27-Feb-2022

ଭୁବନେଶ୍ୱର: ଯୁଦ୍ଧ କିମ୍ୱା ହିଂସା କୌଣସି ପରିସ୍ଥିତିରେ ସମସ୍ୟାର ସମାଧାନ ନୁହେଁ, ଯୁଦ୍ଧ ଓ ହିଂସା ସବୁବେଳେ ସାରା ମାନବ ସମାଜ ଓ ପୃଥିବୀ ପାଇଁ ବିପଦ ।

ଏଣୁ ଯୁଦ୍ଧ ପରିସ୍ଥିତି କୁ କେତେବେଳେ ବି ବରଦାସ୍ତ କରାଯାଇପାରିବନାହଁ । ଏହି ବିଶ୍ୱ ଦୁଇ ଦୁଇଟି ବିଶ୍ୱଯୁଦ୍ଧ ଦେଖିଛି ଏବଂ ଏହାର ଭୟଙ୍କର ପରିଣାମ ମଧ୍ୟ ଭୋଗିଛି । ତେଣୁ ମାନବ ସମାଜ ବିକାଶର ଚରମ ସୋପାନ ଆଡକୁ ଗତିକରୁଥିବା ବେଳେ, ଯୁଦ୍ଧ କରି ଲକ୍ଷ ଲକ୍ଷ ନର ନାରୀଙ୍କୁ ମୃତ୍ୟୁ ମୁହଁକୁ ଠେଲିଦେବା ଓ ସାରା ବିଶ୍ୱ କୁ ଯୁଦ୍ଧର ଆତଙ୍କ ଭିତରକୁ ଠେଲିଦେବାକୁ ଆସ୍ଥା ଫାଉଣ୍ଡେସନ ଟ୍ରଷ୍ଟ ବିରୋଧ କରିଛି ।

ଯୁଦ୍ଧ ନୁହେଁ ବିଶ୍ୱ ଶାନ୍ତି ଚାହେଁ, ପ୍ରତିଶୋଦ ନୁହେଁ ଆମେ ବନ୍ଧୁତ୍ୱ ଚାହୁଁ, ଯୁଦ୍ଧ ବନ୍ଦ କର ବନ୍ଦ କର, ସମାଧାନ ର ରାସ୍ତା ଯୁଦ୍ଧ ନୁହେଁ, ଏହିପରି ବିଭିନ୍ନ ସ୍ଲୋଗାନ ମାନ ଦେଇ ଆସ୍ଥା ଫାଉଣ୍ଡେସନ ଟ୍ରଷ୍ଟ ର କର୍ମ କର୍ତା ମାନେ ଭୁବନେଶ୍ୱର ଉପକଣ୍ଠ ମାଷ୍ଟର କ୍ୟାଣ୍ଟିନ ଠାରେ ବିକ୍ଷୋଭ ପ୍ରଦର୍ଶନ କରିଥିଲେ ।ସଂଗଠନ ର ଅଧକ୍ଷ ଶୁଭକାନ୍ତ ସାମଲ କହିଥିଲେ, ଯେ କୌଣସି ସମସ୍ୟାର ସମାଧାନ ଯୁଦ୍ଧ ନୁହେଁ, ଶାନ୍ତିପୁର୍ଣ ଭାବେ ଆଲୋଚନା ମାଧ୍ୟମରେ ସମସ୍ତ ସମସ୍ୟାର ସମାଧାନ ହୋଇପାରିବ ଏବଂ ଦୁଇ ଦେଶର ମୁଖ୍ୟ ମାନେ ନିଜ ନିଜ ଭିତରେ ଆଲୋଚନା ମାଧ୍ୟମରେ ସମାଧାନ ଖୋଜି ବାହାର କରିପାରିବେ ।