25-Jan-2022

ପାଟଣାଗଡ /ଖପ୍ରାଖୋଲ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଳକ ଖପ୍ରାଖୋଲ ପଞ୍ଚାୟତରେ ଅପ୍ରତିଦ୍ଵନ୍ଦୀ ଭାବେ ଜଣେ ମହିଳା ସରପଞ୍ଚ ହୋଇଥିବା ଜଣାପଡିଛି। ସୂଚନାଯୋଗ୍ୟ ଯେ ଖପ୍ରାଖୋଲ ଗାଁ ର ବେଟିଖାଇ ସେନ୍ଦ୍ରିଆ ଅନେକ ବର୍ଷ ଧରି ଖପ୍ରାଖୋଲ ମେଡିକାଲ ରେ ଧାଇ ମାଁ ତଥା ନର୍ସ ଭାବେ କାର୍ଯ୍ୟ କରି ଜନସାଧାରଣଙ୍କ ସେବା କରୁଥିଲେ । ଏବଂ ତାଙ୍କ କାର୍ଯ୍ୟକଲାପ ପ୍ରତି ଅଞ୍ଚଳବାସୀ ବହୁ ପ୍ରଶଂସା କରୁଥିଲେ। ବର୍ତମାନ ତ୍ରିସ୍ତରୀୟ ନିର୍ବାଚନ ନାମାଙ୍କନ ପ୍ରକ୍ରିୟା ଆରମ୍ଭ ହେବାରୁ ୧୩୧ ଜଣ

ଖପ୍ରାଖୋଲ ବ୍ଳକ ରେ ନାମାଙ୍କନ ପତ୍ର ଦାଖଲ କରିଥିଲେ। କିନ୍ତୁ ଖପ୍ରାଖୋଲ ଗାଁ ରେ ବେଟିଖାଇ ସେନ୍ଦ୍ରିଆ ଙ୍କୁ ଲୋକେ ଅପ୍ରତିଦ୍ଵନ୍ଦୀ ଭାବେ ସରପଞ୍ଚ ଦାୟିତ୍ୱ ଦେଇଛନ୍ତି। ଆଗରୁ ସେ ଯେଭଳି ଭାବରେ ଲୋକଙ୍କ ସେବା କରୁଥିଲେ ସେହିପରି ସରପଞ୍ଚ ଦାୟିତ୍ୱରେ ଅଞ୍ଚଳର ଅନେକ ସମସ୍ୟା ଉପରେ ଗୁରୁତ୍ଵ ଦେଇ କାର୍ଯ୍ୟ କରିବେ ବୋଲି ଅଞ୍ଚଳବାସୀ ଙ୍କ ଆଶା ଓ ବିଶ୍ବାସ ରହିଛି।