01-Mar-2022

ପଦ୍ମପୁର: ରାଜ୍ୟସରକାରଙ୍କ ନିର୍ଦ୍ଦେଶାନୁସାରେ ପାଇକମାଲ ବ୍ଳକ ଅଧିନସ୍ଥ ଘେଁସରା ଗ୍ରାମରେ ଥିବା ସରକାରୀ ପ୍ରାଥମିକ ଉଚ୍ଚ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ, ବିଦ୍ୟାଳୟ ପରିଚାଳନା କମିଟି ର ସଭ୍ୟ/ସଭ୍ୟା,ଗ୍ରାମର ମାନ୍ୟଗଣ୍ୟ ବ୍ୟକ୍ତି ତଥା ଗ୍ରାମର ଯୁବଗୋଷ୍ଠୀ,ସିଆରସିସି ଶ୍ରୀମାନ ଧରଣୀଧର ଶବର  ପ୍ରମୁଖ ସରକାରୀ କୋଭିଡ କଟକଣା ଯୋଗୁଁ ପ୍ରାୟ ଅଢେ଼ଇ ବର୍ଷ ପରେ ପ୍ରଥମ ଶ୍ରେଣୀରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଖୋଲିଥିବାରୁ ଛାତ୍ରଛାତ୍ରୀ, ଅଭିଭାବକ ମାନଙ୍କ ମନରେ ଆଗ୍ରହ ତଥା ସଚେତନତା ସୃଷ୍ଟି କରିବା ପାଇଁ ଗ୍ରାମରେ ଥିବା କିର୍ତ୍ତ୍ୟନ୍ୟ ଦଳ ଆଗ୍ରହ ରେ ଆସିଥିବା ସମସ୍ତ ଛାତ୍ରଛାତ୍ରୀଙ୍କୁ ପାଛୋଟି ଆଣିଥିଲେ । ବିଦ୍ୟାଳୟର ମୁଖ୍ୟ ଦ୍ୱାରକୁ ରଙ୍ଗବେରଙ୍ଗ ର ବେଲୁନ,ଫୁଲମାଳରେ ସୁସଜ୍ଜିତ କରାଯାଇଥିଲା । ବିଦ୍ୟାଳୟ ର ମୁଖ୍ୟ ଦ୍ୱାର ସମ୍ବୁଖରେ ଛାତ୍ରଛାତ୍ରୀ ମାନଙ୍କୁ ଫୁଲ ଚନ୍ଦନ ଦେଇ ସ୍ୱାଗତ କରାଯାଇଥିଲା ।ସ୍କୁଲ ତରଫରୁ ପ୍ରତ୍ୟେକ ପିଲାଙ୍କୁ ମାଗଣାରେ ମାକ୍ସ ବଣ୍ଟନ, ସମେତ ଚକଲେଟ ବଣ୍ଟନ କରାଯାଇଥିଲା ।ପରେ ଛାତ୍ରଛାତ୍ରୀ ମାନେ ବିଦ୍ୟାଳୟ କୋଠରୀ ମାନଙ୍କୁ ପ୍ରବେଶ କରିଥିଲେ । ସରକାରଙ୍କ ନିର୍ଦେଶାନୁସାରେ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ବିଭିନ୍ନ ପ୍ରକାରର ଖେଳ ଓ ମନୋରଞ୍ଜନ କାର୍ଯ୍ୟକ୍ରମର ଆୟୋଜନ କରାଯାଇଥିଲା ବୋଲି ସ୍କୁଲ ର ପ୍ରଧାନ ଶିକ୍ଷକ ଶ୍ରୀମାନ ଚିତାନନ୍ଦ ସାହୁ ଆମ ପ୍ରତିନିଧିଙ୍କୁ ଜଣାଇଛନ୍ତି ।