25-Dec-2021

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) ଆଗଲପୁର ବ୍ଲକ ଅଂଚଳରେ ବର୍ତମାନ ମଣ୍ଡି ମାନଙ୍କରେ ଧାନବିକ୍ରି ପ୍ରକ୍ରିୟା ଆରମ୍ଭ ହୋଇଯାଇଛି l ଲୋଇସିଂହା ବିଧାୟକ ଡ଼ ମୁକେଶ ମହାଲିଙ୍ଗ ଗତକାଲି ନିଜ ପଂଚାୟତ

ବୁରୋଭାଡ଼ି ପ୍ରାଥମିକ କୃଷି ସମବାୟ ସମିତି, ନଅଗାଁ(ଖ)କୁ ଯାଇ ମଣ୍ଡି ପରିଦର୍ଶନ କରିବା ସହ ନିଜ ୬ କୁଇଣ୍ଟାଲ ୫୦ କେଜି ଧାନ ବିକ୍ରି କରିଛନ୍ତି l  ମଣ୍ଡିର ସମ୍ପାଦକ ପିତମ୍ କୁମାର ମିଶ୍ରଙ୍କ କହିବାନୁଯାୟୀ ମଣ୍ଡିର ଟାର୍ଗେଟ ହେଉଛି ୧୦ ହଜାର ୬୫୦ l ବର୍ତମାନ ୪୨ଟି ଟୋକନ କଟିଛି ଓ ୩୩୦.୧୯

କୁଇଣ୍ଟାଲ ଧାନ ବିକ୍ରି ହୋଇଛି l ବିଧାୟକ ଡ଼ ମୁକେଶ  ମହାଲିଙ୍ଗ ମଣ୍ଡି ପରିଦର୍ଶନ କରିବା ବେଳେ ଚାଷୀଙ୍କ ହାଲଚାଲ ସହ କଟଣି ଛଟଣି ଓ ଏଫ୍ ଏ କ୍ୟୁ ଧାନ ବାବଦରେ ସମ୍ପାଦକଙ୍କ ସହ ଆଲୋଚନା କରିଥିଲେ l