25-Dec-2021

ଗଞ୍ଜାମ (ଉମା ମହାରଣା) // ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଗଂଜାମ ଜିଲ୍ଲା ପାତ୍ରପୁର ବ୍ଲକର ଦୁର୍ଗମ ଅଞ୍ଚଳର ଆଦିବାସୀ ସଂପ୍ରଦାୟ ଜନସାଧାରଣଙ୍କ ମଧ୍ୟରେ 4ଶହ ଶୀତ ବସ୍ତ୍ର ବଣ୍ଟନ କରାଯାଇଛି ।
ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ସହ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ସ୍ବର୍ଗତ କୁଞ୍ଜବିହାରୀ ସାବତଙ୍କ ସ୍ମୃତିରେ ତାଙ୍କର ଧର୍ମପତ୍ନୀ ବିଷ୍ଣୁପ୍ରିୟା ସାବତଙ୍କ ଦ୍ବାରା ପ୍ରଦତ୍ତ ଶୀତ ବସ୍ତ୍ର ଗରିବ ଆଦି ବାସୀ ଜନସାଧାରଣଙ୍କୁ କ୍ଳବ ସହାୟତାରେ ବଣ୍ଟନ କରାଯାଇଥିଲା ।କ୍ଳବର ସଭାପତି କାମରାଜୁ ମହାରଣାଙ୍କ ସଂଯୋଜନାରେ ପରିଚାଳିତ ଏଇ ଦାତବ୍ଯ କାର୍ଯ୍ୟକ୍ରମରେ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ମେଡିକାଲ ଅଫିସର ତଥା କ୍ଳବର ପୂର୍ବତନ ସଭାପତି   ଡାଃ ସମ୍ବିତ ବେଗ୍ ରାୟ,କ୍ଳବ ସଂପାଦକ ଜୟନ୍ତ କିଶୋର ପାତ୍ର, ପୂର୍ବତନ

ସଭାପତି ବୃନ୍ଦ ଅରୁଣ ଚାନ୍ଦ ଦାଶ, ଗଦାଧର ରାଉଳ, ଅଜିତ କୁମାର ପୃଷ୍ଟି, ପ୍ରଦୀପ କୁମାର ପଣ୍ଡା,କୋଷାଧ୍ୟକ୍ଷ ଦୁର୍ଗା ରାଓ, ସଭ୍ୟ ପ୍ରଦୀପ କୁମାର ପଟ୍ଟନାୟକ  ପ୍ରମୁଖ ବସ୍ତ୍ର ବଣ୍ଟନ କାର୍ଯ୍ୟକ୍ରମରେ ସହଯୋଗ କରିଥିଲେ।ପାତ୍ରପୁର ବ୍ଳକର ତୁମ୍ବା ପଞ୍ଚାୟତର ସିନ୍ଦୁରବାଡ,ବୂରାତାଲ,ତାବୁଡିଆ,ଅଣ୍ଡ ଅଣ୍ଡା,ବାବନସାହି,ଢେପସାହି,ମରମରିଆ,ଭାଲିଆସାହି ପ୍ରଭୃତି ଦୁର୍ଗମ ଗ୍ରାମକୁ  ମହେନ୍ଦ୍ର ତନୟା ନଦୀ ପାରି ହୋଇ ପାହାଡ ପର୍ବତ ରାସ୍ତାରେ ଚାଲି ଚାଲି ଯାଇ ବସ୍ତ୍ର ବଣ୍ଟନର ନିଆରା ଅନୁଭୂତି ସମସ୍ତେ ଉପଭୋଗ କରିଥିବା କଥା ସଭାପତି ମହାରଣା ପ୍ରକାଶ କରିଛନ୍ତି ।ଏହି କାର୍ଯ୍ୟକ୍ରମରେ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର କର୍ମଚାରୀ ଓ ସ୍ଥାନୀୟ ଜନ ପ୍ରତିନିଧି ସହଯୋଗ କରିଥିଲେ ।