28-Feb-2022

ବଲାଙ୍ଗିର(ପ୍ରେରଣା ଖବର)-ବଲାଙ୍ଗିର ଯାଦବ ଭବନ ଠାରେ ୨୬ ତମ ଦୋଳ ମହୋତ୍ସବ ତଥା ରୌପ୍ୟ ଜୟନ୍ତୀ ପାଇଁ ଶୁଭ ସ୍ତମ୍ଭ ସ୍ଥାପନ କାର୍ଯ୍ୟ ଅନୁଷ୍ଠିତ ହୋଇଯାଇଛି । ଏହି ଅବସରରେ ବଲାଙ୍ଗିରର ଇଷ୍ଟଦେବୀ ମା’ପାଟଣେଶ୍ୱରୀ,ମା’ସମଲେଶ୍ୱରୀ, ମା’ଦୁର୍ଗା ମନ୍ଦିର ଓ ରାଧାକୃଷ୍ଣ ମନ୍ଦିର ଠାରୁ ଆଜ୍ଞାମାଳ ଅଣାଯାଇ ଯାଦବ ଭବନ ଠାରେ ପୂଜାର୍ଚ୍ଚନା କରାଯାଇଥିଲା । 
  ଏହି ଅବସରରେ ଅତିଥି ଭାବେ ଯାଦବ ସମାଜର ପୂର୍ବତନ ଜିଲା ଉପସଭାପତି ବାସୁଦେବ ନାଗ ଓ ପୌରାଞ୍ଚଳ ସଭାପତି ପଙ୍କଜ ସେଲମା ଆନୁଷ୍ଠାନିକ ଭାବେ ଲଗୋ ଉନ୍ମୋଚନ କରିଥିଲେ । ଏହା ପରେ ଉକ୍ତ ସଭାରେ

ଦୋଳ ମହୋତ୍ସବ ପୂଜା କମିଟି ସଭାପତି ଭାବେ ହରିଶଙ୍କର ଛତ୍ରିଆ,ସମ୍ପାଦକ ଦିବାକର ପୋଢ,କୋଷାଧ୍ୟକ୍ଷ ଭାବେ ଅଷ୍ଟମୀ ବଗର୍ତ୍ତୀ ଓ ଦୂତିବାହାନ ଚନ୍ଦନଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା । ସେହିପରି ସ୍ମରଣିକା କମିଟିର ମୁଖ୍ୟ ସମ୍ପାଦକ ଭାବେ ବିରେନ୍ଦ୍ର ବନଛୋର ,ସମ୍ପାଦକ ଭାବେ ପ୍ରଶାନ୍ତ ମହାକୁର,ସାଂସ୍କୃତିକ ଶୋଭାଯାତ୍ରା କମିଟିର ମୁଖ୍ୟ ଭାବେ ପଙ୍କଜ ସେଲମା ଓ ବରୁଣ ହେର୍ଣ୍ଣାଙ୍କୁ ଦାୟିତ୍ୱ ଦିଆଯାଇଥିବା ବେଳେ ପୂଜାକର୍ତ୍ତା ଭାବେ ହୃଷିକେଶ ବନଛୋର ଓ ସହ ଧର୍ମିଣୀ ସନ୍ତୋଷିନୀ ବାଗଙ୍କୁ ଦାୟିତ୍ୱ ନିର୍ବାହ କରିବେ ବୋଲି ସର୍ବସମ୍ମତିକ୍ରମେ ନିଷ୍ପତ୍ତି ହୋଇଥିଲା । 
  ସଭାରେ ଅନ୍ୟମାନଙ୍କ ମଧ୍ୟରେ ଫଗୁ ଜାଲ,ଶଙ୍କର ପୋଢ,ଘାସିରାମ ଦୀପ,ସାନ ଜାଲ,କୃଷ୍ଣଚନ୍ଦ୍ର ବଗର୍ତ୍ତୀ, ଦିଗାମ୍ବର ମାଝୀ, ଟୁନା ନାଗ,ଖରତମଲ ରାଉତ, କିଶୋର ଜାଲ, ଜୟଦେବ ଜାଲ ଓ ପ୍ରଦୀପ ସେଲମା ପ୍ରମୁଖ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।