25-Dec-2021

ଢେଙ୍କାନାଳ// ଗଁଦିଆ ବ୍ଲକରେ ବାରମ୍ବାର ଦେଖିବାକୁ ମିଳୁଛି ହାତୀ ମଡକ l ଉକ୍ତ ବ୍ଲକରେ ବିଗତ ୨ ମାସ ମଧ୍ୟରେ ୩ ଗୋଟି ହାତୀଙ୍କର ମୃତ୍ୟୁ ହୋଇଥିବା ବେଳେ ଆଜି ପୁଣି ଏକ ହାତୀର ମୃତ୍ୟୁ ଖବର    ପଶୁ ପ୍ରେମୀଙ୍କ ମଧ୍ୟରେ ନୈରାଶ୍ୟ ସ୍ରୁଷ୍ଟି କରିଛି ହାତୀ ମାନଙ୍କ ଏପରି ଅଭାବନୀୟ ମୃତ୍ୟୁ କାହିଁକି ହେଉଛି ତାହା ପଶୁ ପ୍ରେମୀ ମାନଙ୍କମଧ୍ୟରେ ଛିଡା କରିଛି ଏକ ପ୍ରଶ୍ନବାଚୀ l ପକୃତ ପକ୍ଷରେ ଏହା ବନ ବିଭାଗର ଚରମ ଅବହେଳା ନା ଅଉ କଣ ଅଟେ ତାହା ତଦନ୍ତସାପେକ୍ଷ l ପ୍ରଥମେ ଗୋଟିଏ ଦନ୍ତାହାତୀ ର ଷଡ଼ଙ୍ଗୀ ରେଞ୍ଜ ଅନ୍ତର୍ଗତ ଲହଡା ସଂରକ୍ଷିତ ଜଙ୍ଗଲରେ ଜୀବନ ଗଲା ପରେ  କପିଳାଶ ସଂରକ୍ଷିତ ଜଙ୍ଗଲ ଅନ୍ତର୍ଗତ ରାମେଇ ଜଙ୍ଗଲରେ ଆଉ ଗୋଟିଏ ହାତୀ ମରିଥିଲା l ସେହିପରି ଅଉ ଗୋଟିଏ ମାଈ ହାତୀର ଦେହାନ୍ତ ଷଡ଼ଙ୍ଗୀ ରେଞ୍ଜ ଅନ୍ତର୍ଗତ ଲହଡା ସଂରକ୍ଷିତ ଜଙ୍ଗଲ ପେଚାମୁଣ୍ଡିଆ ଠାରେ ଦେହାନ୍ତ  ହୋଇସାରିଛି

ସେ ହିପରି ଗତକାଲି ରାତିରେ ଅଉ ଏକ ଗର୍ଭଣି ମାଈହାତୀଟି ଛୁଆ ଜନ୍ମ କରି ନପାରି ଧନିଆନାଲି ପାଳଗଣ୍ଡୁଆ ଦେଇ ଯାଇଥିବା ଜଙ୍ଗଲ ରାସ୍ତାର ଜରିଟାଙ୍ଗର ନିକଟରେ ମରିଥିବାର ଜଣାଯାଏ lକେନ୍ଦ୍ର ସରକାର ଠାରୁ ଆରମ୍ଭ କରି ରାଜ୍ୟ ସରକାର ପର୍ଯ୍ୟନ୍ତ ଜଙ୍ଗଲ ମଧ୍ୟରେ ହାତୀ ମାନଙ୍କର ସୁରକ୍ଷା ନିମନ୍ତେ ଅନେକ ଯୋଜନା କରୁଛନ୍ତି l ସେହିପରି ହାତୀ ମାନେ କିପରି ସୁରକ୍ଷିତ ରହି ପାରିବେ ଓ ଜଙ୍ଗଲ ମଧ୍ୟରେ ସେମାନଙ୍କ ନିମନ୍ତେ ବଡ଼ ବଡ଼ ଟ୍ରେଞ୍ଚ ମାନ ଖୋଳା ଯାଉଛି l ଏଥି ସହ ହାତୀ ମାନକୁ ସୁରକ୍ଷା ଦେବା ପାଇଁ ଏକ ହାତୀ ସୁରକ୍ଷା ସ୍କ୍ୱାର୍ଡ ଗଠନ କରାଯାଇ କର୍ମଚାରୀ ନିଯୁକ୍ତି ଦିଆଯାଇଛି l ସେମାନେ ପ୍ରତିଦିନ ଜଙ୍ଗଲ ମଧ୍ୟରେ ହାତୀ ମାନଙ୍କର ଗତିବିଧି ଅନୁଧ୍ୟାନ କରିବା ସହ ଯେପରି ତାହା ମଧ୍ୟରେ ସୁରକ୍ଷିତ ଭାବେ ରହି ପାରିବେ ତାର ଅନୁଧ୍ୟାନ କରୁଛନ୍ତି lହେଲେ ଏତେ ସବୁ ସୁବିଧା ହାତୀ ମାନଙ୍କ ନିମନ୍ତେ ଥାଇ ସୁଦ୍ଧା କିପରି ଭାବରେ  ଅକାଳରେ ଗୋଟିଏ ପରେ ଗୋଟିଏ ହାତୀ ମରି ଯାଉଛନ୍ତି ତାହାର ହିସାବ ଦେବ କିଏ ବୋଲି ଆଜି ସାଧାରଣ ଏକ ବିରାଟ ପ୍ରଶ୍ନ  ଛିଡା ହୋଇଛି l  ବାସ୍ତବରେ ଏଠାରେ ଥିବା ଦୁଇଟି ଯାକ ରେଞ୍ଜ କାର୍ଯ୍ୟାଳୟରେ ନିଯୁକ୍ତ କର୍ମଚାରୀ ମାନେ କଣ କରୁଛନ୍ତି ତାହାର ଉତ୍ତର ଢେଙ୍କାନାଳ ଜିଲ୍ଲାର ବନ ବିଭାଗ ଦେବେ କି ?