26-Dec-2021

ପଦ୍ମପୁର:- ସମଗ୍ର ବରଗଡ଼ ଜିଲ୍ଲା ଶୀତର ଲହରୀ ରେ ଥରିଉଠିଛି । ଗତ ସପ୍ତାହ ହେଲା ସମଗ୍ର  ଜିଲ୍ଲାରେ ଶୀତ ଲହରୀ ଏବଂ ତୀବ୍ର ଶୀତ ଲହରୀ ସମେତ ଗନ୍ଧମାର୍ଦ୍ଦନ ପର୍ବତମାଳାର ଗୋଟିଏ ରୁ ଦୁଇଟି ସ୍ଥାନରେ ତୁଷାର ପାତ ଭଳିଥଣ୍ଡା ଶିଶିର ଆସ୍ତରଣ  ଦେଖାଦେଇଛି । ବିଗତ ଏକ ସପ୍ତାହ ହେବ ସନ୍ଧ୍ୟା ହେବା ମାତ୍ରକେ ଲୋକମାନେ ଘରୁ ବାହାରି ପାରୁ ନାହାଁନ୍ତି । ରାସ୍ତା ଶୂନଶାନ ହୋଇ ପଡୁଥିବା ବେଳେ ଦୋକାନ ବଜାର ଜନଶୂନ୍ଯ ହୋଇ ଉଠୁଛି ।ସନ୍ଧ୍ୟା ରୁ ଦିନ ୯ ଘଣ୍ଟା ପର୍ଯ୍ୟନ୍ତ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି ।ଗାଁରେ ଲୋକ ଘରୁ ବାହାରୁ ନାହାନ୍ତି । ଗନ୍ଧମାର୍ଦ୍ଦନ ଅଚଳର ପାଦତଳେ ବସବାସ କରୁଥିବା ଲୋକମାନେ ସକାଳୁ ସନ୍ଧ୍ୟା ପର୍ଯ୍ୟନ୍ତ କାଠ ଯୋଗାଡ଼ କରି ନିଆ ଜଳେଇ ରହୁଛନ୍ତି ।ସହରରେ ଶୀତବସ୍ତ୍ର ର ଚାହିଦା ବଢିଛି । ଜିଲ୍ଲାରେ ସ୍ବାଭାବିକ ତାପମାତ୍ରା ଠାରୁ ଅତ୍ଯଧିକ କମ ରହି ରାତିରେ ,୬ ରୁ ୯ ଡିଗ୍ରୀ

ପର୍ଯ୍ୟନ୍ତ ରହିଛି । ଦୀର୍ଘ ବର୍ଷ ପରେ ଏଭଳି ଶୀତ ଲହରି ଦେଖାଦେଇଛି ।ଆଗକୁ ଆହୁରି ଏଭଳି ଶୀତ ବଢ଼ି ଗଲେ ଜୀବନ ହାନି ହେବାର ମଧ୍ୟ ସମ୍ଭାବନା ରହୁଛି । ଏଭଳି ପରିସ୍ଥିତି ରେ ବୃଦ୍ଧା ବୃଦ୍ଧ ଙ୍କୁ ସାହାଯ୍ୟ ପାଇଁ ପଦ୍ମପୁର ଉପଖଣ୍ଡ ର  ବତିପଥର ଓ ଅମରାଖୋଲ ଗାଁରେ ଜାଗୃତି ଶାଖା ପଦ୍ମପୁର ତରଫରୁ ମହିଳା ମାନେ ଗାଁରେ ପହଞ୍ଚି ୬୦ ଜଣ ବୃଦ୍ଧ ,  ବୃଦ୍ଧା ଙ୍କୁ କମ୍ବଳ ବଣ୍ଟନ କରିବା ସହ ଗାଁରେ ସମସ୍ତ ଜନସାଧାରଣ ଙ୍କୁ ମାକ୍ସ ବଣ୍ଟନ କରିଛନ୍ତି ।