30-Dec-2021

ସୁବର୍ଣ୍ଣପୁର// ଗତ କାଲି ବୁଧବାର ଦିନ ସୁବର୍ଣ୍ଣପୁର ସଦର ଥାନା ର ନୂତନ ଅଧିକାରୀ ଭାବେ ଶ୍ରୀ ନିରଞ୍ଜନ ଦାସ ଯୋଗ ଦେଲେ l  ମନ୍ଦିର, ମେଡିକାଲ, ରିଙ୍ଗରୋଡ଼ , ସାପ୍ତାହିକ ବଜାର ଓ ବିଭିନ୍ନ ସାଇଟ ବସ୍ଥି ଅଂଚଳ ରେ ଘଟୁଥିବା ଚୋରି, ଲୁଟ ତରାଜ,  ବିଭିନ୍ନ ଅସାମାଜିକ କାର୍ଯ୍ୟକଳାପ ଓ  ଟ୍ରାଫିକ ସମସ୍ୟା ସବୁ କୁ ନିୟନ୍ତ୍ରଣ କରିବାକୁ ଦୃଢ଼ ସଂକଳ୍ପ ନେଇ ଅଭିଯାନ ଆରମ୍ଭ କରିବାକୁ ପ୍ରସ୍ତୁତି ହେଉଥିବା ଓ ସହର ର ବିଭିନ୍ନ ଅଂଚଳ କୁ ପରିଦର୍ଶନ କରି ବିଭିନ୍ନ ଦିଗ ଉପରେ  ପ୍ରତ୍ୟକ୍ଷ ଭାବେ ଅନୁଧ୍ୟାନ କରୁଥିବା ବିଷୟ ଆଜି ଓଡିଶା ସାମ୍ବାଦିକ ସଂଘ ର  ରାଜ୍ୟ  ଓ ଜ଼ିଲ୍ଲା ସ୍ତରୀୟ ଏକ ଉଚ୍ଚ ସ୍ତରୀୟ ପ୍ରତିନିଧି ଦଳ କୁ ସାକ୍ଷାତ ରେ ଶ୍ରୀ ଦାସ ଦୃଢ଼ତା ର ସହ ପ୍ରକାଶ କରିଛନ୍ତି l ଶ୍ରୀ ଦାସ ଏହା ପୂର୍ବରୁ ସୁବର୍ଣ୍ଣପୁର ଜ଼ିଲ୍ଲା ର ଡୁଙ୍ଗୁରିପାଲି, ତରଭା, ବିନିକା, ଥାନା ସମେତ ପୁରୀ ଜ଼ିଲ୍ଲା ପିପିଲି ଥାନା, ଖୋର୍ଦ୍ଧା ଜ଼ିଲ୍ଲା ର ଅନେକ ଥାନା ରେ ଖୁବ ସାହାସିକତା,  ଦକ୍ଷତା ଓ ସଫଳତା ର ସହିତ କାର୍ଯ୍ୟ କରି ନିଜ କୁ ପ୍ରମାଣିତ କରିଥିବା ଜଣାଯାଇଛି l ଏହା ବ୍ୟତୀତ ସହର ରେ ପୋଲିସ ପେଟ୍ରୋଲିଂ କୁ କଡାକଡି କରି ଆମ ପୋଲିସ ବ୍ୟବସ୍ଥା କାର୍ଯ୍ୟକ୍ରମ ରେ  କିଛି ପରିବର୍ତନ ଓ ସୁଧାର  ଆଣିବାକୁ, ପବ୍ଲିକ ସହ ସୁ -ସମ୍ପର୍କ ସ୍ଥାପନ କରି ସାଧାରଣ ଜନତା କୁ ଉଚିତ ନ୍ୟାୟ ଦେବା ପାଈଁ  ମଧ୍ୟ ସେ ମିଡ଼ିଆ ଜରିଆରେ ସମସ୍ତ ଙ୍କ ସହଯୋଗ ଲୋଡିଛନ୍ତି l ଶ୍ରୀ ଦାସ ପ୍ରଥମେ ଗତ କାଲି ସୁବର୍ଣ୍ଣପୁର ର ଇଷ୍ଠ ଦେବୀ ମା ସୁରେଶ୍ୱରୀ ଙ୍କୁ ଦର୍ଶନ କରି ସହର ରେ ଶାନ୍ତି ପ୍ରତିଷ୍ଠା ପାଈଁ  ଆଶୀର୍ବାଦ ମାଗିଛନ୍ତି ଏବଂ ଏସ- ପି  ଶ୍ରୀ ସୀତାରାମ ଶତପଥୀ ଙ୍କୁ ସାକ୍ଷାତ କରି ତାଙ୍କ ସହ କିଛି ବିଚାର ବିମର୍ଶ ସହିତ କିଛି ପରାମର୍ଶ   ନେଇଛନ୍ତି l