10-Feb-2022

ପଦ୍ମପୁର:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ର ଲୋକେ ନାହିଁ ନଥିବା ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି ।ଏହାକୁ ନେଇ ପଦ୍ମପୁର ଓକିଲ ସଂଘ ର ସଭାପତି ଶ୍ରୀମାନ ଗୌତିଆ କୁମାର ସାହୁ ଙ୍କ ସଭାପତିତ୍ବରେ ଏକ ସାଧାରଣ ସଭା ଅନୁଷ୍ଠିତ ହୋଇ ଓକିଲ ସଂଘ ପକ୍ଷରୁ ତାଲାବନ୍ଦ ନିଷ୍ପତ୍ତି ନିଆଯାଇଥିଲା  ଯାହାକି ପଦ୍ମପୁର ଉପଖଣ୍ଡ ଏକ ବଡ଼ ଉପଖଣ୍ଡ ହେବା ସତ୍ତ୍ୱେ ବିଭିନ୍ନ ସରକାରୀ କାର୍ଯ୍ୟାଳୟ ରେ ପଦ-ପଦବୀ ଖାଲି ପଡ଼ିଛି । ପଦ୍ମପୁର ଉପଜିଲ୍ଲାପାଳଙ୍କ କୋର୍ଟରେ ଗତ ଦଶନ୍ଧି ଧରି କୈାଣସି କୋର୍ଟ କାର୍ଯ୍ୟ ହେଉନଥିବା ଫଳରେ କେସ ଗୁଡିକ ଫାଇଲ ଭିତରେ ବନ୍ଧା ହୋଇ ରହିଯାଇଛି ଯଦ୍ୱାରା ସାଧାରଣ ଜନତା ନାହିଁ ନଥିବାର ସମ୍ମୁଖିନ ସହ ବ୍ୟାପକ ଭାବେ ହଇରାଣ ହରକତ ହେବା ସଙ୍ଗେ ସଙ୍ଗେ ଖର୍ଚ୍ଚାନ୍ତ ରେ ଜର୍ଜରିତ । ପଦ୍ମପୁର ତହସିଲ କୋର୍ଟ ରେ ଅତିରିକ୍ତ ତହସିଲଦାର ସରିତା ଗୁପ୍ତା ଙ୍କ ମନମୁଖିରାଜ ସାମ୍ରାଜ୍ୟ ସହ ମନମୁଖି କାର୍ଯ୍ୟକଳାପ ସମେତ ଖାସକରି ଓକିଲ ତଥା ଜନସାଧାରଣ ଙ୍କ ପ୍ରତି ଦୁର୍ବ୍ୟବହାର କୁ ନେଇ ଓକିଲ ସଂଘ ର ସଦସ୍ୟ ମାନେ କ୍ଷୋଭ ପ୍ରକାଶ କରିଥିଲେ । ଆହୁରି ମଧ୍ୟ ସବରେଜିଷ୍ଟ୍ରର କାର୍ଯ୍ୟାଳୟ ରେ ଠନଠନ ଗୋପାଲ(ବ୍ୟାପକ ମାତ୍ର ଲାଞ୍ଚ) କାରବାର ହେଉଥିବା ସହ ମୁଖ୍ୟତଃ କିରାଣୀ ମାନଙ୍କ କାର୍ଯ୍ୟକଳାପ କୁ ନେଇ ସଦସ୍ୟ ମାନେ ବ୍ୟାପକ ଅସନ୍ତୋଷ ପ୍ରକାଶ ତଥା ତିବ୍ର ନିନ୍ଦା କରିଥିଲେ ।ଏ ଭଳି ଦୁର୍ନୀତିଗ୍ରସ୍ତ କର୍ମଚାରୀମାନଙ୍କ ବିରୁଦ୍ଧରେ ତଦନ୍ତ କରି ଯଥାଶୀଘ୍ର ବିହିତ ପଦକ୍ଷେପ ପାଇଁ ଓକିଲ ସଂଘ ର ସଦସ୍ୟ ମାନେ ଉପରିସ୍ଥ ଅଧିକାରୀଙ୍କୁ ବାରମ୍ବାର ଜଣାଇବା ପରେ ମଧ୍ୟ କୈାଣସି ପ୍ରକାରର ସୁଧାର ନ ହେବାରୁ ଓକିଲ ସଂଘ ସଂପୃକ୍ତ କାର୍ଯ୍ୟାଳୟ ଗୁଡିକରେ ତାଲା ପକାଇବାକୁ ବାଧ୍ୟ ହୋଇଛି ।ଆଜକୁ ଦିର୍ଘ ୧୪ ଦିନ ଧରି ତାଲାବନ୍ଦ ଆନ୍ଦୋଳନ ଚାଲିଥିଲେ ମଧ୍ୟ ସରକାର ଙ୍କ କୁମ୍ଭକର୍ଣ୍ଣ ନିଦ ଏ ଯାଏଁ ଭାଙ୍ଗି ନାହିଁ।ଏ ସମ୍ପର୍କରେ ସର୍ବସାଧାରଣ ରେ ଉପସ୍ଥାପନା କରିବା ପାଇଁ ଏକ ପ୍ରେସମିଟ ମାଧ୍ୟମରେ ସୂଚନା ପ୍ରଦାନ କରାଯାଇଛି । ସୂଚନାଯୋଗ୍ୟ ଯେ, ପଦ୍ମପର ଉପଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ତାଲାବନ୍ଦ କରିଦେବା ଫଳରେ ତା ୩୧.୦୧.୨୦୨୨ରିଖ ଦିନ ବରଗଡ଼ ଏ.ଡି.ଏମ ପଦ୍ମପର ଓକିଲ ସଂଘ ସହ ଆଲୋଚନା କରି ଉପଜିଲ୍ଲାପାଳ କାର୍ଯ୍ୟାଳୟ ଦେଖା ଦେଉଥିବା ସମସ୍ୟା କୁ ହୃଦୟଙ୍ଗମ କରି ଦୃଢ଼ ପ୍ରତିଶ୍ରୁତି ଦେବାପରେ ଉପଜିଲ୍ଲାପାଳ କାର୍ଯ୍ୟାଳୟ ରୁ ତାଲା ଖୋଲାଯାଇଥିଲା ହେଲେ ଅନ୍ୟ ଦୁଇଟି କାର୍ଯ୍ୟାଳୟ ର ସମସ୍ୟା ସମାଧାନ ହୋଇପାରିନି । ବରଗଡ ଜିଲ୍ଲାପାଳ ଯେତେଦିନ ଯାଏଁ ନିଜେ ଆସି ସମସ୍ୟାର ସମାଧାନ ଦିଗରେ ପ୍ରୟାସ ନ କରିବେ ସେତେଦିନ ପର୍ଯ୍ୟନ୍ତ ରେଜିଷ୍ଟ୍ରର କାର୍ଯ୍ୟାଳୟ ଏବଂ ତହସିଲ କାର୍ଯ୍ୟାଳୟ ରେ ତାଲା ଝୁଲୁଥିବ ବୋଲି ପଦ୍ମପର ଓକିଲ ସଂଘ ର ସଭାପତି ଶ୍ରୀମାନ ଗୌତିଆ କୁମାର ସାହୁ ଏବଂ ସଂପାଦକ ଚିନ୍ମୟ କୁମାର ପଣ୍ଡା ପ୍ରେସ ବିବୃତି ରେ ଜଣାଇଛନ୍ତି ।