11-Feb-2022

ଦଶନ୍ଧି ଦଶନ୍ଧିର ସମସ୍ୟା ଦାଦନ। ଏଠି ଶ୍ରମିକ ପରିବାର ପ୍ରତିପୋଷଣ ପାଇଁ ବାହାର ରାଜ୍ଯକୁ ଯାଏ ଦାଦନ ଖଟି। ସାଧାରଣ ଲୋକଙ୍କ କଥା କିଏ ପଚାରେ ଦାନା ପାଇଁ ଏଠି ଚାଷୀ ବି ଦାଦନ । ଆଉ କରୋନା ମାଡରେ ଏ ସମସ୍ୟା ଆହୁରୀ ଦ୍ବିଗୁଣିତ ହୋଇଛି । ସମସ୍ୟାର ସମାଧାନ ପାଇଁ ଯୋଜନା ବି ଅନେକ ହେଲେ ଶ୍ରମିକଙ୍କୁ ମିଳୁନି କାଣିଚାଏ ଫାଇଦା । କୁଜିନେତା, ଦୁର୍ନୀତିଖୋର ଅଧିକାରୀ ମାଲାମାଲ ହେଲେଣୀ। ଗାଁ ଗାଁରେ ମନରେଗାର ଦୁର୍ନୀତି । ଏହାର ସଦ୍ୟତମ ଉଦାହରଣ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଠେମରା ପଞ୍ଚାୟତ ର ସରପଞ୍ଚ ଙ୍କ ସ୍ବାମୀ ଲକ୍ଷ୍ମୀକାନ୍ତ ବାଗ କିଛି ମାସ ତଳେ ମନରେଗା କାମ ପାଇଁ ଲାଞ୍ଚ ନେଉଥିବା ଭିଡିଓ ଭାଇରାଲ ହେବା ଘଟଣା ସମଗ୍ର ରାଜ୍ୟରେ ଚର୍ଚ୍ଚାର ବିଷୟ ପାଲଟିଥିଲା। ସେ ସମୟରେ ବ୍ଲକ ପ୍ରଶାସନ ନିଜ ଦୋଷ ଲୁଚାଇବାକୁ ଏକ ବ୍ଲକ ସ୍ତରୀୟ ତଦନ୍ତକାରୀ ଦଳ ପଠାଇ ଠେମରା ପଞ୍ଚାୟତ ରେ ତଦନ୍ତ କରି କାମ ସାରି ଦେଇଥିଲା। ଏବେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପ୍ରଚାର ଯୋର ଧରିଥିବା ବେଳେ ପୁଣୀ ସେହି ଠେମରା ପଞ୍ଚାୟତ ର ସରପଞ୍ଚ ଙ୍କ ସ୍ବାମୀ ଲକ୍ଷ୍ମୀକାନ୍ତ ବାଗ ଏବେ ନିଜେ ସରପଞ୍ଚ ପ୍ରାର୍ଥୀ ଭାବେ ଉଠିଥିବା ଓ ଭୋଟ ପ୍ରଚାର ସମୟରେ ଟଙ୍କା ଦେଉଥିବା ଭିଡିଓ ଭାଇରାଲ ହେବା ତାହା ବି ତାଙ୍କ ମୋବାଇଲ ରେ ରଖା ଯାଇଥିବା ଷ୍ଟାଟସ ରୁ ଏବେ ଏହାକୁନେଇ ବଙ୍ଗୋମୁଣ୍ଡା ବ୍ଲକ ଉଠୁଛି ପଡୁଛି। ଲକ୍ଷ୍ମୀକାନ୍ତ ଏହାକୁ ପୁର୍ବର ଏକ ପୁଜା ସମୟର ବୋଲି ନିଜ ପକ୍ଷ ରଖୁଥିବା ବେଳେ । ଅଭିଯୋଗ କାରି ଏହାକୁ ଏହି ଭୋଟ ସମୟରେ ଭୋଟରଙ୍କୁ  ଟଙ୍କା ଦେଇ ପ୍ରଲୋଭିତ କରୁଥିବା ଅଭିଯୋଗ

କରିଛନ୍ତି। ଏପରି ସ୍ଥିତିରେ ଘଟଣାର ସ୍ଥିତି କୁ ଦେଖି ଜିଲ୍ଲା ପ୍ରଶାସନ ବଙ୍ଗୋମୁଣ୍ଡା ତହସିଲଦାର ଗୁଣମଣି ସୁନାନି ଙ୍କୁ ଇନକ୍ଵାରି ପାଇଁ ଠେମରା ପଠାଇଥିଲା। କିନ୍ତୁ ଅଭିଯୋଗକାରୀ ତହସିଲଦାରଙ୍କ ଇନକ୍ବାରୀ ଏକ ପାଖିଆ ହୋଇଥିବା ଅଭିଯୋଗ କରିବାପରେ ଜିଲ୍ଲା ପ୍ରଶାସନ ଟିଟିଲାଗଡ ଉପଜିଲ୍ଲାପାଳ ସତ୍ୟବାନ ମନୋଜ ମହାଜନ ଙ୍କୁ ଇନକ୍ବାରୀ ପାଇଁ ପଠାଇଥିଲେ ଉପଜିଲ୍ଲାପାଳ ୱାନ ଟୁ ୱାନ ଇନକ୍ବାରୀ କରି ରିପୋର୍ଟ ଜିଲ୍ଲାପାଳ ଙ୍କୁ ଦେବାପରେ। ଜିଲ୍ଲାପାଳଙ୍କ ନିର୍ଦ୍ଦେଶ ରେ ବଙ୍ଗୋମୁଣ୍ଡା ବିଡିଓ ରିପୁନାଥ ସୁନା ସିନ୍ଧେକେଲା ଥାନାରେ ୬ ପୃଷ୍ଠା ସମ୍ବଳିତ ଅଭିଯୋଗ ପତ୍ର ଦେଇଛନ୍ତି। ସେଥିରେ ଟଙ୍କା ବାଣ୍ଟିବା ଓ କୋଭିଡ ଆଇନ ଉଲ୍ଲଂଘନ କରିଥିବା କେସ ଦାୟର ହୋଇଛି । ସିନ୍ଧେକେଲା ପୋଲିସ ଥାନା କେସ ନମ୍ବର ୨୭/୨୨ ରୁଜୁକରି ଧାରା ୧୮୮, ୨୭୨, ୬୯,୨୭୦ , ୧୭୧ ଇ ୩୪ ଆଇପିସି ୩୧ ବି ଡିଜାଷ୍ଟର ମାନେଜମେଣ୍ଟ ଆକ୍ଟ ରେ କେସ ରୁଜୁ ହୋଇଥିବା ସିନ୍ଧେକେଲା ଥାନାଧିକାରି ଆଲୋକ ବେହେରା ସୁଚନା ଦେଇଛନ୍ତି।