26-Jan-2022

ବଲାଙ୍ଗିର (ପ୍ରେରଣା ଖବର) : ବିଶିଷ୍ଟ ଲେଖକ, ନାଟ୍ୟକାର, ଭାଷା ଓ ସଂସ୍କୃତିର ଗବେଷକ ଏବଂ କବି ବଲାଙ୍ଗୀର ସହରର ରାମଜୀ ପଡା ନିବାସୀ ଶ୍ରୀ ନରସିଂହ ପ୍ରସାଦ ଗୁରୁ(୯୧) ଙ୍କୁ କେନ୍ଦ୍ର ସରକାରଙ୍କ ଦ୍ୱାରା ପଦ୍ମଶ୍ରୀ ପାଇଁ ମନୋନୀତ କରାଯାଇଛି l ଦୀର୍ଘ ୩୬ ବର୍ଷ ଧରି ଶିକ୍ଷା ବିଭାଗରେ କାର୍ଯ୍ୟକରି ୧୯୯୦ ମସିହାରେ ଶ୍ରୀ ନରସିଂହ ପ୍ରସାଦ ଗୁରୁ ଚାକିରି ରୁ ଅବସର ନେଇଥିଲେ l ଲୋକକଳା, ସାହିତ୍ୟ ଓ ସଂସୃତିର ପୁନରୁଦ୍ଧାର ଦିଗରେ ଶ୍ରୀ ଗୁରୁ ଙ୍କ ଜୀବନବ୍ୟାପୀ ସାଧନା ତାଙ୍କୁ ମହାନ କରିଛି l କୋଶଲୀ ଭାଷାରେ ପ୍ରଚର

ପ୍ରସାର ତଥା ଭାଷାକୁ ମର୍ଯ୍ୟାଦାମଣ୍ଡିତ କରିବା ଦିଗରେ ଶ୍ରୀ ଗୁରୁ ଙ୍କ ଅବଦାନ ସବୁଦିନ ପାଇଁ ସ୍ମରଣୀୟ ହୋଇ ରହିବ l କୋଶଳୀ ଭାଷା ବନ୍ଦରକୁ ସମୃଦ୍ଧ କରିବା କ୍ଷେତ୍ରରେ ଶ୍ରୀ ଗୁରୁଙ୍କ ମହନୀୟ ସ୍ରୁଷ୍ଟି 'କୋଶଳୀ- ଓଡ଼ିଆ ଅଭିଧାନ' ଏ ମାଟି କୁ ଗୌରବ ମଣ୍ଡିତ କରିଛି l ଆଜିର ଏହି ପରିଣତ ବୟସରେ ବି ବେଶ ଚଳଚଞ୍ଚଳ ଥିବା ଶ୍ରୀ ଗୁରୁ ଓଡିଶା ସାହିତ୍ୟ ଏକାଡେମୀ,

ସମ୍ବଲପୁର ବିଶ୍ଵବିଦ୍ୟାଳୟ, ବଲାଙ୍ଗିର ଲୋକ ଉତ୍ସବ ସମେତ ଜିଲ୍ଲା ତଥା ଜିଲ୍ଲା ବାହାରର ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ ହୋଇସାରିଛନ୍ତି   ବଲାଙ୍ଗିର ଜିଲ୍ଲାରୁ ନରସିଂହ ପ୍ରସାଦ ଗୁରୁଙ୍କୁ ପଦ୍ମ ଶ୍ରୀ ପୁରସ୍କାର ପାଇଁ ମନୋନୀତ ହେବା ଖବର  ପ୍ରଚାରିତ ହେବା ମାତ୍ରେ ସାରା ବଲାଙ୍ଗୀରରେ ଖୁସିର  ଲହରୀ ଖେଳିଯାଇଛି l ବିଭିନ୍ନ ବିଶିଷ୍ଟ ବ୍ୟକ୍ତି ଏବଂ ସଂଗଠନ ତରଫରୁ ଶୁଭେଚ୍ଛା ଛୁଟୁଛି l  ଆକାଶବାଣୀ ର ଜଣେ ପ୍ରତିଷ୍ଠିତ ଗୀତିକାର ଭାବେ ଶ୍ରୀ ଗୁରୁଙ୍କ ରଚିତ ଗୀତ ଗୁଡିକ ସମ୍ବଲପୁର, ଜୟପୁର, କଟକ ଓ କଳାହାଣ୍ଡି ଆକାଶବାଣୀ କେନ୍ଦ୍ରରେ ପ୍ରସାରିତ ହୋଇ ଶ୍ରୋତା ମାନଙ୍କ ମନ ମୋହିଛି l ଅଦ୍ୟାବଧି  ୩୦ ଟି ପୁସ୍ତକ ରଚନା କରି ଶ୍ରୀ ଗୁରୁ ନିଜର ଅନନ୍ୟ ସାରସ୍ଵତ ପ୍ରତିଭାର ପରିଚୟ ଦେଇପାରିଛନ୍ତି l

  ମର୍ଯ୍ୟାଦାଜନକ ପଦ୍ମ ଶ୍ରୀ ପୁରସ୍କାର ପାଇଁ ଶ୍ରୀ ନରସିଂହ ପ୍ରାସାଦ ଗୁରୁଙ୍କ ନାମ ମନୋନୀତ ହୋଇଥିବା ଯୋଗୁଁ 'ପ୍ରେରଣା' ପରିବାର ତରଫରୁ ଏହି ବର୍ଷିୟାନ ସାରସ୍ଵତ ସାଧକ ଙ୍କୁ ଅନେକ ଅନେକ ଶୁଭେଚ୍ଛା ଜ୍ଞାପନ କରାଯାଉଛି l