07-Mar-2022

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ମୁନିସିପାଲିଟି ର ଅଧ୍ୟକ୍ଷl ଆସନ ପାଇଁ ଭାରତୀୟ ଜନତା ପାର୍ଟି ରୁ ମହିଳା ପ୍ରାର୍ଥୀ ଭlବରେ ଜିଲ୍ଲା ଓକିଲ ସଂଘ ର ସମ୍ପାଦକ ଅମନ ନାଗ ଙ୍କ ଧର୍ମପତ୍ନୀ ସବିତା ବାର୍ଲା ଆଜି ନିଜର ସମର୍ଥକ ମାନଙ୍କ ସହିତ ଆସି ବଲାଙ୍ଗିର ମୁନିସିପାଲିଟି କାର୍ଯ୍ୟାଳୟରେ ନିଜର ପ୍ରାର୍ଥୀ ପତ୍ର ଦାଖଲ କରିଛନ୍ତି l
ସୂଚନାଯୋଗ୍ୟ ଯେ, ଶ୍ରୀମତୀ ସବିତା ବାର୍ଲା ଜନେ ସମାଜସେବ କା ଭାବରେ ଜଣାଶୁଣା ଅଟନ୍ତି l ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ସ୍ଵଚ୍ଛ ଓ ସୁ ଶାସନ ତାଙ୍କୁ ପ୍ରଭାବିତ କରିଥିଲା ଓ ପ୍ରଧାନମନ୍ତ୍ରୀ ଶ୍ରୀ ମୋଦୀ ଙ୍କ ଆଦର୍ଶରେ ଅନୁପ୍ରାଣିତ ହୋଇ ସେ ବିଜେପି ରେ ଯୋଗଦାନ କରିଛନ୍ତି ବୋଲି ଶ୍ରୀମତୀ ବାର୍ଲା ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି l ତେବେ ବଲାଙ୍ଗିର ସହର ର ପରିମଳ ବ୍ୟବସ୍ଥା କୁ ସୁଧାରିବା ସହ ଏକ ସ୍ଵଚ୍ଛ ବଲାଙ୍ଗିର ଗଢିବାର ସ୍ଵପ୍ନ ରଖିଛନ୍ତି ଶ୍ରୀମତୀ ସବିତା ବାର୍ଲା l

ଏଠରେ ସୂଚନଯୋଗ୍ୟ ଯେ ଆଜି ବିଜେଡି ର ମୁନିସିପାଲିଟି ଅଧ୍ୟକ୍ଷା ପ୍ରାର୍ଥୀନୀ ଭବରେ ଶ୍ରୀମତୀ ଲିକା ସାହୁ ପ୍ରାର୍ଥୀ ପତ୍ର ଦାଖଲ କରିଥିବା ବେଳେ ଗତକାଲି କଂଗ୍ରେସ ସମର୍ଥିତ ପ୍ରାର୍ଥୀନୀ ମିଲନୀ ସାହୁ ପ୍ରାର୍ଥୀ ପତ୍ର ଦାଖଲ କରି ସାରିଛନ୍ତି l ତେବେ ଚଳିତ ପୌର ନିର୍ବାଚନରେ ତିନି ପ୍ରମୁଖ ଦଳ ବିଜେପି, ବିଜେଡି ଓ କଂଗ୍ରେସ ଦଳ ମଧ୍ୟରେ କଡା ଟକ୍କର ହେବା ସୁନିଶ୍ଚିତ ହୋଇଥିବା ଜଣାପଡିଛି l ଚଳିତ ପଞ୍ଚାୟତ ନିର୍ବାଚନରେ ବିଜୁ ଜନତା ଦଳ ର ପ୍ରାର୍ଥୀ ମାନେ କେବଳ ବଲାଙ୍ଗିର ନୁହଁ ସାରା ରାଜ୍ୟରେ ନିଜର ବିଜୟ ବାନା ଉଡାଇ ପାରିଥିବା ବେଳେ ଉଭୟ କଂଗ୍ରେସ ଓ ବିଜେପି ର ପ୍ରଦର୍ଶନ ନୈରାଶ୍ୟଜନକ ଥିଲା l ତେବେ ବଲାଙ୍ଗିର ପୌର ନିର୍ବାଚନ ରେ ଜନାଦେଶ କାହା ସପକ୍ଷରେ ଯିବ, ତାହାକୁ ନେଇ ସମସ୍ତଙ୍କ ଉତ୍କଣ୍ଠା ରହିଛି l