17-Feb-2022

ସମ୍ବଲପୁର(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ସମ୍ବଲପୁର ଜିଲ୍ଲାରେ ଅନୁଷ୍ଠିତ ପ୍ରଥମ ପର୍ଯ୍ୟାୟ ନିର୍ବାଚନରେ ୭୭.୨୫ ପ୍ରତିଶତ ମତଦାନ ହୋଇଛି  I ମୋଟ ୧ ଲକ୍ଷ ୧୧ ହଜାର ୯ ୭୧ଜଣ ଭୋଟରଙ୍କ ମଧ୍ୟରୁ ୮୬ ହଜାର ୪୯୩ ଜଣ ନିଜର ମତସାବ୍ୟସ୍ତ କରିଛନ୍ତି I ରେଢାଖୋଲ ବ୍ଲକରେ ୩୬ ହଜାର ୩୨୯ ଜଣ ମତଦାନ କରିଥିଲେ । ସେଥିମଧ୍ୟରୁ ୧୮ ହଜାର ୪୩୪ ଜଣ ପୁରୁଷ ଓ ୧୭ ହଜାରା ୮୯୫ଜଣ ମହିଳା ଭୋଟ ଦେଇଥିଲେ I ଏହି ବ୍ଲକରେ ୮୩.୧୩ ପ୍ରତିଶତ ମତଦାନ ହୋଇଛି I ସେହିପରି ଯୁଯୋମୁରା ବ୍ଲକରେ ୫୦ ହଜାର ୧୬୪ ଜଣ ଭୋଟର ମତଦାନ କରିଛନ୍ତି I ସେମଧ୍ୟରୁ ୨୫ ହଜାର ୩୩୬ଜଣ ପୁରୁଷ ଓ ୨୪ ହଜାରା ୮୨୮ ଜଣ ମହିଳା ଭୋଟ ଦେଇଥିଲେ I ଏହି ବ୍ଲକରେ ୭୩.୪୮ %  ମତଦାନ ହୋଇଥିବା ଜଣାପଡିଛି I ସୂଚନାଯୋଗ୍ୟ, ସମ୍ବଲପୁର ଜ଼ିଲ୍ଲାର ଯୁଯୋମୁରା ଓ ରେଢାଖୋଲ ବ୍ଲକରେ ପ୍ରଥମ ପର୍ଯ୍ୟାୟ ଭୋଟଗ୍ରହଣ ବୁଧବାର ହୋଇଯାଇଛି I ଏହି ୨ଟି ବ୍ଲକର ୩୨ଟି ପଞ୍ଚାୟତରେ ଭୋଟଗ୍ରହଣ ହୋଇଥିଲା I ଏଥି ମଧ୍ୟରୁ ଯୁଯୋମୁରାର ୧୮ଟି ଓ ରେଢାଖୋଲର ୧୪ଟି ପଞ୍ଚାୟତ ରହିଛି I ପ୍ରଶାସନ ପକ୍ଷରୁ ୪୦୦ ଟି ମତଦାନ କେନ୍ଦ୍ର କରାଯାଇଥିଲା I ସକାଳ ୭ ଟାରୁ ଅପରାହ୍ନ ୧ଟା ମଧ୍ୟରେ ଭୋଟ ଗ୍ରହଣ ହୋଇଥିଲା I