29-Jan-2022

ବରଗଡ:-ଦୁର୍ଘଟଣା ର ପଥ ୫୩ନଂ ଲୁହୁରାଚଟି - ସମ୍ବଲପୁର ବ୍ୟସ୍ତ ବହୁଳ ଜାତୀୟ ରାଜପଥ । ମୁଖ୍ୟତଃ ବରଗଡ଼ ରୁ ସମ୍ବଲପୁର ମଧ୍ୟରେ ଥିବା ଅତାବିରା ଥାନା ଅଞ୍ଚଳ ଶୁକୁଟା ପାଲି ରୁ ଗୋଡଭଗା ପର୍ଯ୍ୟନ୍ତ ରାଜରାସ୍ତାକୁ ଅସମ୍ପୂର୍ଣ୍ଣ ତଥା ତ୍ରୁଟି ପୂର୍ଣ୍ଣ ହୋଇଥିବା ଯୋଗୁଁ ଦୁର୍ଘଟଣା ଯେମିତି ନିତିଦିନିଆ ଘଟି ଛୋଟ ମୋଟ ଘଟଣା ଠାରୁ ଆରମ୍ଭ କରି ମର୍ମନ୍ତୁଦ ସଡ଼କ ଦୁର୍ଘଟଣା ରେ କେତେ ପିଲା ବାପ ଛେଉଣ୍ଡ ହେଲେଣି ତ କେତେ ସଧବା ମଥାରୁ ସିନ୍ଦୂର ଲିଭାଇ ସାରିଛନ୍ତି।ଆଉ କେତେ ମାଁ କୋଳ ଶୂନ୍ୟ ହେବା ସହ ଏବେ ବି ନିରୀହ ଲୋକ ଦୁର୍ଘଟଣା ର ଶିକାର ହୋଇ ଜୀବନ ସହ ସଂଘର୍ଷ କରୁଛନ୍ତି।ସେହିପରି ଏକ ଘଟଣା ଅତାବିରା ଏନ.ଏ .ସି ସ୍ଥିତ ଲାଦେରପାଲି ଛକ ମୁଖ୍ୟ ରାଜରାସ୍ତା ରେ ଏକ କଣ୍ଟେନର ନଂ - ଏନ୍ ଏଲ୍ ଓ ୧ ଏ ଏଫ୍ ୨୯୬୫ ଧକ୍କା ହେବା ଫଳରେ ବାଇକ୍ ଆରୋହୀ ବୁଦ୍ଧ ବୃଦ୍ଧା ଛିଟିକି ପଡ଼ି ବୃଦ୍ଧ ଘଟଣା ସ୍ଥଳରେ ଗୁରୁତର ହୋଇ ପଡ଼ିଥିବା ବେଳେ ଘଟଣା ସ୍ଥଳରେ ଅତାବିରା ପୋଲିସ ପହଞ୍ଚି ସ୍ଥାନୀୟ ଲୋକଙ୍କ ସହାୟତା ରେ ପ୍ରାରମ୍ଭିକ ତଦନ୍ତ ସହ ବୃଦ୍ଧବୃଦ୍ଧା ସ୍ଥାନୀୟ ଏନ୍. ଏ.ସି କାଣ୍ଡପାଲି ରୋଡ଼ ଗଣେଶ ନଗର ସ୍ଥିତ ଅବସର ପ୍ରାପ୍ତ ଶିକ୍ଷକ ପୂର୍ଣ୍ଣ ଚନ୍ଦ୍ର ମେହେର ବୟସ ୭୨ ବର୍ଷ ଓ ତାଙ୍କ ଧର୍ମ ପତ୍ନୀ ସୁମେଧା ମେହେର ବୟସ ୬୬ ଏକ ଘରୋଇ କାର୍ଯ୍ୟ କୁ ନେଇ ନିଜ ଘରୁ ଲାଉମୁଣ୍ଡା କୁ ଯାଉଥିବା ସମୟରେ ଘଟଣା ଘଟିଥିବା ଜଣା ପଡ଼ିଥିବା ବେଳେ ପ୍ରାଥମିକ ଚିକିତ୍ସା କରାଇ ବୃଦ୍ଧ ଙ୍କୁ ସ୍ଵତନ୍ତ୍ର ଚିକିତ୍ସା ପାଇଁ ବରଗଡ଼ ବିକାଶ ହସ୍ପିଟାଲ ପଠାଇ ଦିଆ ଯାଇଥିବା ବେଳେ  ତାଙ୍କ ଡାହାଣ ହାତ ସମ୍ପୂର୍ଣ୍ଣ ନଷ୍ଟ ହୋଇଥିବା ବିଶ୍ଵସ୍ତ ସୂତ୍ରରୁ ଜଣା ପଡ଼ିଥିବା ବେଳେ ଅତାବିରା ପୋଲିସ କଣ୍ଟେନର କୁ ଅଟକ ରଖି ତଦନ୍ତ ଜାରି ରଖିଥିବା ଜଣା ପଡ଼ିଛି।