06-Mar-2022

ବଲାଙ୍ଗୀର(ପ୍ରେରଣା ଖବର) : ଆଜି ବଲାଙ୍ଗୀର ମ୍ୟୁନିସିପାଲଟିର ୧୯ ନମ୍ବର ୱାର୍ଡରେ ସ୍ବାଧୀନ ପ୍ରାର୍ଥୀ ଭାବେ ତାଙ୍କର ମନୋନୟନପତ୍ର  ଦାଖଲ କରିଛନ୍ତି ବିଶ୍ବମୟ ପୂଜାରୀ । ନିଜର ବହୁସମର୍ଥକଙ୍କ ସହ ଶ୍ରୀ ପୂଜାରୀ ମ୍ୟୁନିସିପାଲଟିରେ ନିର୍ବାଚନ ଅଧିକାରୀ ତଥା ଉପଜିଲ୍ଲାପାଳ ଓ ନିର୍ବାହୀ ଅଧିକାରୀଙ୍କ ସମ୍ମୁଖରେ ନିଜର ବିଧିବଦ୍ଧ ମନୋନୟନ ପତ୍ର ଦାଖଲ କରିଥିଲେ । ବାବୁ ପୂଜାରୀ ନାମରେ ଜଣାଶୁଣା ଶ୍ରୀ ପୂଜାରୀ ବଲାଙ୍ଗୀରରୁ ପ୍ରକାଶିତ  ସମ୍ଭ୍ରାନ୍ତ ପାକ୍ଷିକ ସମ୍ବାଦପତ୍ର 'ତକ୍ଷକ' ର ସମ୍ପାଦକ, ବଲାଙ୍ଗୀର ଜିଲ୍ଲା ଲେଖକ ପରିଷଦର ଉପସଭାପତି ଓ ଜଣେ ସମାଜସେବୀ ଭାବେ ସମସ୍ତଙ୍କର ପ୍ରିୟପାତ୍ର ଅଟନ୍ତି ।  ବିଶେଷକରି ଏହି ୧୯ ନମ୍ବର ୱାର୍ଡ଼ ରୁଗୁଡିପଡା ତ ସାଗରପଡା ଦୁଇଟି ଜିଲ୍ଲା ସଦର ମହକୁମାର ପୁରୁଣା ସମ୍ଭ୍ରାନ୍ତ ପଡା ହୋଇଥିଲେ ହେଁ , ଦୀର୍ଘବର୍ଷ ଧରି ଏଠାରେ ପୋଲ, ରାସ୍ତାଘାଟ, ନାଳିନର୍ଦ୍ଦମା, ସ୍ବଚ୍ଛତା ବା ପରିଷ୍କାରପରିଚ୍ଛନ୍ନତା ସହ ଅନ୍ୟାନ୍ୟ ମୌଳିକ ସମସ୍ୟା ପ୍ରତି ଅବହେଳା ପ୍ରଦର୍ଶନ କରାଯାଇ ଆସୁଥିବାରୁ ସେ  ଏହି ଅଞ୍ଚଳର ଉପଯୁକ୍ତ ପୌରପ୍ରତିନିଧିତ୍ବ ପାଇଁ ଅଣ୍ଟା ଭିଡିଛନ୍ତି ।  ରୁଗୁଡିପଡା ଓ ସାଗରପଡାର ସର୍ବାଙ୍ଗୀନ ବିକାଶ ଓ ସେବା ପାଇଁ ସେ ପ୍ରତିଶ୍ରୁତିବଦ୍ଧ ବୋଲି ତାଙ୍କଠାରୁ ପ୍ରକାଶ । ସେ କୌଣସି ରାଜନୈତିକଦଳର ଅନୁଗାମୀ ହେବା ବଦଳରେ ସ୍ବାଧୀନଭାବେ ନିର୍ବାଚନ ଲଢିବାକୁ ପସନ୍ଦ କଲେ । ତାଙ୍କୁ ବହୁସଂଖ୍ୟାରେ ଭୋଟଦେଇ ନିର୍ବାଚିତ କରିବାକୁ ସେ ପଡାବାସୀଙ୍କୁ ବିନମ୍ର ନିବେଦନ କରିଛନ୍ତି ।