15-Apr-2022

ବଲାଙ୍ଗୀର/କଣ୍ଟାବାଞ୍ଜି:(ପ୍ରେରଣା ଖବର)-ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ରେଳ ଷ୍ଟେସନ ନିକଟରେ ଥିବା ବିଦ୍ୟୁତ କାର୍ଯ୍ୟାଳୟ ପାଖ ଏକ ପରିତ୍ୟକ୍ତ ନାଳରୁ ଜଣେ ଅଚିହ୍ନା ଯୁବକର ମୃତଦେହ ପଡ଼ିଥିବା ପୋଲିସ ନିକଟରୁ ସୂଚନା ମିଳିଛି ।  ପାରିପାର୍ଶ୍ବିକ ସ୍ଥିତି କ୍ରମେ ମୃତ ଯୁବକଙ୍କୁ କେହି ଦୁର୍ବୃତ୍ତ ହତ୍ୟା କରି ଫିଙ୍ଗି ଦେଇଥିବା ଥିବା ସନ୍ଦେହ କରାଯାଉଛି। ଘଟଣାସ୍ଥଳରେ ଶାଗୁଆନ ଗଛ ଜଙ୍ଗଲ ଥିବା ଯୋଗୁ ଏଠାକୁ ଲୋକେ ଶୌଚ ପାଇଁ ଆସିଥାନ୍ତି ।କୌଣସି ଲୋକ ଶୌଚ ପାଇଁ ଆସିଥିବା ବେଳେ ନାଳରେ ଶବ ପଡ଼ିଥିବା ଦେଖିବାକୁ ପାଇଥିଲେ । 

ପୁଲିସକୁ ଖବର ଦେବା ପରେ କଣ୍ଟାବାଞ୍ଜି ଥାନା ପୋଲିସ, ତଥା , ରେଳବାଇ ଜିଆରପି ଓ ଆରପିଏଫ ପୋଲିସ  ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛନ୍ତି। ତେବେ ଶବଟି ପଚିଯାଇଥିବା ବେଳେ ତାର ମୁଣ୍ଡ ପାଖରେ ଦୁଇଟି ବାଲି ବସ୍ତା ପଡ଼ିଥିବାର ଦେଖିବାକୁ ମିଳିଛି। ଯୁବକ ଜଣକ ଉଲଗ୍ନ ଅବସ୍ଥାରେ ଥିବା ଦେଖାଯାଇଛି।
କିଛି ସମୟ ପରେ ବଲାଙ୍ଗୀର ସାଇଣ୍ଟିଫିକ ଦଳ ପହଞ୍ଚି ଏହାର ତଦନ୍ତ କରିବେ ବୋଲି ଥାନା ଅଧିକାରୀ ସତ୍ୟଜିତ କାଣ୍ଡଲକେଲ କହିଛନ୍ତି।