29-Jan-2022

ପଦ୍ମପୁର/ଗାଇସିଲେଟ:- ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ଗାଇସିଲେଟ ବ୍ଲକ ର ତାଳପାଲି ଗ୍ରାମ ପଞ୍ଚାୟତ ର ଚାଷୀ ମାନଙ୍କୁ ନେଇ ଆଜି ବିଷ୍ଣୁ ପ୍ରସାଦ ସାହୁ ଙ୍କ ଅଧ୍ୟକ୍ଷତା ରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା l  ଏହି ସଭାରେ ରାଜବୋଡା ସମ୍ବର କୃଷକ ସଙ୍ଗଠନ ର ପଂଚାୟତ ସ୍ତରୀୟ କମିଟି  ଗଠନ କରିବା ସହିତ ଚାଷୀ ମାନଙ୍କ ସବୁ ପରିସ୍ଥିତି ସହ ଚାଷୀ ମାନଙ୍କ  ସବୁ ଅସୁବିଧା ସୁବିଧାରେ ଛିଡା ହୋଇ ଚାଷୀ ମାନଙ୍କ ନ୍ୟାର୍ଯ୍ୟ ଦାବି ସହ ହକ ର ଲଢେଇ ରେ ସମସ୍ତେ ମିଶି ଲଢ଼ିବା ପାଇଁ ଆହ୍ୱାନ ଦିଆଯାଇଛି l ଏହି ବୈଠକ ରେ ସମସ୍ତଙ୍କ ମତାମତ ନେଇ ଏକ କମିଟି ଗଠନ କରାଯାଇଛି l ଏ କମିଟିରେ ସର୍ବଶ୍ରୀ:- ବୀଣାପାଣି ମିଶ୍ର  ସଭାପତି,ବିଷ୍ଣୁ ପ୍ରସାଦ ସାହୁ ଉପ ସଭାପତି,ମାନ ଭଞ୍ଜନ ସାହୁ ସମ୍ପାଦକ,ଉପେନ୍ଦ୍ର ପଧାନ ସହ ସମ୍ପାଦକ, ଦୀପକ ପଧାନ କୋଷାଧ୍ୟକ୍ଷ ଙ୍କୁ ଚୟନ କରି ସର୍ବ ସମ୍ମତି କ୍ରମେ ସଂଗଠନ ର ଦାୟିତ୍ୱ ପ୍ରଦାନ କରାଯାଇଥିଲା l ଉକ୍ତ ସଭାରେ ସମସ୍ତ ଗ୍ରାମର ଚାଷୀ ବହୁ ସଂଖ୍ୟାରେ ଯୋଗଦାନ କରିଥିଲେ l  ଆଗାମୀ ଦିନରେ ଚାଷୀ ମାନଙ୍କ ପାଇଁ ରାଜବୋଡା ସମ୍ବର କୃଷକସଙ୍ଗଠନ,ଗାଇସିଲେଟ ବ୍ଲକରେ ସମସ୍ତେ ମିଳି ମିଶି କାମ କରିବେ ବୋଲି ସଂକଳ୍ପ ନେଇଥିଲେ l ସବୁ କ୍ଷେତ୍ର ରେ କାମ କରି ଚାଷୀ ମାନଙ୍କ ସମସ୍ତ ଅସୁବିଧା ରେ ଲଢେଇ କରିବ ବୋଲି ନିଷ୍ପତି ଗ୍ରହଣ କରାଯିବା ସଙ୍ଗେ ସଙ୍ଗେ  ସବୁ ସମୟରେ ରାଜବୋଡା ସମ୍ବର କୃଷକ ସଙ୍ଗଠନ ସହିତ ମିଶି କାର୍ଯ୍ୟ କରିବ ବୋଲି ନିଷ୍ପତ୍ତି ଗ୍ରହଣ କରାଯାଇଛି l ଏହି ବୈଠକ ରେ ରାଜବୋଡା ସମ୍ବର କୃଷକ ସଙ୍ଗଠନ ଗାଇସିଲେଟ ବ୍ଲକ ର ଆବାହକ ବିରେନ୍ଦ୍ର ପଧାନ, ଉପ ସଭାପତି ସରୋଜ ସାହୁ ,କୋଷାଧକ୍ଷ ଆନନ୍ଦ ଚନ୍ଦ୍ର ପଧାନ ଓ ତାଳପାଲି ପଞ୍ଚାୟତ ର ଚାଷୀ ସତ୍ୟବାନ ସାହୁ,ହେମନ୍ତ ସାହୁ,ଅଶୋକ ମାଝୀ ପ୍ରମୁଖ  ଉପସ୍ଥିତ ରହି ସଂଗଠନ ର ବିଭିନ୍ନ କାର୍ଯ୍ୟପନ୍ଥା ବିଷୟରେ ଆଲୋଚନା କରିଥିଲେ l