28-Feb-2022

ବଲାଙ୍ଗିର (ପ୍ରେରଣା ଖବର) : ବିଜ୍ଞାନ ର ଜୟଯାତ୍ରା ଜାରି ରହିଛି, ସମଗ୍ର ବିଶ୍ବର ମଙ୍ଗଳ ପାଇଁ ବିଜ୍ଞାନ ଆଜି ଏକ ଆଶୀର୍ବାଦ ।ତେଣୁ ଆଜି ମହାନ ବୈଜ୍ଞାନିକ ସାର ସି ଭି ରମଣ ଙ୍କୁ ସମର୍ପିତ କରି ଯୁବୋଦୟ କଲେଜ ଅଫ୍ ଆଡଭାନ୍ସଡ୍ ଟେକ୍ନୋଲୋଜି ର +୩ବିଜ୍ଞାନ ଛାତ୍ରଛାତ୍ରୀ ମାନେ ପାଳନ କରିଥିଲେ ଜାତୀୟ ବିଜ୍ଞାନ ଦିବସ । ସକମା ସ୍ଥିତ ଯୁବୋଦୟ ଶିକ୍ଷାନୁଷ୍ଠାନରେ ଛାତ୍ରଛାତ୍ରୀ ମାନେ ଶୋଭାଯାତ୍ରା କରିବା ସହିତ ଛତାମଖନା ନିକଟରେ ଥିବା ଏସିଆ ର ଦ୍ବିତୀୟ ବୃହତ୍ତମ କୁକୁଡା ଫାର୍ମ ଓଭୋ ଫାର୍ମ ପରିଦର୍ଶନ କରିଥିଲେ । ବୈଷୟିକ ଜ୍ଞାନ କୌଶଳର ବ୍ୟବହାର ଦ୍ବାରା ସଂପୂର୍ଣ୍ଣ ସ୍ବାସ୍ଥ୍ୟକର ଭାବରେ ସେମାନଙ୍କ ଖାଦ୍ୟ ଉପଯୋଗୀ ଅଣ୍ଡା ଉତ୍ପାଦନ କିପରି ହେଉଛି, ବୈଷୟିକ ଜ୍ଞାନର ସଫଳ ବ୍ୟବହାର ସହ ପରିଚାଳନାରେ କିପରି ଉନ୍ନତ ବ୍ୟବସ୍ଥା ରହିଛି ତାହା ଛାତ୍ରଛାତ୍ରୀ ମାନେ ପଚାରି ବୁଝିଥିଲେ ।ଯୁବୋଦୟ କଲେଜ ଅଫ୍ ଆଡଭାନ୍ସଡ୍ ଟେକ୍ନୋଲୋଜିର ସହ ଅଧ୍ୟକ୍ଷଙ୍କ ନେତୃତ୍ଵରେ ତଥା ସମସ୍ତ ଅଧ୍ୟାପକ ଅଧ୍ୟାପିକା ଏହି ପରିଦର୍ଶନ ରେ ଉପସ୍ଥିତ ଥିଲେ । କୋଭିଡ କଟକଣା ପାଳନ କରି ଛାତ୍ରଛାତ୍ରୀ ମାନଙ୍କ ଏହି ପରିଦର୍ଶନ କାର୍ଯ୍ୟକ୍ରମ ଯୁବୋଦୟ ଶିକ୍ଷାନୁଷ୍ଠାନର ନିର୍ଦ୍ଦେଶକ ଅମ୍ବରୀଶ ଦାଶଙ୍କ ପରିଚାଳନାରେ ଅନୁଷ୍ଠିତ ହୋଇଥିବା ବେଳେ ଆଗାମୀ ଦିନରେ ଏପରି ବିଜ୍ଞାନକୁ ପ୍ରୋତ୍ସାହନର ବାତାବରଣ ସୃଷ୍ଟି କରାଯିବା ପାଇଁ ଦୃଷ୍ଟି ଦିଆଯିବ ଓ ଗ୍ରାମୀଣ ବିକାଶରେ ବିଜ୍ଞାନର ଭୂମିକାକୁ ବିଶେଷ ଦୃଷ୍ଟି ଦିଆଯିବ ବୋଲି ଯୁବୋଦୟ ର ନିର୍ଦ୍ଦେଶକ କହିଥିଲେ।