17-Apr-2022

ରେଢାଖୋଲ: (ଅନିଲ କୁମାର ପୃଷ୍ଟି ): ସମ୍ବଲପୁର ଜିଲ୍ଲାର ରେଢାଖୋଲ ଶାଳବଣ ଦେହୁରୀ ସାହିଠାରେ ସମ୍ବଲପୁର ଜିଲ୍ଲା କାର୍ଯ୍ୟକାରିଣୀ ଏବଂ ଅନ୍ତରାଷ୍ଟ୍ରୀୟ ଗଣ୍ଡୱାନା ମହାଧିବେଶନର ଦ୍ଵିତୀୟ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି।ଉକ୍ତ ସଭାରେ ସନ୍ତୋଷ ଭୋଇ ସଭାପତିତ୍ବ କରିଥିଲେ ଏବଂ ମୂଖ୍ୟ ଅତିଥି ରାଜ୍ୟ ମହା ସଚିବ ପ୍ୟାରିମୋହନ ନାଏକ ସମ୍ମାନିତ ଅତିଥି ଶ୍ୟାମସୁନ୍ଦର ଭୋଇ, ଲୋଚନ ଧରୁଆ,ସଦାଶିବ ନାୟକ ମହେନ୍ଦ୍ର ମାଝି ବୀଣାପାଣି ନାୟକ ମହିଳା ସଭାନେତ୍ରି, ଭାଗିରଥି ସିଂଙ୍ଗ ବରଗଡ଼ ସଦଭାପତି, ଲବଣୀ ଧର ନାଏକ, ପ୍ରଫୁଲ୍ଲ କୁମୁରା, ମଧୁସୂଦନ ନାଏକ, ଜିଏସ୍‌ ୟୂ ପରାମର୍ଶଦାତା ରୋହିତ ଭୋଇ, ନାକଟିଦେଉଳ ବ୍ଳକ୍ ସଚିବ ଜଗନ୍ନାଥ ଦେହୁରି ପ୍ରମୁଖ ଯୋଗଦେଇଥିଲେ। ସଭା ଶେଷରେ ପୁରନ୍ଦର ପଟ୍ଟା ରୋଜା ଖୋଲ ସଭାପତି ଧନ୍ୟବାଦ ଅର୍ପଣ କରିଥିଲେ। ଅଖିଳ ଭାରତୀୟ ଗଣ୍ଡୱାନା ଗଣ୍ଡ ମହାସଭା ଓଡିଶା ପ୍ରଦେଶ ରେଢ଼ାଖୋଲ ବ୍ଳକ କମିଟି ଆନୁକୁଲ୍ୟରେ ପ୍ରାଦେଶିକ ସ୍ତରୀୟ ବୈଠକ ଅନୁଷ୍ଠିତ ହୋଇଛି। ଆଗାମୀ ଡ଼ିସେମ୍ବରରେ  ହେବାକୁ ଥିବା ୫ ଦିନିଆ ଅନ୍ତରାଷ୍ଟ୍ରିୟ ଗଣ୍ଡୱାନା ମହାଧିବେଶନ୍ ସଫଳ ରୂପାୟନ ଉପରେ ଚର୍ଚ୍ଚା ହୋଇଥିଲା ବେଳେ ଗୋଣ୍ଡି ସଂସ୍କୃତି ଉପରେ ଖ୍ୟାତି ଅର୍ଜନ କରିଥିବା ବିଭିନ୍ନ ଦେଶର ବ୍ୟକ୍ତିବିଶେଷ ମାନେ ଯୋଗଦେବାର କାର୍ଯ୍ୟକ୍ରମ ରହିଛି। ଇତି ମଧ୍ୟ ରେ ପ୍ରାଦେଶିକ ସ୍ତରରେ ଏକ ବଡ଼ ଦେଓ ପଞ୍ଜିକା ପ୍ରକାଶ ପାଇବ ପାଇଁ ସମସ୍ତ ପ୍ରସ୍ତୁତି କାର୍ଯ୍ୟ ଚାଲୁଥିବା ବେଳେ ରାଜ୍ୟ ଠାରୁ ଗୁଡ଼ି, ପଲ୍ଲି ,ପୁଞ୍ଜ , ସ୍ତରରେ କାର୍ଯ୍ୟକାରି କମିଟିର ତାଲିକା ଛପା ହେବା ଅପେକ୍ଷାରେ ଅଛି। ଏହି ପଞ୍ଜିକାର ମୂଖ୍ୟ ଭାବରେ ଗଣ୍ଡମାନଙ୍କର ପୁରାତନ ସଂସ୍କୃତି ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ସାମାଜିକ ବିଧିବିଧାନ ,ପୂଜା ପଦ୍ଧତି, ଶିକ୍ଷା ଦିକ୍ଷା ଆର୍ଥିକ ସ୍ଥିତି ଅନ୍ତର୍ଭୁକ୍ତ ହେବ। ସେଥିପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଠାରେ ଦାବି ଜଣାଉଛୁ ଯେ ଆଦିବାସୀମାନଙ୍କ ସୁରକ୍ଷା କବଚ ପେସା ଆଇନ୍‌କୁ ଶିଘ୍ର ଲାଗୁ କରାଯାଉ।ଏମାନଙ୍କ ସମ୍ବିଧାନିକ ସୁରକ୍ଷା ପାଇଁ ରାଜ୍ୟ ଅନୁସୁଚିତ ଜନଜାତି କମିଶନ ଶୀଘ୍ର ଗଠନ ହେଉ। ଓଡ଼ିଶାର ରାଜଧାନୀ ଭୁବନେଶ୍ବର ଠାରୁ ଦିଲ୍ଲି ପର୍ଯ୍ୟନ୍ତ ପ୍ରତିଦିନ ଗଣ୍ଡୱାନ ଏକ୍ସପ୍ରେସ ଟ୍ରେନ୍‌ ଚଳାଇବା ପାଇଁ ଦାବି କରାଯାଇଛି।