10-Feb-2022

ସମ୍ବଲପୁର(ପ୍ରେରଣା ଖବର) :- ସମଲେଶ୍ଵରୀ ମିଲ୍କ ୟୁନୀୟନ ର ଡେପୁଟି ଜେନେରାଲ ମ୍ୟାନେଜର କିଶୋର ନାୟକ ଙ୍କ ଘରେ ଭିଜିଲାନ୍ସ ବିଭାଗ ଚଢ଼ାଉ କରିଛି । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ କିଶୋର ଙ୍କ ସମ୍ବଲପୁର ସାକ୍ଷୀ ପଡ଼ା ରେ ଥିବା ଦୁଇ ମହଲା ଘର, ପୁରୀରେ ଥିବା ପୈତୃକ ଘର,ଭୁବନେଶ୍ୱର ରେ ଥିବା ଆପାର୍ଟମେଣ୍ଟ ଓ ତାଙ୍କ କାର୍ଯ୍ୟାଳୟ ରେ ଭିଜିଲାନ୍ସ ଟିମ୍ ଚଢାଉ କରିଛି । ତାଙ୍କ ନାମରେ ହୋଇଥିବା ଅଭିଯୋଗ କୁ ଖଣ୍ଡନ କରି କିଶୋର କହିଛନ୍ତି,ତାଙ୍କ ପାଖରେ ଆୟ ବହିର୍ଭୁତ ସମ୍ପତ୍ତି ନାହିଁ । ସେ କହିବା ଅନୁଯାୟୀ,ତାଙ୍କ ଚାକିରି କୁ ୩୬ ବର୍ଷ ହେବ। ସାକ୍ଷୀ ପଡ଼ା ରେ ଥିବା ଦୁଇ ମହଲା ଘର ଓ ଭୁବନେଶ୍ୱର ରେ ଥିବା ଆପାର୍ଟମେଣ୍ଟ ସେ ଲୋନ ଟଙ୍କାରେ ତିଆରି କରିଥିବା ପ୍ରକାଶ କରିଛନ୍ତି ।