁଳମଣି ସାହୁ, ସୁଦାମ ଚରଣ ସାହୁ,ଦିଲ୍ଲୀପ ସାହୁ,ଗୁପ ଛତ୍ରୀଆ,ଲଳିତ ସାହୁ, ଅକ୍ଷୟ ସାହୁ ଓ ଗ୍ରାମବାସୀ ଉପସ୍ଥିତ ଥିଲେ l