01-Feb-2022

ପଦ୍ମପୁର:-ସାଧାରଣତଃ ନିମ୍ବ ଗଛର ଫଳ, ଫୁଲ ଠାରୁ ଆରମ୍ଭ କରି ପ୍ରତ୍ୟେକ ଅଂଶ ପିତା । ଏହି ଗଛର ରସ ମଧ୍ୟ ପିତା । ତେବେ ଏକ ନିମ୍ବ ଗଛରୁ ଧଳା ରଙ୍ଗର ମିଠା କ୍ଷୀର ଝରିବା ଓ ଗଛ ପାଖରେ ଯେତେ ଅଧିକ ଲୋକ ଗହଳି ହେଲେ ସେତେ ଅଧିକ କ୍ଷୀର ବାହାରିବା ଭଳି ବାସ୍ତବ ଓ ଆଶ୍ଚର୍ଯ୍ୟଜନକ ଘଟଣା ଏବେ ପାଇକମାଲ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି ।

        ଏଠାରେ ପ୍ରକାଶ ଯୋଗ୍ୟ ଯେ ବରଗଡ଼ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ କାଂସଡା ପଞ୍ଚାୟତର ନିଲାଥର ଗ୍ରାମ । ଏଠାକାର ଲୋକନାଥ ସାହୁଙ୍କ ବିଲ ରେ ରହିଛି ପ୍ରାୟ ୨୦ ଫୁଟ ଉଚ୍ଚତା ବିଶିଷ୍ଟ ଚାରି ପାଞ୍ଚ ବର୍ଷର ଏକ ନିମ୍ବ ଗଛ । ଭୂମିଠାରୁ ପ୍ରାୟ ୧୨ ଫୁଟ ଉଚ୍ଚରେ ଗଛର ଗଣ୍ଡିରୁ ଗତ ଦୁଇ ଦିନ ହେଲା ଅବିରତ ଭାବେ ଧଳା ରଙ୍ଗର କ୍ଷୀର ସଦୃଶ ଏକ ପ୍ରକାରର ରସ ଝରୁଛି । ଗଛ ମୂଳରେ ଯେତେ ଅଧିକ ଲୋକ ସମାଗମ ହେଉଛନ୍ତି ଗଛରୁ ସେତେ ଅଧିକ କ୍ଷୀର ବାହାରୁଛି । ଏ କଥା ପ୍ରଚାରିତ ହେବା ପରେ ଘଟଣା କ'ଣ ଜାଣିବା ପାଇଁ ଉକ୍ତ ନିମ୍ବ ଗଛ ନିକଟକୁ ଲୋକଙ୍କ ଆଗମନ ଲାଗିରହିଛି । ଲୋକେ ନିମ୍ବ ଗଛରୁ ବାହାରୁଥିବା କ୍ଷୀର ପାନ କରୁଛନ୍ତି ଓ ଏହା ମିଠା ଲାଗୁଥିବା କହୁଛନ୍ତି । ନିମ୍ବ ଗଛରେ ବହୁ ଔଷଧୀୟ ଗୁଣ ରହିଥିବାରୁ ଲୋକେ ଏହି କ୍ଷୀର ସଂଗ୍ରହ କରି ଘରକୁ ନେଉଛନ୍ତି ।ଏହାର କାରଣ କିଛି ଜାଣି ନ ପାରି ଲୋକେ ଏହି ଗଛରେ କୋୖଣସି ଭଗବାନ ରହିଥିବା ବିଶ୍ୱାସ କରି ସେଠାରେ ପୂଜାର୍ଚ୍ଚନା କରୁଥିବା ପରିଲକ୍ଷିତ ହେଉଛି ।