26-Dec-2021

ନୟାଗଡ଼, (ପ୍ରଦୀପ କୁମାର ପଣ୍ଡା)
ନୟାଗଡ଼ ଜିଲ୍ଲା ଦଶପଲ୍ଲା ନିର୍ବାଚନ ମଣ୍ଡଳୀ ଅନ୍ତର୍ଗତ ଗଣିଆ ବ୍ଳକ ସ୍ତରୀୟ ବିଜେଡି ପଚିଶ ତମ ପ୍ରତିଷ୍ଠା ଦିବସ ପାଳନ ହୋଇ ଯାଇଛି | ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ତଥା ନୟାଗଡ଼ ବିଜେଡି ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା ଯୋଗଦେଇଥିଲେ | ସମ୍ମାନିତ ଅତିଥି ଭାବେ ଗଣିଆ ବ୍ଳକ ଅଧ୍ୟକ୍ଷ ଶ୍ରୀଯୁକ୍ତ ଶେଷ ଦେବ ସ୍ୱାଇଁ, ଜିଲ୍ଲା ପରିଷଦ ସଭ୍ୟ ମହେଶ୍ୱର ମହାରଣା, ସରପଞ୍ଚ ସଂଘ ର ସଭାପତି ପ୍ରଫୁଲ୍ଲ କୁମାର ବେହେରା, ପୁର୍ବତନ ବ୍ଳକ ଅଧ୍ୟକ୍ଷା ରଶ୍ମିତା ସାହୁ, ସାମାଜିକ କର୍ମୀ ପ୍ରଦୀପ କୁମାର ସାହୁ, ବ୍ଳକ ବିଜୁ ମହିଳା ସଭାପତି ବୈଜୟନ୍ତୀ ବେହେରା, ଗିରିଶ ଚନ୍ଦ୍ର ମିଶ୍ର, ଦେବାନନ୍ଦ ମିଶ୍ର ଓ  ପ୍ରତ୍ୟେକ ପଞ୍ଚାୟତ ର ସରପଞ୍ଚ ଏବଂ ସମିତି ସଭ୍ୟ/ସଭ୍ୟା ମାନେ ମଞ୍ଚାସିନ ଥିଲେ |

ଉକ୍ତ କାର୍ଯ୍ୟକ୍ରମ ରେ ପ୍ରଥମେ ସମସ୍ତ ଅତିଥି ମାନଙ୍କ କରକମଳ ରେ ଜଗନ୍ନାଥ ଙ୍କ ପାଖରେ ପ୍ରଦୀପ ପ୍ରଜ୍ବଳନ କାର୍ଯ୍ୟ ସମ୍ପାଦନ ହେବା ପରେ ସ୍ବର୍ଗତ ବିଜୁ ପଟନାୟକ ଙ୍କ ଫୋଟୋ ଚିତ୍ର ରେ ପୁଷ୍ପ ମାଲ୍ୟ ଅର୍ପଣ କରିଥିଲେ | ଉକ୍ତ କାର୍ଯ୍ୟକ୍ରମ ର ମୁଖ୍ୟ ଆକର୍ଷଣ ଅଧା କ୍ୱିଣ୍ଟାଲ ଓଜନ ର ଲଡ଼ୁ କୁ ମାନ୍ୟବର ବିଧାୟକ ଙ୍କ ସହିତ ସମସ୍ତ ଅତିଥି ମାନେ କାଟିବା ପରେ ପରସ୍ପର ଙ୍କ ମଧ୍ୟରେ ଆଦାନପ୍ରଦାନ କରିଥିଲେ | ଉପସ୍ଥିତ ସମସ୍ତ କର୍ମୀ ଏବଂ ଜନତା ଉକ୍ତ ଲଡ଼ୁ ଖାଇ ଉଲ୍ଲସିତ ହୋଇଥିଲେ | ଏହାପରେ ଏକ ସଭା କାର୍ଯ୍ୟ ଆରମ୍ଭ ହୋଇଥିଲା | ସମସ୍ତ ଅତିଥି ମାନେ ବିଜୁ ବାବୁ ଙ୍କ ଗୁଣ ଗାନ କରିବା ସହିତ ଦୀର୍ଘ ପଚିଶ ବର୍ଷ ହେଲା ବିଜୁ ଜନତା ଦଳ ର ସୁପ୍ରିମୋ ନବୀନ ପଟ୍ଟନାୟକ ଙ୍କ କାର୍ଯ୍ୟକଳାପ ଉପରେ ବିସ୍ତୃତ ଭାବେ ଆଲୋଚନା କରିଥିଲେ | ବିଭିନ୍ନ ଯୋଜନା ମାନ ପ୍ରସ୍ତୁତ କରି ଓଡିଶା ବାସୀଙ୍କର ମନ ଜିଣିଥିବା ନବୀନ ପଟ୍ଟନାୟକ ଙ୍କ ଦୀର୍ଘାୟୁ କାମନା କରି ଉପସ୍ଥିତ ସମସ୍ତ କର୍ମୀ ତଥା ଜନତା ହରିବୋଲ ହୁଳହୁଳି ଦେଇ ଜଗନ୍ନାଥ ଙ୍କ ପାଖରେ ପ୍ରାର୍ଥନା କରିଥିଲେ | ସଭା ପରିଚାଳନା କରିଥିଲେ କନ୍ଧମାଳ ସାଂସଦ ଙ୍କ ଜିଲ୍ଲା ପ୍ରତିନିଧି ସଦାଶିବ ମିଶ୍ର ମହୋଦୟ | ଉକ୍ତ କାର୍ଯ୍ୟକ୍ରମ ରେ ଶତାଧିକ ମହିଳା, ଯୁବ କର୍ମୀ ମାନେ ଉପସ୍ଥିତ ଥିଲେ |