15-Apr-2022

ବରଗଡ଼:(ନିରଞ୍ଜନ ତ୍ରିପାଠୀ)- ପବିତ୍ର ପଣା ସଂକ୍ରାନ୍ତି ଅବସରରେ ଭେଡେନ ବ୍ଳକ ନୂଆପାଲି ଅନ୍ତର୍ଗତ ନେଗିପାଲି ଠାରେ ମହା ସମାରୋହରେ ବୀର ହନୁମାନ ଜୟନ୍ତୀ ନବମ ବାର୍ଷିକ ଉତ୍ସବ ପାଲିତ ହୋଇଯାଇଛି । ପ୍ରଥମେ କଳସ ଶୋଭାଯାତ୍ରା ପରେ ପୂଜାକର୍ମ ଓ ହୋମ ଜଜ୍ଞ ସମ୍ପାଦିତ ହୋଇଥିଲା । ଏଥିରେ କର୍ତ୍ତା ଭାବେ ଶ୍ରୀ ଉତ୍ପନ୍ନ କୁମାର ଭୋଇ ଓ ବିଷ୍ଣୁପ୍ରିୟା ଭୋଇ ତଥା ପୁରୋହିତ ଜିତେନ୍ଦ୍ରୀୟ ପୁଝାରୀ ଦାୟିତ୍ବ ନିର୍ବାହ କରିଥିଲେ । ଅସଂଖ୍ୟ ଶ୍ରଦ୍ଧାଲୁଙ୍କ ପାଇଁ ଅନ୍ନକୋଟର ବ୍ୟବସ୍ଥା ହୋଇଥିଲା ।ପରେ ସନ୍ଧ୍ୟାରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ଅଧ୍ୟାପକ ସନ୍ତୋଷ କୁମାର ତ୍ରିପାଠୀଙ୍କ ପରିଚାଳନା ,ସତ୍ୟ ନାରାୟଣ ପାଢ଼ୀ ମୂଖ୍ୟ ଅତିଥି ଭାବେ ଯୋଗ ଦେଇଥିଲେ । କବି ମୁନିରାମ କୁମ୍ଭାର ସଂଜୋଜନାରେ ନିମନ୍ତ୍ରିତ କବି ଭାବେ କ୍ରାନ୍ତି କବି ହରିଲାଲ ସାହୁ, ଅଧିକାରି ସା,ରାମ୍ ପ୍ରସାଦ ବାଗ ଓ ସୁରେସ ଚନ୍ଦ୍ର ଭୋଇ ବ୍ୟଙ୍ଗ ଓ ସଂସ୍କାରୀ ଚେତନାଧର୍ମୀ କବିତା ମାଧ୍ୟମରେ ସମସ୍ତଙ୍କୁ ମନ୍ତ୍ରମୁଗ୍ଧ କରିଦେଇଥିଲେ । ପରେ  ଲକ୍ଷ୍ମୀ  ଶ୍ରି ଟୁକେଲ୍ ଦଣ୍ଡ ନୃତ୍ୟ ପରିବେଷଣ ହୋଇଥିଲା । ପରିଚାଲନାରେ ୱାର୍ଡ ମେମ୍ବର ପ୍ରକାଶ ଲୁହା, ଗୋପାଲ ବେସରା ,ପୂଜକ ଅମର କୁମ୍ଭାର ,ଦଶ ସୁନା ,କର୍ଣ୍ଣ ବେସରା ,ଉପେନ୍ଦ୍ର ମହାନନ୍ଦ ,ବାଲେଶ୍ଵର ଦିପ ପ୍ରମୂଖ ଯୋଗଦାନ କରିଥିଲେ ।