29-Dec-2021

କୋକସରା( ତ୍ରିନାଥ ବେଶ୍ରା)// କଳାହାଣ୍ଡି ଜିଲ୍ଲା କୋକସରା ବ୍ଲକ ମହିମା ଗ୍ରାମ ପଞ୍ଚାୟତ ଅଧୀନ ଖଳି ଗଡ ଠାରୁ ପାଞ୍ଚ କିଲୋମିଟର ଭିତରକୁ ଗଲେ ଦେଖିବାକୁ ମିଳିଥାଏ ଏହି ଦର୍ଶନୀୟ ସ୍ଥାନ ଗୁଡହାଣ୍ଡି ଡକୋରି ଚଞ୍ଚରା l
ଏହି ସ୍ଥାନକୁ ବହୁ ପର୍ଯ୍ୟଟକ ଆକର୍ଷିତ ହୋଇ  ବଣଭୋଜି କରିବା ପାଇଁ    ଛତିଶଗଡ଼ , ନବରଙ୍ଗପୁର , କଳାହାଣ୍ଡି ଜିଲ୍ଲା ଆଖପାଖ ଅଞ୍ଚଳରୁ ଲୋକମାନେ ଏହି ସ୍ଥାନକୁ ବହୁ ସଖ୍ୟାରେ ଲୋକ ମାନଙ୍କ ଭିଡ଼ ଦେଖିବାକୁ ମିଳି ଥାଏ l

ଆଜି ମଧ୍ୟ୍ୟ ଏହି ସ୍ଥାନକୁ ବହୁ ପର୍ଯ୍ୟଟକ ଭିଡ଼ ପରିଲକ୍ଷିତ ହୋଇଥିଲା l
ସେହି ସ୍ଥାନରେ ରହି ଥିବା ଲୋକଙ୍କ  କହିବା ଅନୁସାରେ ତ୍ରେତୟା ଯୁଗରେ ପ୍ରଭୁ ରାମଚନ୍ଦ୍ର ଏହି ପଥ ଦେଇ ପତ୍ନୀ ସୀତା ଓ ଭାଇ ଲକ୍ଷ୍ମଣକୁ ଧରି ବନବାସ ସମୟରେ ପଞ୍ଚବଟୀ ଅରଣ୍ୟକୁ ଯାଇଥିବା , ତାଙ୍କ ପାଦ ଚିହ୍ନ , ସୀତା ମାତା ଏହି ସ୍ଥାନରେ ରହି ଗାଧୋଇ ଥିବା ପାଦ ଚିହ୍ନ ଦେଖି ବାକୁ ମିଳିଛି ତେଣୁ ଏହି ସ୍ଥାନକୁ ସୀତା କୁଣ୍ଡ ବୋଳି କହିଥାନ୍ତି l

ଦୁଇ  କିଲୋ ମିଟର ପର୍ଯ୍ୟନ୍ତ ଉପରକୁ ଗଲେ ଭଇରା ଘୁମର ଜଳପ୍ରପାତ ଦେଖିବାକୁ ମିଳେ l ସକାଳ ସୂର୍ଯ୍ୟକିରଣରେ ଇନ୍ଦ୍ର ଧନୁ ର ସାତ ରଙ୍ଗ ଦେଖି ବାକୁ ମିଳେ ଏହା ପର୍ଯ୍ୟଟକ ଙ୍କୁ ବହୁ ଆକର୍ଷଣ କରିଥାଏ ।
ଏଠାରେ ରାମମନ୍ଦିର, ଚଣ୍ଡି ମନ୍ଦିର, ଡୋକରି ମା ମନ୍ଦିର ଏବଂ ଗୁଡ଼ହାଣ୍ଡି ପରି ଏକ ପଥର ଦେଖିବାକୁ ମିଳେ ଏଣୁ ଏହାକୁ ଗୁଡ ହାଣ୍ଡି ବୋଲି କହିଥାନ୍ତି ।
ଏଥିପ୍ରତି ସରକାର ଭଲ ଭାବରେ ଦୃଷ୍ଟିଦେଲେ ଏହା ଏକ ପ୍ରସିଦ୍ଧ ପର୍ଯ୍ୟଟନୀ ସ୍ଥାନ ହୋଇପାରନ୍ତା ବୋଲି ଲୋକମାନେ ମତପ୍ରକାଶ କରିଥିଲେ ।