01-Mar-2022

ପଦ୍ମପୁର: ଓଡିଶାରେ ଚାଲିଥିବା ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ର ଶେଷ ପର୍ଯ୍ୟାୟର ଭୋଟ ଗଣତି ସମସ୍ତ ବ୍ଳକ ମାନଙ୍କରେ ଚାଲିଥିବା ବେଳେ,ପାଇକମାଲ ଜୋନ ନଂ-୩ ର ଫଳାଫଳ ମଧ୍ୟ ପାଇକମାଳ ବ୍ଳକ କାର୍ଯ୍ୟାଳୟ ଠାରେ ଚାଲିଥିଲା । ପ୍ରଥମ ଦ୍ୱିତୀୟ ଏବଂ ତୃତୀୟ ତିନୋଟି ସିଟ୍ ରେ ବିଜୁ ଜନତା ଦଳ, ଭାରତୀୟ ଜନତା ପାର୍ଟି ତଥା କଂଗ୍ରେସ ଦଳ ପ୍ରାର୍ଥୀ ଚୟନ କରି ନିର୍ବାଚନ ମଇଦାନରେ ଅବତୀର୍ଣ୍ଣ କରାଇଥିଲେ । ହେଲେ ପାଇକମାଲ ବ୍ଲକରେ ପ୍ରଥମ ଦିବସରେ ଭାରତୀୟ ଜନତା ପାର୍ଟିର ପ୍ରାର୍ଥୀ ତାଙ୍କ ନିକଟତମ ପ୍ରତିଦ୍ବନ୍ଦୀ ବିଜେଡ଼ି ଦଳର ପ୍ରାର୍ଥୀଙ୍କୁ ପରାସ୍ତ କରିଥିବା ବେଳେ, ଦ୍ୱିତୀୟ ଦିବସରେ ମଧ୍ୟ ବିଜେଡି ଦଳର ପ୍ରାର୍ଥୀଙ୍କୁ ବିଜେପି ଦଳର ପ୍ରାର୍ଥୀ ପରାଜିତ କରିବାରେ ସକ୍ଷମ ହୋଇଥିଲେ । ଭୋଟ ଗଣତିର ଶେଷ ଦିବସରେ ସମସ୍ତଙ୍କ ନଜର ଥିଲା ପ୍ରାର୍ଥିନୀ ବାସନ୍ତୀ ବାଲମଙ୍କ ଉପରେ । ସମସ୍ତଙ୍କ ଆଖି ପାଇକମାଳ ବ୍ଳକ ର ତିନି ନଂ ଜୋନ ରେ । ବିଜେପି ବହୁ ଆଶା କରିଥିଲା ଯେ, ଏଇ ସିଟ୍ ମଧ୍ୟ ଆମେ ଦଖଲ କରିନେବୁ ବୋଲି ହେଲେ ଲୁଚକାଳି ଖେଳ ଭଳି ବିଜେପି ଦଳର ଜିଲ୍ଲାପରିଷଦ ପ୍ରାର୍ଥୀନୀ ସୁରଭି ବରିହାଙ୍କ ସହ ବିଜେଡି ଦଳର ପ୍ରାର୍ଥିନୀ ବାସନ୍ତୀ ବାଲମଙ୍କ କସରତ ରାଉଣ୍ଡ ପରେ ରାଉଣ୍ଡ ଚାଲିଲା । ଶେଷରେ ବାସନ୍ତୀ ବାଲମ ୯୯୦ ଟି ଭୋଟରେ ଆଗୁଆ ହୋଇ ନିର୍ବାଚନ ରଣାଙ୍ଗନରେ ବିଜୟୀ ହୋଇଛନ୍ତି  । ବାସନ୍ତୀ ବାଲମ ଭୋଟ ଗଣତି ସମୟରେ ଶେଷ ରାଉଣ୍ଡ ରେ ୧୨୧୫୩ ଭୋଟ ପାଇଥିବା ବେଳେ, ବିଜେପି ଦଳର ପ୍ରାର୍ଥୀନୀ ସୁରଭି ବରିହାଙ୍କୁ ୧୧୧୬୩ ଭୋଟ ସାଉଁଟି ପରାଜୟର ସ୍ବାଦ ଚାଖିବାକୁ ପଡ଼ିଛି ।