09-Mar-2022

ବରଗଡ(ନିରଞ୍ଜନ ତ୍ରିପାଠୀ) ବରଗଡ଼ ଜିଲ୍ଲା ଓକିଲ ସଙ୍ଘ ର ସେମିନାର ହଲ ଠାରେ "ଆନ୍ତର୍ଜାତିକ ମହିଳା ଦିବସ "ପାଳିତ ହୋଇ ଯାଇଛି । ଏହି ଅବସରରେ ବରଗଡ଼ ଜିଲ୍ଲା ଏବଂ ଦୌରା ଜଜ ମାନନୀୟ ଅସୀମ ଦଳବେହେରା ମୁଖ୍ୟ ଅତିଥି ରୂପେ ଯୋଗଦେଇ ଆଜିର ସମାଜ ରେ ଲିଙ୍ଗଗତ ଅସମାନତା କିପରି ବଢିଚାଲିଛି ଏବଂ ଆଗାମୀ ଦିନରେ ଏହା ଏକ ସାମାଜିକ ବ୍ୟାଧି ହେବା ପୂର୍ବରୁ ଆମକୁ ସଚେତନ ହେବାକୁ ପଡ଼ିବ ବୋଲି କହିଥିଲେ । ସେହିପରି ମାନନୀୟ ପରିବାର ଅଦାଲତ ର ବିଚାରପତି ମାନନୀୟ ପ୍ରଭାତ କୁମାର ରାଜଗୁରୁ ମୁଖ୍ୟବକ୍ତା ରୂପେ ଯୋଗ ଦେଇ ନାରୀ ସମାଜର ଏକ ଅଭିନ୍ନ ଅଙ୍ଗ ଏବଂ ସେ ନ ଥିଲେ ସ୍ନେହ, ପ୍ରେମ, ସହନଶୀଳତା,  ସେବା, ଧୈର୍ଯ୍ୟ  ଗୁଣାବଳୀ ସବୁ ନ ଥାନ୍ତା । ଏଣୁ ସମଗ୍ର ସୃଷ୍ଟି ପ୍ରକ୍ରିୟା କୁ ବଞ୍ଚାଇବା ପାଇଁ ଓ ସୁରକ୍ଷିତ ରଖିବା ପାଇଁ ପୁରୁଷ ମାନେ ନିଜର ଦୃଷ୍ଟି ଭଙ୍ଗୀ ବଦଳାଇବା ସହିତ ସମାଜରେ ନାରୀ ପାଇଁ ଏକ ସୁଵିଧାପୂର୍ଣ୍ଣ ଶାନ୍ତ ବାତାବରଣ ତିଆରି କରିବା ଉଚିତ ବୋଲି ବାର୍ତ୍ତା ଦେଇଥିଲେ ।ବରଗଡ଼ ଜିଲ୍ଲା ଓକିଲ ସଙ୍ଘ ର ସଭାପତି ଶ୍ରୀଯୁକ୍ତ କୁଶ ପ୍ରଧାନ ସଭାପତିତ୍ୱ କରିଥିବା ବେଳେ ସମ୍ପାଦକ ହରିହର ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।ସଭାକୁ ଆଡ଼ଭୋକେଟ ଜୟଶ୍ରୀ ମହାପାତ୍ର ପରିଚାଳନା କରିଥିଲେ ଏବଂ ମହିଳା ଆଡ଼ଭୋକେଟ ରଶ୍ମିରେଖା ସାହୁ, ଭୈରବୀ ସାହୁ, ସାଗରୀକା ବାରିକ, ଶିବାନୀ ପଣ୍ଡା, ମୁମତାଜ଼ ବେଗମ ଓ ଅଙ୍କିତ| ପ୍ରିୟଦର୍ଶିନୀ କାର୍ଯ୍ୟକ୍ରମକୁ ସହଯୋଗ କରିଥିଲେ । ଏହି ଅବସରରେ ନିଜ ସାହିତ୍ୟ ରେ. ନାରୀ ମାନଙ୍କୁ ଏକ ଉଚ୍ଚ ସ୍ଥାନ ଦେଇଥିବା ହେତୁ ଆଡ଼ଭୋକେଟ ତ୍ରିନାଥ ସାହୁ ଙ୍କୁ ଏବଂ ସମାଜର ସେବା ଓ ସମର୍ପଣ ପାଇଁ ବରଗଡ଼ ସଂକଳ୍ପ ପରିବାର କୁ ସମ୍ୱର୍ଦ୍ଧନାଦିଆଯାଇଥିଲା ।ମୋହିତ ମହାପାତ୍ର ଏବଂ ମାନସ ପ୍ରକାଶ ଦେବତା ଙ୍କ ଦ୍ୱାରା ମାନପତ୍ର ପଠନ ହୋଇଥଲା ।ବରିଷ୍ଠ ମହିଳା ଆଇନଜୀବୀ ଭାଗ୍ୟଲକ୍ଷ୍ମୀ ଦୋରା ଙ୍କୁ ମଧ୍ୟ ସମ୍ମାନିତ କରାଯାଇଥିଲା ।