20-Jan-2022

ସମ୍ବଲପୁର(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ସମ୍ବଲପୁର ଜିଲ୍ଲା ସ୍ତରୀୟ ୭୩ତମ ସାଧାରଣତନ୍ତ୍ର ଦିବସ ପାଳନ ନିମନ୍ତେ  ଜିଲ୍ଲାପାଳ ଦିବ୍ୟଜ୍ୟୋତି ପରିଡାଙ୍କ ଅଧ୍ୟକ୍ଷତାରେ ଏସଏସଏ କନ୍ଫରେନ୍ସ ହଲ ଠାରେ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି I ସାମ୍ପ୍ରତିକ ପରିସ୍ଥିତିରେ କରୋନା ମହାମାରୀ ଦ୍ରୁତ ଗତିରେ ବଢୁଥିବାରୁ ସରକାରଙ୍କର ନିର୍ଦ୍ଧେଶ ମୁତାବକ କରୋନା କଟକଣା  ମଧ୍ୟରେ ସୀମିତ ସରକାରୀ, କରୋନା ଯୋଦ୍ଧା, ପୋଲିସ ପ୍ରଶାସନ ପ୍ରେସ ମିଡ଼ିଆଙ୍କୁ ନେଇ ସାଧାରଣତନ୍ତ ଦିବସ କାର୍ଯ୍ୟକ୍ରମ ଆୟୋଜନ କରିବା ପାଇଁ ସ୍ଥିର କରାଯାଇଛି I ଜାନୁଆରୀ ୨୬ ତାରିଖ ଦିନ ପ୍ରାତଃ ୪.୩୦ମି. ସମୟରେ ସହରରେ ଡାକବାଜି ଯନ୍ତ୍ର ଦ୍ୱାରା ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ଦ୍ୱାରା ରାମଧୁନ ପରିବେଷଣ କରାଯିବ I ଜାତୀୟ ଦିବସ ପାଳନ ଅବସରରେ ସହରସ୍ଥିତ ମହାପୁରୁଷଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯିବ I ପୂର୍ବାହ୍ନ ୮. ୩୦ ମିନିଟ ସମୟରେ ଦିବସର ମୁଖ୍ୟ ଅତିଥିଙ୍କ ଦ୍ୱାରା ସ୍ଥାନୀୟ ନେଲସନ ମଣ୍ଡେଲା ଛକ ପାଖ ରାଜରାସ୍ତା ଠାରେ ଆନୁଷ୍ଠାନିକ ଭାବେ ଜାତୀୟ ପତାକା ଉତ୍ତୋଳନ ଓ ଅଭିବାଦନ ଗ୍ରହଣ କରିବେ I କେବଳ ପୋଲିସ ବାହିନୀ ପ୍ୟାରେଡରେ ଉପସ୍ଥିତ ରହି ମୁଖ୍ୟ ଅତିଥିଙ୍କୁ ଗାର୍ଡ ଅଫ ଅନର ପ୍ରଦାନ କରିବେ I ପ୍ୟାରେଡ କୌଣସି ବିଦ୍ୟାଳୟ, ମହାବିଦ୍ୟାଳୟର ଛାତ୍ର ଛାତ୍ରୀ ଅଂଶ ଗ୍ରହଣ ନ କରିବା ପାଇଁ ସ୍ଥିର କରାଯାଇଛି I କରୋନା କଟକଣା ପାଇଁ କୌଣସି ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯିବ ନାହିଁ I କୋଭିଡ ଯୋଦ୍ଧା ମାନଙ୍କୁ ସମ୍ମାନୀତ କରିବା ନିମନ୍ତେ ନିଷ୍ପତି ନିଆଯାଇଛି I ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ଦ୍ୱାରା ଆୟୋଜିତ ଏହି ପ୍ରସ୍ତୁତି ବୈଠକରେ ଅତିରିକ୍ତ ଜିଲ୍ଲାପାଳ ରାଜସ୍ବ ଉମାକାନ୍ତ ରାଜ, ଅତିରିକ୍ତ ଜିଲ୍ଲାପାଳ ସାଧାରଣ ଅଜମ୍ବର ମହାନ୍ତି, ସମ୍ବଲପୁର ମୁନିସିପାଲିଟି କିମିଶନର ପ୍ରଦୀପ କୁମାର ସାହୁ, ସଦର ଉପଜିଲ୍ଲାପାଳ ମୟୁର ସୂର୍ଯ୍ୟାଵଂସୀ ବିକାଶ, ରିଜବ ଇନିସପେକ୍ଟର ରାଜୀବ ଲୋଚନ ସେଠ, ଇ. ଇ  ଡିଆରଡିଏ ସୂର୍ଯ୍ୟକାନ୍ତ ବିଶ୍ୱାଳ, ଏଡିଇଓ ଜୟଶ୍ରୀ ଦୋରା, ଇ. ଇ ଏସଇଇଡି ଟିପିଡ଼ବ୍ଲୁଓଡିଏଲ ମାନସର ଟୀଗା ସମେତ ଡିଏସପି ଟ୍ରାଫିକ ପ୍ରମୁଖ ଉପସ୍ଥିତ ଥିଲେ I