20-Mar-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଆଜି ସ୍ୱଚ୍ଛ ସହର ସ୍ୱଚ୍ଛ ସୋନପୁର ଗଢିବା ପାଈଁ  ସୁବର୍ଣ୍ଣପୁର ଏସ-ପି ଙ୍କ ନେତୃତ୍ୱ ଓ ତତ୍ୱାବଧାନ ରେ ରିଜର୍ଭ ଇନ୍ସପେକ୍ଟର ପ୍ରଦ୍ୟୁମ୍ନ ପଟେଲ, ସ୍ୱଚ୍ଛ ଭାରତ କୋଡିନେଟର ମନୋରଞ୍ଜନ ତ୍ରିପାଠୀ, ଓ ହାବିଲଦାର ମନୋଜ ପଣ୍ଡା ଙ୍କ ସଂଯୋଜନା ରେ ସ୍ୱଚ୍ଛ ଭାରତ ସଂଗଠନ, ପୋଲିସ ଟିମ, ଯୋଗାଳୟ, ସୋନପୁର କଲେଜ ଏନ ସି ସି

ଟ୍ରୁପ, ଓ  ଆର ଏସ ଏସ  କର୍ମକର୍ତା ଙ୍କ ମିଳିତ ସହଯୋଗ ରେ ସ୍ଥାନୀୟ ବୁଢାରଜା ଛକ ଠାରୁ କଲେଜ ରାସ୍ତା କଚେରୀ ଛକ ଯାଏ ପଲିଥିନ ମୁକ୍ତ ମହା ସଚେତନତା ଅଭିଯାନ କୁ ସୁବର୍ଣ୍ଣପୁର ଏସପି ଶ୍ରୀ ଅମରେଶ ପଣ୍ଡା ଶୁଭାରମ୍ଭ କରିଥିଲେ l ଏବଂ ନିଜେ ଶ୍ରୀ ପଣ୍ଡା ବେଲଚା ଦ୍ୱାରା ରାସ୍ତା ରୁ ଓ ଡ୍ରେନ ରୁ ଜରି ଗୋଟାଇ ସଫେଇ କରି  ପୋଲିସ ଓ ସ୍ବେଛାସେବୀ ଙ୍କ ଉତ୍ସାହ ବଢ଼ାଇଥିଲେ l ସକାଳ ୫.୩୦ ରୁ  ୭ଟା ଯାଏ ଆଜିର ଏଇ ଅଭିଯାନ ରେ ଶତାଧିକ ସ୍ବେଛାସେବୀ ଓ ବୁଦ୍ଧିଜୀବୀ ଯୋଗ ଦେଇ ପଲିଥିନ ଗୋଟାଇ ସହର ବାସୀ ଙ୍କୁ ସଚେତନ କରାଇଥିଲେ l  ସବୁ ବର୍ଗର ଲୋକଙ୍କ ସହଯୋଗରେ ଆଗକୁ ସହର ଓ ଜ଼ିଲ୍ଲା ସାରା ଏଇ ସଚେତନତା ଅଭିଯାନକୁ ଆହୁରି ବ୍ୟାପକ କରାଯିବ ବୋଲି ଏସପି ଶ୍ରୀ ପଣ୍ଡା  ପ୍ରକାଶ  କରିଥିବା ବେଳେ ଆଜି ଯୋଗଦାନ କରିଥିବା ସମସ୍ତ ପୋଲିସ ଓ ସ୍ବେଛାସେବୀଙ୍କୁ ଧନ୍ୟବାଦ ଦେଇଥଲେ l ସ୍ୱଚ୍ଛ ଭାରତ ସଂଗଠନ ଓ ଉପସ୍ଥିତ ସମସ୍ତ ଅନୁଷ୍ଠାନ ସହିତ ଏସପି ଶ୍ରୀ

ପଣ୍ଡା ପୂର୍ଵ ରୁ ଏଇ କାର୍ଯ୍ୟକ୍ରମ ଉପରେ ବିଭିନ୍ନ ପରାମର୍ଶ ଓ ଆଲୋଚନା କରିଆସିଥିବା ବେଳେ ଏସପି ଶ୍ରୀ ପଣ୍ଡା ଙ୍କ ପରି ସମସ୍ତ ପ୍ରଶାସନିକ ଅଧିକାରୀଙ୍କ ସମାଜ ପ୍ରତି ଏଭଳି ଆଭିମୁଖ୍ୟ ରହିଲେ ଏକ ସ୍ୱଚ୍ଛ ଓ ସୁସ୍ଥ ସମାଜ ଗଢିବାରେ  ଓ  ସମାଜ ପରିବର୍ତ୍ତନ ଆଣିବାରେ ସଫଳ ହେବା ନିଶ୍ଚିତ l ଏବଂ ସ୍ୱଚ୍ଛ ସହର ଗଢିବା ରେ ଆଜିର ସ୍ବେଛାସେବୀ, ଏନ ସି ସି ଛାତ୍ର ଛାତ୍ରୀ ଓ ପୋଲିସ ଟିମ ଙ୍କ ସ୍ୱଚ୍ଛ ପ୍ରୟାସ ସତରେ ପ୍ରଶଂସନୀୟ ଅଟେ l