18-Mar-2022

ନର୍ଲା (ସଞ୍ଜିବ ଦାସ)ଗତ କିଛିଦିନ ତଳେ କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ଲାଞ୍ଜିଗଡ ରୋଡ ଅଞ୍ଚଳରେ ମାଓବାଦୀଙ୍କୁ ମାଓ ସାମଗ୍ରୀ ଯୋଗାଉଥିବା ଅଭିଯୋଗରେ ତିନି ଜଣଙ୍କୁ ଗିରଫ କରିଥିଲା କଳାହାଣ୍ଡି ପୁଲିସ  l ଲାଞ୍ଜିଗଡ ରୋଡ ର ପ୍ରବିଣ କୁମାର ରାଉତ ତାଙ୍କ ପୁଅ ପ୍ରତିଦାନ ରାଉତ ଏବଂ ଶକ୍ତିସାମନ୍ତ ଦଳ ବେହେରା ଙ୍କ ବିଷୟରେ କୌଣସି ସୁତ୍ର ରୁ ଖବର ପାଇ ତାଙ୍କ ଘରେ  ଚଢାଉ କରିଥିଲା l ଚଢାଉ ବେଳେ ଦୁଇଟି ୱାକିଟକି,  ବ୍ଯାଟେରି,  ଚାର୍ଜର , ତିନୋଟି ମୋବାଇଲ ଫୋନ ଓ ଅନ୍ଯାନ୍ଯ ଗୁରୁତ୍ବପୂର୍ଣ୍ଣ ସାମଗ୍ରୀ ଜବତ କରିବା ସହିତ ଅଧିକ ପଚରାଉଚରା କରି  ମାଓବାଦୀଙ୍କ ସହ ସମ୍ପୃକ୍ତି ଅଭିଯୋଗରେ ତିନି ଜଣଙ୍କୁ ଗିରଫ କରି କୋର୍ଟଚାଲାଣ କରିଥିବା ବେଳେ ସେହି କେସ ର ତଦନ୍ତ ବେଳେ ଆଜି କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ବାଙ୍କେଲ ଗ୍ରାମର ଖଗେଶ୍ବର ଗୌଡ ନାମକ ଜଣେ ମାଓ ସମର୍ଥକ କୁ ଗିରଫ କରି କୋର୍ଟଚାଲାଣ କରିଛି l ଗିରଫ ଖଗେଶ୍ବର ଗୌଡଙ୍କ ନିକଟରୁ 9 ଟି ଜୀବନ୍ତ ଡିଟୋନେଟର , 3 ମାଓ ପୋଷ୍ଟର, ତାର, ମାଓ ପୁସ୍ତିକା ସହ ବିଭିନ୍ନ ସାମଗ୍ରୀ ଜବତ କରି କୋର୍ଟଚାଲାଣ କରିଥିବା କଳାହାଣ୍ଡି ଏସପି ଶ୍ରବଣା ବିବେକ ଏମ ସୁଚନା ଦେଇଛନ୍ତି l