15-Jan-2022

ବଙ୍ଗୋମୁଣ୍ଡା, ସିନ୍ଧେକେଲା(ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ଅଳଣ୍ଡା ପେକ୍ସ ରେ ଟୋକନ ପାଇ ଟୋକନ ର ସମୟ ଅବଧି ଶେଷ ହେଉ ଥିଲେହେଁ ଧାନ ବିକୁନଥିବା ଚାଷୀଙ୍କ ଘରକୁ ଘର ଯାଇ ତଦନ୍ତ କରିଥିଲେ ବଙ୍ଗୋମୁଣ୍ଡା ତହସିଲଦାର ଗୁଣମଣି ସୁନାନୀ। ତେବେ ତଦନ୍ତ ସମୟର ଚିତ୍ର ଥିଲା ପୁରା ଅଲଗା। କେଉଁଠି ଘରେ ତାଳା ପଡିଥିଲା ତ କେଉଁଠି ଛୋଟ ପିଲା କିମ୍ବା ବୁଢାବୁଢୀ ଘର ଜଗିଥିବା ଦେଖିବାକୁ ମିଳିଥିଲା। ଚାଷୀ ଲକ୍ଷପତୀ ରଣାଙ୍କ ଘରକୁ ଯାଇଥୀବା ସମୟରେ ଘରେ ଜଣେ ଦଶମ ପଢୁଥିବା ଝିଅ ଓ ଜଣେ ଦ୍ବିତୀୟ ପଢୁଥିବା ଝିଅଙ୍କୁ ଛାଡି ବାପା ମାଁ ଅନ୍ୟ ରାଜ୍ୟକୁ ଦାଦନ ଖଟି ଯାଇଥିବା ଜଣାପଡିବା ପରେ  ଏହାକୁନେଇ ବିଭିନ୍ନ ଗଣମାଧ୍ୟମ ଖବର ପରି ବେଷଣ କରିଥିଲା। ଖବର ପ୍ରକାଶିତ ହେବାପରେ ଅଫିସର ଓ ରାଜନୈତିକ ମହଳରେ ବେଶ ଚର୍ଚ୍ଚା ହୋଇଥିଲା। ଏହାକୁନେଇ ବିଜେପି ଓଡିଶା କୃଷକ ମୋର୍ଚ୍ଚା 

ସାଧାରଣ ସମ୍ପାଦକ ଲକ୍ଷ୍ମଣ ବାଗ, ବଲାଙ୍ଗୀର ଜିଲ୍ଲା ବିଜେପି ସମ୍ପାଦକ ଅନିଲ ନାଏକ, ସିନ୍ଧେକେଲା ମଣ୍ଡଳ ସଭାପତୀ ମୁନୀରାମ ନାଗ, ସିନ୍ଧେକେଲା ମଣ୍ଡଳ ଯୁବମୋର୍ଚ୍ଚା ସଭାପତି ନୌରାଜ ରଣା , ଉପସଭାପତି ହେମନ୍ତ ସାହୁ , ଦାମୁ ସୁନା ପ୍ରମୁଖ ଅଳଣ୍ଡା ପହଞ୍ଚି ଚାଷୀ ଲକ୍ଷପତୀ ଙ୍କ ଘରକୁ ଯାଇ ଝିଅ ମାନଙ୍କୁ ଭେଟି ସମସ୍ୟା ସମ୍ପର୍କରେ ଅବଗତ ହୋଇଥିଲା। ଏହାକୁନେଇ ବଲାଙ୍ଗୀର ଜିଲ୍ଲାପାଳ ଏକ ଟ୍ବିଟ ମାଧ୍ୟମରେ ଝିଅର ଧାନ ଉଠାଇବାକୁ ସୁଚନା ଦେଇଥିଲେ। ଜିଲ୍ଲାପାଳ ଙ୍କ ନିର୍ଦ୍ଦେଶ କ୍ରମେ ଗତକାଲି ତହସିଲଦାର ଚାଷୀଙ୍କ ଘରକୁ ଯାଇ

ଝିଅ ମାନଙ୍କ ବାପା ସହ ଫୋନ ରେ କଥା ହୋଇ ଧାନ ବିକିବା ପାଇଁ କହିଥିଲେ। ତଦନୁସାରେ ଆଜି ଶୁକ୍ରବାର ବଡ ଝିଅକୁ ତା ବାପା ଲକ୍ଷପତୀ ଙ୍କ ନମିନି ଭାବରେ ନେଇ ତା ଆଧାର ସଂଯୋଗ କରିବାସହ ଆଖି ସ୍କେନ କରି ୩୧ କ୍ବିଣ୍ଟାଲ ୩୬ କେଜି ଧାନ ବିକିଥିବା ଜଣା ପଡିଛି। ଏହି ସମୟରେ ବଙ୍ଗୋମୁଣ୍ଡା ତହସିଲଦାର ଗୁଣମଣୀ ସୁନାନୀ, ଟିଟିଲାଗଡ ଏଆରସିଏସ ପ୍ରଦିପ ପୃଷ୍ଟି , ବଙ୍ଗୋମୁଣ୍ଡା ଏସ ଏ ଆରସିଏସ, କ୍ଷମା ମାଝୀ , ଅଜିତ ବଗର୍ତ୍ତି , ସୁସାନ୍ତ ରାଉତ , ଅଳଣ୍ଡା ପେକ୍ସ ତଥା ବଙ୍ଗୋମୁଣ୍ଡା ବ୍ଲକ ବିଡିସିସି ବ୍ୟାଙ୍କ ସୁପରଭାଇଜର ପ୍ରଭୁଲାଲ ସାହୁ ପ୍ରମୁଖ ଉପସ୍ଥିତ ଥିଲେ । ଗୁରୁତ୍ବପୂର୍ଣ୍ଣ କଥା ହେଉଛି ସରକାର ଚାଷୀମାନଙ୍କ ପାଇଁ ଏକ ଦର ନିର୍ଧାରିତ କରି ଧାନ ବିକିବା ବ୍ୟବସ୍ଥା କରିଛନ୍ତି । ହେଲେ  ବିକ୍ରୟ କରିବା ପାଇଁ ଏକ ଜଟିଳ ସ୍ଥିତି ଦେଇ ଗତି କରିବାକୁ ପଡୁଥିବାରୁ ବହୁ ଚାଷୀ ଧାନ ଅମଳ ପରେ ଦଳାଳ ମାନଙ୍କ ହାତରେ କମ ଦାମରେ ବିକିବା ପାଇଁ ବାଧ୍ଯ ହେଉଥିବା ଚାଷୀ ମାନେ ପ୍ରକାଶ କରିଥିଲେ।