22-Jan-2022

ବୌଦ୍ଧ,(ପ୍ରେରଣା ଖବର) , ଇରିଗେସନ କଲୋନୀ ଗାଈ ଗୋଠ ପଡିଆ ପରିଚୟ ଗୃହରେ ଜାଗା ସମ୍ପର୍କ କାର୍ଯ୍ୟକ୍ରମ ଓ ସାହି ବସ୍ତିବାସିନ୍ଦଙ୍କ ଦ୍ୱାରା ଆୟୋଜନ କରାଯାଇଥିଲା l ଏହି ସଭାରେ ବସ୍ତି ଉନ୍ନୟନ ସଂଘର ସଭାନେତ୍ରୀ ମୀନାକ୍ଷୀ ବିଶ୍ୱାଳ କାର୍ଯ୍ୟକ୍ରମ ପରିଚାଳନା କରିଥିଲେ l କାର୍ଯ୍ୟକ୍ରମ ଶେଷରେ ବସ୍ତି ସଂଘ ର ସମ୍ପାଦିକା ପୁଷ୍ପାଞ୍ଜଳି ଦରୱାନ ଧନ୍ୟବାଦ ଅର୍ପଣ କରିଥିଲେ l ମଂଚାସୀନ ଅତିଥି ମାନଙ୍କ ମଧ୍ୟରେ କୋଷାଧ୍ୟକ୍ଷ ସୁବାସିନୀ ରାଜହଂସ, ସଂଯୁକ୍ତା ଆଚାର୍ଯ୍ୟ, ସୁଷମା ବେହେରା, ପ୍ରବୀଣା ବାରିକ, ସେହେରାଜ ବିବି ଉପସ୍ଥିତ ରହି ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ l ବସ୍ତି ବାସିନ୍ଦା ସଂଘ ର ଦକ୍ଷତା ବୃଦ୍ଧି ପାଇଁ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା l ଏହି ଉପଲକ୍ଷେ ଛାତ୍ରୀ ମାନେ ବନ୍ଦେ ଉତ୍କଳ ଜନନୀ ପରିବେଷଣ କରିବା ସହ ସମ୍ବଲପୁରୀ ନୃତ୍ୟ ପରିବେଷଣ କରିଥିଲେ l ଏହି କାର୍ଯ୍ୟକ୍ରମ ରେ ଖଦାଲ ସାହି ବସ୍ତି, ବୁଦ୍ଧ ଦେବ ସାହି ବସ୍ତି, ବାବୁ ସାହି ଓ ଆଖ ପାଖ ବସ୍ତି ବାସିନ୍ଦା ମଧ୍ୟ ଯୋଗଦେଇଥିଲେ l