22-Jan-2022

ପାଟଣାଗଡ଼ / ଗତକାଲି ପଞ୍ଚାୟତ ନିର୍ବାଚନ ନାମାଙ୍କନ ର ଆଜି ଶେଷଦିନରେ ବିଭିନ୍ନ ଦଳରୁ ପାଟଣାଗଡ଼ ଉପଖଣ୍ଡ ରେ ୧୮ ଜଣ  ଜିଲ୍ଲାପରିଷଦ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି। କୋଭିଡ କଟକଣା ଯୋଗୁଁ ନିଜ ନିଜ ସମର୍ଥକ କୁ ନେଇ ପ୍ରାର୍ଥୀ ମାନେ ରେଲିରେ ଆସିଥିଲେ ଏବଂ ଉପଜିଲ୍ଲାପାଳ ଙ୍କ ପାଖକୁ କେବଳ ଜଣେ ପ୍ରାର୍ଥୀ ହିଁ ଯାଇ ତାଙ୍କର ନାମାଙ୍କନ ପତ୍ର ପ୍ରଦାନ କରିଥିଲେ ।ଆଜି ବିଜେଡି ପକ୍ଷରୁ ୧୫ ନମ୍ବର ଜୋନ ଜିଲ୍ଲା ପରିଷଦ ପ୍ରାର୍ଥୀ ଭାବେ  ପୂର୍ବତନ ଯୁଗୀମୁଣ୍ଡା ସରପଞ୍ଚ କସ୍ତୁରୀ ସେଠ ଓ ବିଜେପି ରୁ ପୂର୍ବତନ ପଣ୍ଡାମୁଣ୍ଡା ସରପଞ୍ଚ ତଥା ଏବେରେ ସମିତିସଭ୍ୟ ଡ଼ୁମେରପଦର ଗାଁ ର ଚତୁର୍ମୁଖ ମେହେର ଙ୍କ ସ୍ତ୍ରୀ ଅହଲ୍ୟା ମେହେର ,ପାଟଣାଗଡ ବ୍ଳକ ୧୪ ନମ୍ବର ଜୋନ୍ ରୁ ବିଜେପି ରୁ ଲରମ୍ଭା ପଞ୍ଚାୟତ ର ବାବନୀପାଲି ଗାଁ ର ଝୁନୁ ନାୟକ ଓ କଂଗ୍ରେସ ର ସୁନାମୁଦୀ ର ହେମଳତା ଭୁଏ ,୧୬ ନମ୍ବର ଜୋନ ର ବିଜେଡି ରୁ କେନ୍ଦମୁଣ୍ଡି ପଞ୍ଚାୟତ ପୋଡ଼ଛାପର ଗାଁ ର ବାଳିକା ମାଝୀ, ବିଜେପି ରୁ ଭଇଁଷା ଗାଁ ର ହୃଷିକେଶ ଭୋଇ ଓ କଂଗ୍ରେସ ରୁ ଧୂବଳପଡ଼ା ପଞ୍ଚାୟତ ଭାଲୁପିଟା ଗାଁ ର ଚନ୍ଦ୍ର ବାଗ,ଖପ୍ରାଖୋଲ ବ୍ଲକ ୪ ନମ୍ବର  ଜୋନରୁ ବିଜେଡି ର ପ୍ରମିଳା କଠାର ଓ ବିଜେପି ର ପଡ଼ିଆବାହାଲ ପଞ୍ଚାୟତ ସାନଉଡେନ ଗାଁ ର ସନ୍ତୋଷିନୀ ବରିହା,ଜୋନ 3ରୁ ବିଜେପି ର ଲାଠୋର ସରପଞ୍ଚ ପ୍ରବୀଣ ଅଗ୍ରୱାଲ ର ସ୍ତ୍ରୀ ପାୟଲ ଅଗ୍ରୱାଲ, ବେଲପଡା ବ୍ଲକ ଜୋନ ୨୪ ବିଜେପି ରୁ ଗମ୍ଭାରୀ ପଞ୍ଚାୟତ କିନ୍ଦରିଟାଲ ଗାଁ ର ଝରଣା ଭୁଏ, ୨୫ ଜୋନ ରୁ ବିଜେଡି ରୁ ବେଲପଡା ପଂଚାୟତ ର ସୁଜାତା ଛତ୍ରିଆ ଓ ୨୬ ଜୋନ୍ ବିଜେପି ରୁ କନ୍ଧେନଝୁଲା ପଞ୍ଚାୟତ କଂସାପଲା  ଗାଁ ର ବୋହୂ ହେଲେ ଧୂମାଭଟା ପଂଚାୟତ ଜଳିଆ ଗାଁ ର ଝିଅ ଅନିମା ଦାଶ ଜିଲ୍ଲା ପରିଷଦ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି। ବହୁଜନ ସମାଜ ପାର୍ଟି ରୁ  ଚାରି ଜଣ ଜୋନ ୩ରୁ ସୁଭଦ୍ରା ସୁନା, ଜୋନ ୪ରୁ ଲଳିତା ବରିହା, ଜୋନ ୧୫ ରୁ ସୀମା ନାଗ ଓ ଜୋନ ୨୬ ରୁ ଦେବକୀ ତାଣ୍ଡି, ଶେଷରେ ସ୍ୱାଧୀନ ପ୍ରାର୍ଥୀ ଭାବେ ଜୋନ ୩ ରୁ ରୁକ୍ମିଣୀ ପଣ୍ଡା ଓ ୨୪ ନମ୍ବର ଜୋନ୍ ପାଇଁ ବେଲପଡା ବ୍ଳକ ଘଗରା ଗାଁ କୃତିବାସ ମାଝୀ  ଆଦି ଆସି ଆଜି ତାଙ୍କର ପ୍ରାର୍ଥୀ ପତ୍ର ଉପଜିଲ୍ଲାପାଳ ବିଜୟା ନନ୍ଦ ସେଠି ଠାରେ ଦାଖଲ କରିଛନ୍ତି ।