16-Apr-2022

ବିନିକା(ହିମାଂଶୁ ଶେଖର ପୁଟେଲ) ନିଜ ଗ୍ରାମ ଠାରୁ ପ୍ରାୟ ୪/୫ କିମି ଦୂର ପଞ୍ଚାୟତ କାର୍ଯ୍ୟାଳୟକୁ ଖାଉଟି ସାମଗ୍ରୀ ନେଇ ଯାଉଥିଲେ ହିତାଧିକାରୀ ।ନିର୍ବାଚନରେ କଥା ଦେଇଥିଲେ ବିଜୟୀ ହେବାପରେ ଗାଁ ଗାଁ ରେ ଖାଉଟି ସାମଗ୍ରୀ ବଣ୍ଟନ ହେବ ।ସେହି ପ୍ରତିଶ୍ରୁତି ଆଜି ପାଳନ କରିଛନ୍ତି ବିନିକା ବ୍ଳକ ଚରଦା ପଞ୍ଚାୟତରେ ବିଜୟୀ ସରପଞ୍ଚ,ସମିତି ସଭ୍ୟ ଓ ସମସ୍ତ ୱାର୍ଡ ମେମ୍ବର । ଫଳରେ ପଞ୍ଚାୟତ ଅଧିନସ୍ଥ ବିଭିନ୍ନ ଗ୍ରାମରେ ଥିବା ହିତାଧିକାରୀ ମାନଙ୍କ ମଧ୍ୟରେ ନାହିଁ ନ ଥିବା ଖୁସିର ଲହରୀ ଖେଳିଯାଇଛି ।ସୂଚନା ଯୋଗ୍ୟ ଯେ ବିନିକା ବ୍ଳକ ଅନ୍ତର୍ଗତ ଚରଦା କପିଳେଶ୍ୱର ପଞ୍ଚାୟତର ନବ ନିର୍ବାଚିତ ସରପଞ୍ଚ ବୃନ୍ଦା ବତି ନାୟକ,ସମିତି ସଭ୍ୟା ନଳିନୀ ସାହୁ ସ୍ଥାନୀୟ ପଞ୍ଚାୟତ କାର୍ଯ୍ୟାଳୟ ଠାରେ ଚଳିତ ମାସ ଠାରୁ ହିତାଧିକାରୀଙ୍କ ଉଦ୍ଦେଶ୍ୟରେ ନୂଆଁ ଡଙ୍ଗାରେ ବଣ୍ଟନ ହେବାକୁ ଯାଉଥିବା ଖାଉଟି ସାମଗ୍ରୀ ବଣ୍ଟନ ମେଳା କୁ ଫିତା କାଟି ଉଦ୍ଘାଟନ କରିବା ପରେ ଦାୟିତ୍ୱରେ ଥିବା ଯୋଗାଣ

ସହାୟକଙ୍କ ମାଧ୍ୟମରେ ପ୍ରଥମେ ଚରଦାର ହିତାଧିକାରୀ ମାନଙ୍କୁ ଖାଉଟି ସାମଗ୍ରୀ ଚାଉଳ,ଗହମ ଓ କିରୋସିନି ବଣ୍ଟନ ହୋଇଥିଲା ।ପରେ ପରେ ଫୁଲମୁଠି ଗ୍ରାମର ଉପର ପଡ଼ା ମଣ୍ଡପ ଠାରେ ଖାଉଟି ସାମଗ୍ରୀ ପରିବହନ ଗାଡ଼ିକୁ ଉଭୟ ସରପଞ୍ଚ ଓ ସମିତି ସଭ୍ୟା ପତାକା ଦେଖାଇ ଶୁଭାରମ୍ଭ କରିବା ପରେ ସମର୍ଥକଙ୍କ ଗହଣରେ ଗ୍ରାମର ଇଷ୍ଟଦେବୀ ମାଁ ମାହେଶ୍ୱରୀ ମନ୍ଦିରକୁ ଆସି ଦର୍ଶନ କରିଥିଲେ ।ସ୍ଥାନୀୟ ପୂଜା ମଣ୍ଡପ ଠାରେ   ଗ୍ରାମର ବରିଷ୍ଠ ସଚେତନ ନାଗରିକ ପ୍ରମୋଦ କୁମାର ଦାଶ ତାଙ୍କ ବକ୍ତବ୍ୟରେ ନିର୍ବାଚିତ ପ୍ରତିନିଧି ମାନେ ଦେଇଥିବା କଥା ରଖିଥିବାରୁ ହିତାଧିକାରୀ ଉପକୃତ ହୋଇଛନ୍ତି ଠିକ ସେହିପରି ଆଗାମୀ ଦିନରେ ପଞ୍ଚାୟତ ଅଧିନସ୍ଥ ସମସ୍ତ ଗ୍ରାମର ବିକାଶ ପାଇଁ ମଧ୍ୟ ଗୁରୁତ୍ତ୍ଵ ଦେବେ ବୋଲି ଉପସ୍ଥିତ ଗ୍ରାମବାସୀଙ୍କୁ କହିଥିଲେ । ଏହି ଅବସରରେ ପଞ୍ଚାୟତର ୱାର୍ଡ ପ୍ରତିନିଧି ଆନନ୍ଦ ହୋତା, ଶଙ୍କର ପଣ୍ଡା,ହରିବନ୍ଧୁ ରଣା,ସଭ୍ୟା କମଳିନୀ ମହାକୁର,ସଂଗଠକ ଭୀମସେନ ସାହୁ,ଧୀବର ବରିହା,ଶେଖର ଶର୍ମା,ଧର୍ମେନ୍ଦ୍ର ଥନାପତି,ବାବୁଲାଲ ସାହୁ,ନୀଳାମ୍ବର ସାହୁ,ରଞ୍ଜନ ନାଏକ,ମହେଶ୍ୱର ପ୍ରଧାନ,ସୁବାସ ମହାକୁରଙ୍କ ସମେତ ବହୁ ସ୍ବେଚ୍ଛାସେବୀ ଯୁବକ କାର୍ଯ୍ୟକ୍ରମରେ ସାମିଲ ହୋଇଥିଲେ ।