12-Jan-2022

ବରଗଡ଼: ବିକାଶ ଲ’ ସ୍କୁଲ୍ ରେ “ଜାତୀୟ ଯୁବ ଦିବସ” ଅବସରରେ ଏକ ଜାତୀୟ ୱେବିନାର୍ ପାଳିତ ହୋଇଯାଇଛି । ବିକାଶ ଲ’ ସ୍କୁଲ୍ ର ଅଧ୍ୟକ୍ଷ ପ୍ରଫେସର୍ ଡ.ବିକ୍ରମ କୁମାର ଦାସଙ୍କ ପୌରୋହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ସେ ପ୍ରାରମ୍ଭିକ ସୂଚନା ପ୍ରଦାନ କରିବା ସହିତ ଅତିଥି ପରିଚୟ ପ୍ରଦାନ କରିଥିଲେ । ଛାତ୍ରଛାତ୍ରୀଙ୍କୁ ବିବେକାନନ୍ଦଙ୍କ ଜୀବନ ଶୈଳୀରେ ଅନୁପ୍ରାଣିତ ହେବା ସହିତ ସମ୍ପ୍ରତି ଯୁବସମାଜର ଭାରତରେ ଭୂମିକା ଉପରେ ସମ୍ବୋଧିତ କରିଥିଲେ । ଏହି ଅବସରରେ ମୁଖ୍ୟ ଅତିଥି ଓ ରିସୋର୍ସ୍ ପର୍ସନ୍ ଭାବରେ କିଟ୍ ଲ’ ସ୍କୁଲ୍ ର ବରିଷ୍ଠ ପ୍ରଫେସର ଡ.ଯୁଗଳ କିଶୋର ଯୋଗଦେଇ ଆଲୋଚ୍ୟ ବିଷୟବସ୍ତୁ ‘ପରିବେଶ ସୁରକ୍ଷା ଓ ଯୁବସମାଜର ଦାୟିତ୍ୱ’ ଉପରେ ଆଲୋଚନା କରିଥିଲେ । ସେ, ଆଇନ୍ ଦ୍ୱାରା ଯୁବସମାଜ କିପରି ପରିବେଶକୁ ସୁରକ୍ଷା କରିବା ସହିତ ନିଜ ଦାୟିତ୍ୱ ନିର୍ବାହ କରିପାରିବ, ସେ ଉପରେ ବ୍ୟାଖ୍ୟା କରିଥିଲେ । ଏହି ଅବସରରେ ବିକାଶ ଲ’ ସମସ୍ତ ଛାତ୍ରଛାତ୍ରୀଙ୍କ ସହିତ ଦେଶର ବିଭିନ୍ନ କୋଣରୁ ଛାତ୍ରଛାତ୍ରୀ ଅନ୍‌ଲାଇନ୍ ମାଧ୍ୟମରେ ଯୋଗଦାନ କରିଥିଲେ । ଏହି କାର୍ଯ୍ୟକ୍ରମକୁ ବିକାଶ ଗ୍ରୁପ୍‌ର ଚେୟାର୍‌ମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ଓ ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା ଉଚ୍ଚ ପ୍ରଶଂସା କରିବା ସହିତ ଛାତ୍ରଛାତ୍ରୀଙଯକୁ ଯୁବ ଦିବସର ହାର୍ଦ୍ଦିକ ଅଭିନନ୍ଦନ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଲ’ ସ୍କୁଲ୍‌ର ଅଧ୍ୟାପକ ଶିବାନନ୍ଦ ସାହୁ,  ନୟନଜ୍ୟୋତି ଦାସ, ଅଭିନନ୍ଦନ ଖୁଣ୍ଟିଆ, ଅଧ୍ୟାପିକା ରୋଜି ମେହେର, ନିର୍‌ଜା ଅଗ୍ରୱାଲ ଓ ସାଗରିକା ବିଶ୍ୱାଳ ସହଯୋଗ କରିଥିଲେ । ଶେଷରେ ଅଧ୍ୟାପକ ଜୈମିନୀ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।