22-Jan-2022

ନୂଆପଡା ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର ଜ଼ିଲ୍ଲା ସଭାପତି ଭାନୁପ୍ରତାପ ସିଂମାଝି କୁ ଆଦିବାସୀ ସଂଘ ରୁ ବହିଷ୍କାର କରାଯାଇଛି l ଶ୍ରୀ ସିଂମାଝି ଆଦିବାସୀ ସମାଜର ନୀତିନିୟମ ଗୁଡିକୁ ଉଲଂଘନ କରିବା ସହିତ ଆଦିବାସୀ ସଂଘ ର ନିଷ୍ପତ୍ତି କୁ କାର୍ଯ୍ୟନିର୍ବାହ କରିବାରେ ଅସମର୍ଥ ହେବାରୁ ତାଙ୍କୁ ସଂଘ ରୁ ସର୍ବସମ୍ମତି କ୍ରମେ ବହିଷ୍କାର କରାଯାଇଛି l ଏହା ସହିତ ଗଣ୍ଡ ଆଦିବାସୀ ସମାଜ ରୁ  ଶ୍ରୀ ସିଂମାଝି କୁ ବାସନ୍ଦ ଘୋଷଣା କରାଯାଇଛି l କୌଣସି ଆଦିବାସୀ ଶ୍ରୀ ମାଝି କୁ ସାମାଜିକ,ରାଜନୈତିକ, ସଂଘୀୟ କାର୍ଯ୍ୟକଳାପ ରେ ସାହାଯ୍ୟ ସହଯୋଗ ସମର୍ଥନ କରିବେ ନାହିଁ ବୋଲି ଆଦିବାସୀ ଭବନ ଠାରେ ସଂଘ ତରଫରୁ ନିଷ୍ପତ୍ତି ଗ୍ରହଣ କରାଯାଇଛି l ଅଭିଯୋଗ ଅନୁସାରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ଆଦିବାସୀ ମାନଙ୍କ ପାଇଁ ସଂରକ୍ଷିତ ସରପଞ୍ଚ ଏବଂ ବ୍ଲକ ଅଧ୍ୟକ୍ଷ ଆସନ ଗୁଡିକ ରେ ଓଡିଶା ସରକାର ସଂରକ୍ଷଣ ଉଚ୍ଛେଦ କରିଛନ୍ତି l ସମ୍ବିଧାନ ପ୍ରଦତ୍ତ ରାଜନୈତିକ ଅଧିକାର ରୁ ଆଦିବାସୀ ମାନେ ବଞ୍ଚିତ ହେବାରୁ ରାଜ୍ୟବ୍ୟାପୀ ଅସନ୍ତୋଷ ପ୍ରକାଶ ହୋଇଛି l  ସଂରକ୍ଷଣ ଲାଗୁ କରିବା ଦାବିରେ ଆଦିବାସୀ ମାନେ ଆନ୍ଦୋଳନ ଜାରି ରଖିଛନ୍ତି l ଆଦିବାସୀ କୋଟା କାଟିବା ପାଇଁ ଭାରତୀୟ ସମ୍ବିଧାନ ରେ ଵିଧି ପୂର୍ବକ ସଂଶୋଧନ ହୋଇନାହିଁ କିମ୍ବା ଓଡିଶା ଗ୍ରାମ ପଞ୍ଚାୟତ ଆଇନ ପରିବର୍ତ୍ତନ, ସଂଶୋଧନ ହୋଇନାହିଁ,ସେହିପରି ,ଓଡିଶା ପଞ୍ଚାୟତ ସମିତି ଆଇନ,ରେ କୌଣସି ସଂଶୋଧନ କରାଯାଇନାହିଁ l ସମସ୍ତ ଆଇନ କାନୁନ ନିତୀ ନିୟମ ଵିଧି ବ୍ୟବସ୍ଥା ଆଦିବାସୀ ମାନଙ୍କ ସପକ୍ଷରେ ଅଛି l ସମସ୍ତ ଆଇନ ଅପରିବର୍ତ୍ତିତ ଥିବା ବେଲେ ହଠାତ ଓଡିଶା ସରକାର ଆଦିବାସୀ କୋଟା କାଟିବା ଘଟଣା ଆଦିବାସୀ ସମାଜରେ ବିପ୍ଳବ ସୃଷ୍ଟି ହୋଇଛି l ଦୀର୍ଘ ପଞ୍ଚସ୍ତର ବର୍ଷ ର ପ୍ରଚଳିତ ସାମ୍ବିଧାନିକ ଵିଧି ବ୍ୟବସ୍ଥା,ଆଇନ କାନୁନ,ନୀତିନିୟମ ଗୁଡିକୁ ସରକାର ଉଲଂଘନ କରି ସାମ୍ବିଧାନିକ ସଙ୍କଟ ସୃଷ୍ଟି କରିଛନ୍ତି ବୋଲି ଅଭିଯୋଗ କରି ଆଦିବାସୀ ସଂଘ ଉଚ୍ଚନ୍ୟାୟାଳୟ ରେ ମାମଲା ଦାୟର କରିଛି l  ପଂଚାୟତ ନିର୍ବାଚନ ରେ ସଂରକ୍ଷଣ କାର୍ଯ୍ୟକାରୀ କରିବା ଦାବିରେ ଜାନୁଆରୀ 3 ରେ ଜ଼ିଲ୍ଲା ର ଦଶ ହଜାର ରୁ ଉର୍ଦ୍ଧ ଆଦିବାସୀ ନୂଆପଡା ଜ଼ିଲ୍ଲାପାଳ କାର୍ଯ୍ୟାଳୟ ଘେରାଓ କରି ବିକ୍ଷୋଭ କରିଥିଲେ l ସଂରକ୍ଷଣ ସୁରକ୍ଷା ଜିଦରେ ଆଦିବାସୀ ମାନେ ନୂଆପଡା ଜ଼ିଲ୍ଲା ର ପଂଚାୟତ କାର୍ଯ୍ୟାଳୟ ଗୁଡିକୁ ତାଲା ପକାଇ ମୁଖ୍ୟମନ୍ତ୍ରୀ ଙ୍କୁ ସ୍ମାରକପତ୍ର ପ୍ରଦାନ କରିଥିଲେ l ଶ୍ରୀ ସିଂମାଝି ବଲାଙ୍ଗିର ଜ଼ିଲ୍ଲା ର ବିକ୍ଷୋଭ ସଭାରେ,ବ୍ଲକ ସ୍ତରୀୟ ଶୋଭାଯାତ୍ରା ଆନ୍ଦୋଳନ ରେ ଯୋଗ ଦେଇ ସରକାର ଙ୍କ ଆଦିବାସୀ ବିରୋଧୀ ନିତୀ କୁ କଟୁ ସମାଲୋଚନା କରିଥିଲେ lସାମ୍ବିଧାନିକ ଅଧିକାର ସାବ୍ୟସ୍ତ କରିବା ପାଇଁ ଆଦିବାସୀ ଆନ୍ଦୋଳନ ତୀବ୍ରତର ହେଉଥିବା ବେଲେ ସଂଘ ର ନିଷ୍ପତ୍ତି ବିରୁଦ୍ଧରେ ଶ୍ରୀ ସିଂ ମାଝି ପଂଚାୟତ ନିର୍ବାଚନ ରେ ନାମାଙ୍କନ ପତ୍ର ଦାଖଲ କରିଥିଲେ l ପ୍ରଥମେ ଜାତି ସ୍ୱାର୍ଥ ତାପରେ ପାର୍ଟି ନାରା ଦେଉଥିବା ଆଦିବାସୀ ନେତା ସିଂ ମାଝି ପ୍ରଥମେ ପାର୍ଟି ସ୍ୱାର୍ଥ କୁ ଉର୍ଦ୍ଧ ରେ ରଖି  ଆଦିବାସୀ ସମାଜର ସାମୁହିକ ସ୍ୱାର୍ଥ ସୁରକ୍ଷା କୁ ଭୁଲିଗଲେ ବୋଲି ଆଦିବାସୀ ସଂଘ ଅସନ୍ତୋଷ ପ୍ରକାଶ କରିଛି l ସମଗ୍ର ଆଦିବାସୀ ସମାଜ ର ସାମୁହିକ ସ୍ୱାର୍ଥ  କୁ ଜଳାଞ୍ଜଳି ଦେଇ ନିଜ ସ୍ୱାର୍ଥ ସାଧନ ରେ ଶ୍ରୀ ସିଂ ମାଝି ଲିପ୍ତ ରହିବାରୁ ତାଙ୍କୁ କୌଣସି ଆଦିବାସୀ ଭୋଟ ନ ଦେବାକୁ ଘୋଷଣା କରାଯାଇଛି ବୋଲି ନିଷ୍ପତ୍ତି ଗ୍ରହଣ କରାଯାଇଛି l ଭାନୁପ୍ରତାପ ସିଂ ମାଝି ଙ୍କୁ ସଂଘ ରୁ ବହିଷ୍କାର କରିବା ସହିତ ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଂଘ ର ଉପ ସଭାପତି ପଦବୀ ରୁ ମଧ୍ୟ ବହିଷ୍କାର କରାଯାଇଛି l ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର ବରିଷ୍ଠ ନେତା ଖାମସିଂ ମାଝି ଙ୍କୁ ସଭାପତି କାର୍ଯ୍ୟ ତୁଲାଇବା ପାଇଁ ଦାୟିତ୍ୱ ଅର୍ପଣ କରାଯାଇଛି l
 ପ୍ରେସ ବିବୃତ୍ତି ରେ ସଂଘ ର ନୂତନ ସଭାପତି ଖାମସିଂ ମାଝି, ସାଧାରଣ ସମ୍ପାଦକ ବାଳକୃଷ୍ଣ ଶବର,ଉପ ସଭାପତି ଯୋଗେନ୍ଦ୍ର ଭୋଇ,ଉଷ୍ମନ ମୁଣ୍ଡା,ଶ୍ରୀମତୀ ବନଳତା ମାଝି ପ୍ରମୁଖ ଜଣାଇଛନ୍ତି l