17-Feb-2022

ରେଢ଼ାଖୋଲ(ଅନିଲ କୁମାର ପୃଷ୍ଟି): ସମ୍ବଲପୁର ଜିଲ୍ଲା ରେଢ଼ାଖୋଲ ଡ୍ରାଇଭର ମହାସଂଘ ପକ୍ଷରୁ ଏକ କ୍ୟାନ୍ସର ପୀଡ଼ିତଙ୍କୁ ଚିକିତ୍ସିତ କରାଇ ସହାୟତା ପ୍ରଦାନ କରିଥିବା ନେଇ ରେଢ଼ାଖୋଲ ଅଞ୍ଚଳ ରେ ଚର୍ଚ୍ଚା ର ବିଷୟ ହୋଇ ରେଢ଼ାଖୋଲ ଡ୍ରାଇଭର ମହାସଂଘ ସଦସ୍ୟ ଙ୍କୁ ପ୍ରଶଂସା କରିଛନ୍ତି। ସୂଚନା ଯୋଗ୍ୟ ଯେ ରେଢ଼ାଖୋଲ ବ୍ଲକ ଅନ୍ତର୍ଗତ କୁକୁଡ଼ାବାହାଲି ଗ୍ରାମ ପଞ୍ଚାୟତ କାଙ୍କଣପଡ଼ା ଗ୍ରାମର ଜଣେ ଡ୍ରାଇଭର ବେଲାର୍ଶନ ସେଠୀ (୨୮) ଦୀର୍ଘ ଦିନ ହେବ କ୍ୟାନ୍ସର ରୋଗରେ ଆକ୍ରାନ୍ତ ହୋଇ ତାଙ୍କର ଡାହାଣ ପାର୍ଶ୍ଵର ଗୋଡଟି ଅଚଳ ହୋଇ ପଡ଼ିଥିଲା। ଯାହା ଫଳରେ ବେଲାର୍ଶନ ଚାଲିବୁଲି ପାରୁନଥିଲେ। ଏହା ଖବର ପାଇ ଓଡ଼ିଶା ଡ୍ରାଇଭର ମହାସଂଘ ର  ରେଢ଼ାଖୋଲ ଶାଖା  ଡ୍ରାଇଭର ମହାସଂଘ ର ସଦସ୍ୟ ମାନେ ପହଞ୍ଚି ବେଲାର୍ଶନ ସେଠୀ ଙ୍କୁ ନେଇ କଟକ ର ଏକ ଘରାଇ ଡାକ୍ତରଖାନା ରେ ଚିକିତ୍ସା କରାଇ ପ୍ଲାଷ୍ଟିକ ସର୍ଜରୀ କରାଇ ସୁସ୍ଥ ହୋଇ ବୁଧୁବାର ଦିନ ସନ୍ଧ୍ୟା ସମୟରେ ଘରକୁ ଫେରିଥିଲେ। ଡ୍ରାଇଭର ମହାସଂଘ ର ଏହି  ମହାନତା ସହାୟତା କୁ ରେଢ଼ାଖୋଲ ଅଞ୍ଚଳର ଜନ ସାଧାରଣ ଲୋକେ ଡ୍ରାଇଭର ମହାସଂଘ ସଦସ୍ୟ ମାନଙ୍କୁ ପ୍ରଶଂସା କରିଛନ୍ତି। ଏଥିରେ ରେଢ଼ାଖୋଲ ଡ୍ରାଇଭର ମହାସଂଘ ପଞ୍ଚାନନ ପ୍ରଧାନ, ଗିରିଶ ମୁଖୀ, ଉମାକାନ୍ତ,  ଆନନ୍ଦ, କ୍ଷୀରୋଦ ପ୍ରଧାନ, ବିକାଶ ସାହୁ, ଭରତ ରାଉଳ, ଶ୍ରୀରାମ ରାଉଳ, ମୁକ୍ତେ ପ୍ରଧାନ, ଖଗେଶ୍ବର ପ୍ରଧାନ, ଅଜିତ ସାହୁ ଓ ବାସୁଦେବ ପ୍ରଧାନ ପ୍ରମୁଖ ସାମିଲ ରହିଥିଲେ।