25-Dec-2021

ବରଗଡ// ବରଗଡ ଜିଲ୍ଲା ଭେଡେନ ବ୍ଲକ ର କୁବେଡେଗା ପଞ୍ଚାୟତ ପନ୍ଦର ଲକ୍ଷ ଟଙ୍କା ବିନିଯୋଗରେ ନିର୍ମିତ ପଞ୍ଚାୟତ ଭବନ କୋଠା ନିର୍ମାଣ ଏବଂ ସୁଦୃଶ୍ୟ ତୋରଣ ସ୍ଥାନୀୟ ସରପଞ୍ଚ ଶ୍ରୀମତୀ ବିଷ୍ଣୁପ୍ରିୟା ଭୋଇ ଙ୍କ ଦ୍ବାରା ଉଦଘାଟିତ ହୋଇଯାଇଛି । ମୁଖ୍ୟଅତିଥି ଭାବରେ ଲୋକ କବି ପଦ୍ମଶ୍ରୀ ଡ଼ ହଲଧର ନାଗ ,ଆନ୍ତର୍ଜାତିକ ଖ୍ୟାତି ସମ୍ପନ୍ନ ସଞ୍ଚାର ଶିଳ୍ପୀ ଅଲେଖ ସାହୁ,ଭାରତୀୟ ସେନାରେ କାର୍ଯ୍ୟରତ  ତଥା ଦିଲ୍ଲୀଠାରେ ଅବସ୍ଥାପିତ ଜୁନିୟର କମିଶନ ଅଫିସର ନିର୍ମଳ ଦେହେରୀ ,ବରଗଡ ଜିଲ୍ଲା ଜୟ କିଶାନ ଆନ୍ଦୋଳନର ପୂର୍ବତନ ସମ୍ପାଦକ ରମେଶ ମହାପାତ୍ର , ମୁଖ୍ୟ ବକ୍ତା ପ୍ରଫେସର ସୁଶାନ୍ତ କୁମାର ମିଶ୍ର ପ୍ରମୁଖ ଯୋଗଦେଇ ଆଜିର ଦିବସ ରେ ପଞ୍ଚାୟତ ଗୁଡିକରେ ଆବାସ ଯୋଜନାରେ ଘର ନିର୍ମାଣ ହେଉ ଅବା ଭତ୍ତା ପ୍ରଦାନ ସବୁଥିରେ ଉତ୍କୋଚ କାରବାରର ଚେର ମାଡିଯାଇଥିବାବେଳେ, ବରଗଡ ଜିଲ୍ଲା କାହିଁକି ସମଗ୍ର ରାଜ୍ୟରେ ଦୁର୍ନିତି ମୁକ୍ତ ପଞ୍ଚାୟତ ଭାବରେ କୁବେଡେଗା ସରପଞ୍ଚଙ୍କ ଦକ୍ଷତା ଏବଂ  କାର୍ଯ୍ୟ ଶୈଳୀ କୁନେଇ ପ୍ରଶଂସିତ ବୋଲି  କହିଥିଲେ  । ପ୍ରଥମେ ମୁଖ୍ୟ ଅତିଥି କବି ଓ କଲାକାର ମାନଙ୍କୁ  ଗଣ୍ଡାବଜାର ତାଳେ ତାଳେ ଏକ ଭବ୍ୟ ଆଡ଼ମ୍ବର ପୂର୍ଣ୍ଣ ଶୋଭାଯାତ୍ରାରେ ଉପସ୍ଥିତ ଜନସାଧାରଣ ପାଛୋଟି ନେଇଥିଲେ । ପୁରୋହିତ ପଣ୍ଡିତ ଆଶିଷ ତ୍ରିପାଠୀ ଙ୍କ ପୂଜାର୍ଚ୍ଚନା ଓ ମନ୍ତ୍ରପାଠ ପରେ କାର୍ଯକ୍ରମକୁ ନଡ଼ିଆ ବାଡ଼େଇ  କବି ପଦ୍ମଶ୍ରୀ ଡଃ ହଲଧର ନାଗ ,ଅଲେଖ ବାହାକ ଓ ଅନ୍ୟମାନେ ଶ୍ରୀମତୀ ଭୋଇ ଙ୍କୁ ପ୍ରଶଂସା କରିଥିଲେ ।ପୂର୍ବତନ କୁବେଡେଗା ସରପଞ୍ଚ ତଥା ସାହିତ୍ୟିକ ଉତ୍ପନ୍ନ କୁମାର ଭୋଇଙ୍କ ସଂଚାଳନା ରେ ଅନୁଷ୍ଠିତ ସଭାରେ ଅତିଥିମାନଙ୍କ ସହିତ ପଶ୍ଚିମ ଓଡ଼ିଶାର ଖ୍ୟାତି ସମ୍ପନ୍ନ କବି ତେଜରୁ ବାରିକ,ହରିଲାଲ ସାହୁ,ଦେବେନ୍ଦ୍ର ସାହୁ,ମୁନିରାମ କୁମ୍ଭାର, ଯୁବରାଜ କୁଦେଇ,ମନୋରଞ୍ଜନ ଲୁହା,ନରେନ୍ଦ୍ର ମହାନ୍ତି,ଉମେଶ ପ୍ରଧାନ,ଅଧ୍ୟାପକ ନାରାୟଣ ଭୋଇ ,ନବିନ ବାଗ,ଧର୍ମୁ ଭୋଇ,ତରଣୀସେନ ଗୁରୁ,ସୁବାସ ଭୁଏ, ବିଶ୍ଵାଲ, ଆଶିସ ସାହୁ,ଲଲିତ କୁମାର ସାହୁ,ପ୍ରମୂଖ ଯୋଗଦେଇ ଚେତନାଧର୍ମୀ କବିତା ମାଧ୍ୟମରେ ଶ୍ରୋତୃମଣ୍ଡଲିକୁ ମନ୍ତ୍ରମୁଗ୍ଧ କରିଥିଲେ ।ପ୍ରାରମ୍ଭରୁ ପ୍ରବିଣ କଣ୍ଠ ଶିଳ୍ପୀ ଅଜିତ କୁମାର ପାଣିଗ୍ରାହୀ 'ଆସ ଗାଏମା ଭାବର୍  ଗିତ 'ଜରିଆରେ ସ୍ବାଗତ ସଙ୍ଗୀତ ଗାନ କରିଥିଲେ, ବାହାକ ଅଲେଖ ସାହୁ ଓ ଦଳ ସଂଚାର ପରିବେଷଣ କରି ଏକ ଭାବମୟ ପରିବେଶ ସୃଷ୍ଟି

କରିଥିଲେ ‌। କାର୍ଯକ୍ରମ ଆୟୋଜନରେ ସମିତି ସଭ୍ୟା କ୍ଷୀରୋଦା ରଣା ,ନାଏବ ସରପଞ୍ଚ ରାଜକୁମାର ପ୍ରଧାନ,ଯୋଗାଣ ସହାୟକ  ସୁସଂଜିତ୍ ତ୍ରିପାଠୀ,ଜି ଆର୍ ଏସ୍ ସଦାଶିବ ନାଗ, ପଂଚାୟତ ସଭ୍ଯ  ଶମ୍ଭୁ ନାରାୟଣ ସାହୁ,ଦିଲିପ ପେରା, ମଦନା ବେରିଆ, ସନ୍ତୋଷିନୀ ସାହୁ,ରମେଶ କଠାର,ଗୋପାଳ ବେସ୍ରା,ମହାଦେବ ଦୀପ ଙ୍କ ସମେତ ପଞ୍ଚାୟତର ଯୁବ ଗୋଷ୍ଠୀ ଓ ଜନ ସାଧାରଣ ସହଯୋଗ କରିଥିଲେ ।ଶେଷରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ରବି ମେହେର ଧନ୍ୟବାଦ ଅର୍ପଣ କରିଥିଲେ