19-Jan-2022

ମୁରିବାହାଲ (ହୃଦାନନ୍ଦ ବାଗ)  ସରକାର କୋଟି କୋଟି ଟଙ୍କା ବିନିମୟ କରି ଲୋକଙ୍କ ଯାତାୟତ ସୁବିଧା ନିମନ୍ତେ ଅନେକ ଯୋଜନା କାର୍ଯ୍ୟକାରୀ କରି ରାସ୍ତା ନିର୍ମାଣ କରୁଛନ୍ତି l

କିନ୍ତୁ ରାଜନେତା ଓ ପ୍ରଶାସନିକ ଅଧିକାରୀ ମାନଙ୍କ ଅଣଦେଖା ଯୋଗୁଁ ବିଭିନ୍ନ ସ୍ଥାନ ରେ ରାସ୍ତା ଗୁଡିକ ଦମନୀୟ ଅବସ୍ଥାରେ ପଡିରହିଛି l ସରକାର ବାହାଦୁର କହୁଛନ୍ତି  ଯେ ବିକାଶ ହିଁ ବିକାଶ କିନ୍ତୁ ତାହା କେତେ  କାର୍ଯ୍ୟକାରୀ ହେଉଛି  ତାର ନଗ୍ନ ଚିତ୍ର ଆପଣଙ୍କୁ ଦେଖାଇବାକୁ ଯାଉଛୁ l ସୂଚନା ଯୋଗ୍ୟ ଯେ ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଗରଗଡ଼ବାହାଲ ପଞ୍ଚାୟତ ଗରଗଡ଼ବାହାଲ ଚାରି ଛକ ଠାରୁ ଯମୁନା ଛକ ପର୍ଯ୍ୟନ୍ତ ରାସ୍ତା ଟି ଯେଉଁ ଭଳି ଅବସ୍ଥା ସଙ୍କଟାପନ୍ନ ହୋଇ ପଡ଼ିଛି  କହିଲେ ନ ସରେ l ନାଁ ଏଠି  ମୁରିବାହାଲ ବ୍ଲକ ପ୍ରଶାସନ ଦୃଷ୍ଟି ପଡୁଛି ନାଁ ଏଠି ସ୍ଥାନୀୟ ରାଜନେତା ମାନଙ୍କ ଦୃଷ୍ଟି ପଡୁଛି l ଯାହା ଫଳରେ କି ସାଧାରଣ ଜନତା କୁ ବିଭିନ୍ନ ସମସ୍ୟା ର ସମ୍ମୁଖୀନ ହେବାକୁ ପଡୁଛି l ଗରଗଡ଼ବାହାଲ  ଗଂରେଇ ପଞ୍ଚାୟତ ରୁ ମୁରିବାହାଲ ବ୍ଲକ ତହସିଲ ଅଫିସ ରେଲୱେ ଷ୍ଟେସନ ପଡୁଥିବା ବେଳେ ଏହି ରାସ୍ତା ଦେଇ ଦୈନିକ ଶହ ଶହ ମାତ୍ର ରେ ଲୋକ ଯାତାୟତ କରୁଥିବା ଦେଖିବାକୁ ମିଳୁଛିl ଏ ବିଷୟ ରେ ସରପଞ୍ଚ,ବିଡ଼ିଓ, ବିଧାୟକ,ସାଂସଦ ଓ ରାଜନେତା ଙ୍କୁ ଅନେକ ଥର ଆପତ୍ତି ଅଭିଯୋଗ କରିଥିଲେ ସୁଦ୍ଧା କୌଣସି ସୁଫଳ ମିଳି ନ ଥିବାରୁ ଲୋକଙ୍କ ମନରେ ଅସନ୍ତୋଷ ଦେଖାଦେଇଛି l ଏଥି ପ୍ରତି ରାଜ୍ୟସରକାର  ଦୃଷ୍ଟି ଆକର୍ଷଣ କରି  ପକ୍କା ରାସ୍ତା ନିର୍ମାଣ କରିବାକୁ ଅଞ୍ଚଳ ବାସୀ ଦାବି କରିଛନ୍ତି ।