02-Apr-2022

କୋଦଳା (ଉମା ମହାରଣା) ଗତକାଲି ଥିଲା ପବିତ୍ର ଉତ୍କଳ ଦିବସ | ଏହି ଅବସରରେ କୋଦଳା ଏନ୍ ଏ ସି ଠାରେ ଉତ୍କଳ ଦିବସ ପାଳନ ହୋଇଯାଉଛି | ଏନଏସି ର ନୂତନ ଅଧ୍ୟକ୍ଷ ସୂର୍ଯ୍ୟ ନାରାୟଣ ନାୟକ, କାର୍ୟନିର୍ବାହୀ ଅଧିକାରୀ ସୁଜିତ କୁମାର ଚୌଧୁରୀ ଏବଂ ସମସ୍ତ କାଉନସିଲର ମାନଙ୍କ ଉପସ୍ଥିତି ରେ ପ୍ରଥମେ ଖରୁଡ଼ା ସାହି ସ୍ଥିତ ଗାନ୍ଧୀ ମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରିଥିଲେ |ଏହା ପରେ କୋଦଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ରୋଗୀ ଙ୍କୁ ଫଳ ବଣ୍ଟନ ଏବଂ ପରେ ଆହାର କେନ୍ଦ୍ର କୁ ଯାଇ ଆହାର ବିତରଣ କୁ ତଦାରଖ କରିଥିଲେ | 
ସାରା ରଜ୍ୟ ରେ ବେଶ ଧୁମ ଧାମ ରେ ଉତ୍କଳ ଦିବସ ପାଳନ କରାଯାଉଥିବା ବେଳେ କୋଦଳା ସ୍ଥିତ କଲ୍ୟାଣ ମଣ୍ଡପ ରେ ସଫେଇ କର୍ମଚାରି ଙ୍କ ପ୍ରତିଯୋଗିତା ମାଧ୍ୟମରେ ପୁରସ୍କାର ବିତରଣ କରାଯାଇଥିଲା |ସ୍ୱଚ୍ଛତା କୁ ନେଇ ଉତ୍ତମ ପାରଦର୍ଶିତା ଲାଭ କରିଥିବା କର୍ମଚାରୀ ଙ୍କୁ ପୁରସ୍କାର ବିତରଣ କରାଯାଇଥିଲା | ନୂତନ ଅଧ୍ୟକ୍ଷ ସୂର୍ଯ୍ୟ ନାରାୟଣ ନାୟକ ଅନେକ କୁନି କୁନି ଛାତ୍ରଛାତ୍ରୀ ଙ୍କୁ ମଧ୍ୟ ପୁରସ୍କୃତ କରିଥିଲେ |କାର୍ଯ୍ୟକ୍ରମ ରେ ଅଧ୍ୟକ୍ଷ ଙ୍କ ସମେତ ବିଭିନ ୱାର୍ଡ ର କାଉନସିଲର ମାନେ ଉପସ୍ଥିତ ରହି ସହଯୋଗ କରିଥିଲେ |ଏହାକୁ ନେଇ ସଫେଇ କର୍ମଚାରୀ ଙ୍କ ମନରେ ବେଶ ଉତ୍ସାହ ପରିଲିକ୍ଷିତ ହୋଇଥିବା ଦେଖିବାକୁ ମିଳିଥିଲା |ପରିଶେଷରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ନୃତ୍ୟ ଗୀତ ପରିବେଷଣ ହୋଇଥିଲା |( ଉମା ମହାରଣା - କୋଦଳା )