23-Dec-2021

ସୁବର୍ଣ୍ଣପୁର,(ମନୋରଞ୍ଜନ ତ୍ରିପାଠୀ) : ସୁବର୍ଣ୍ଣପୁର ଜିଲ୍ଲା ଶିଶୁ ସୁରକ୍ଷା ବିଭାଗ ଓ ଜିଲ୍ଲା ପ୍ରଶାସନର ମିଳିତ ସହଯୋଗ ରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଶିଶୁଙ୍କ ପାଇଁ ଦିନଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଅବସରରେ ଜିଲ୍ଲା ଶିଶୁ ସୁରକ୍ଷା କମିଟି, ବାଲ୍ୟ ବିବାହ ଟାସ୍କ ଫୋର୍ସ ଇତ୍ୟାଦିର କାର୍ଯ୍ୟକ୍ରମ ଉପରେ ବିଶେଷ ଆଲୋଚନା କରାଯାଇଥିଲା l ସୁବର୍ଣ୍ଣପୁର ଜିଲ୍ଲାରେ ଏକ୍ସନ ଏଡ଼ ଓ ଜିଲ୍ଳା ପ୍ରଶାସନ ମିଳିତ ସହଯୋଗରେ ବାଲ୍ୟ ବିବାହକୁ ସମ୍ପୂର୍ଣ ନିରାକରଣ ନିମନ୍ତେ ପ୍ରଥମ କରି କିଶୋରୀ ବାଳିକା ମାନଙ୍କୁ ନେଇ ବାଲ୍ୟ ବିବାହ ପ୍ରତିରୋଧ ମଂଚ ଗଠନ କରାଯାଇଛି l ଜିଲ୍ଲାପାଳ ଅବୋଲି ସୁନୀଲ ନରୱଣେ ମୁଖ୍ୟ ଅତିଥି ଭାବରେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ l ଆସନ୍ତା ୩ ମାସ ମଧ୍ୟରେ ଜିଲ୍ଲାର ପ୍ରତ୍ୟେକ ସ୍କୁଲରେ ସପ୍ତାହର ପ୍ରତ୍ୟେକ ଶୁକ୍ରବାର ଓ ଶନିବାର ଦିନ ବିଭିନ୍ନ ବିଭାଗର ମିଳିତ ସହଯୋଗରେ ପାଠ ପଢ଼ୁଥିବା ଓ ଅଧାରୁ ପାଠ ଛାଡ଼ିଥିବା ଛାତ୍ରଛାତ୍ରୀ ଏବଂ ତାଙ୍କର ଅଭିଭାବକ ମାନଙ୍କ ସହ ଜିଲ୍ଳା ପ୍ରଶାସନ ତରଫରୁ ଉପଯୁକ୍ତ ଶିକ୍ଷା ପ୍ରଦାନ, ବାଲ୍ୟ ବିବାହ ପ୍ରତିରୋଧ ଓ ବ୍ୟବହାରିକ ଜ୍ଞାନ ଉପରେ ପରାମର୍ଶ ପ୍ରଦାନ କରାଯିବ l ପୁନଶ୍ଚ କାର୍ଯ୍ୟକ୍ରମ କୁ ଆହୁରି ଲୋକାଭିମୁଖୀ ଓ ବ୍ୟାପକ କରିବl ନିମନ୍ତେ ଜିଲ୍ଲାର ପ୍ରତ୍ୟେକ ଧର୍ମାନୁଷ୍ଠାନର ପରିସରରେ ବାଲ୍ୟ ବିବାହ ନିରାକରଣ ପାଇଁ ସଚେତନତା ବାର୍ତ୍ତା ପ୍ରଦର୍ଶିତ କରାଯାଇ ଜନସାଧାରଣଙ୍କୁ ସଚେତନ କରାଯିବ l ଏହି ଅବସରରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଶିଶୁ କର୍ଣ୍ଣର ଉଦଘାଟିତ ହୋଇଯାଇଛି ଯାହାଦ୍ଵାରା  ଜିଲ୍ଲାପାଳଙ୍କୁ ସାକ୍ଷାତ କରିବାକୁ ଆସୁଥିବା ମାବାପା ଙ୍କ ସାଙ୍ଗରେ ଥିବା ଶିଶୁ ମାନେ ଉକ୍ତ ସ୍ଥାନରେ ଖେଳିବା, ବସିବା ସୁଯୋଗ ପାଇ ପାରିବେ l ଏହି ଅବସରରେ ବିଜୁ ଶିଶୁ ସୁରକ୍ଷା ଯୋଜନା ରେ ଲିସା ପାତ୍ର, ଅକ୍ଷମ ଦିଶିରୀ ଓ ପ୍ରତିଭା ନାଗଙ୍କୁ ୭୦୦୦ ଟଙ୍କାର ଆର୍ଥିକ ସହାୟତା ଦିଆଯାଇ ଥିଲା l ସେହିପରି ଆଶୀର୍ବାଦ ଯୋଜନା ରେ ୩୬୮ ଜଣ  ନୂତନ ହିତାଧିକାରୀଙ୍କୁ  ସାମିଲ କରାଯାଇଛି  l ଏ ପର୍ଯ୍ୟନ୍ତ ଜିଲ୍ଲାରେ ୮୦୬ ଜଣ ହିତାଧିକାରୀ ଏହି ଯୋଜନା ରେ ଆର୍ଥିକ ସହାୟତା ପ୍ରତି ମାସ ପାଉଛନ୍ତି l  ଆଜି ଏହି ଯୋଜନା ଅନ୍ତର୍ଗତ ଈଶାନ ନନ୍ଦ, ତୁଳସୀ ବେହେରା, ନନ୍ଦିନୀ ସାହୁ, ତୁଷାର ସାହୁ, ଚିକୁ ସାହୁ, ପୂଜା ମେହେରଙ୍କୁ ସ୍ୱତନ୍ତ୍ର ଯତ୍ନ ଶିଶୁ ପ୍ରମାଣ ପତ୍ର ଦିଆଯାଇଥିଲା l  ଆଜିକାର ଏହି  ସଭାକୁ ସୁବର୍ଣ୍ଣପୁର ଜିଲ୍ଲା ଶିଶୁ ସୁରକ୍ଷା ଅଧିକାରୀ ଚତୁର୍ଭୁଜ ଦାସ  ପରିଚାଳନା କରିଥିଲା ବେଳେ ଅନ୍ୟ ଅତିଥି ମାନଙ୍କ ମଧ୍ୟରେ ପିଡି, ଡି ଆର ଡି ଏ ଡୋଳାମଣି ପଟେଲ, ସହାୟକ ଜିଲ୍ଲାପାଳ ଈପସିତା ମିଶ୍ର, ସମାଜ କଲ୍ୟାଣ ଅଧିକାରିଣୀ ଗୌରମଣି ହାଁସଦା,ଜିଲ୍ଲା  ମଙ୍ଗଳ ଅଧିକାରୀ ରବୀନ୍ଦ୍ର ପାଲକା, ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ଣଣ ଭୋଇ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ, ଶିଶୁ ମଙ୍ଗଳ କମିଟି ସଦସ୍ୟ ମଧୁ ପଧାନ, ରଂଜିତା ସାହୁ, ଆଦି ଯୋଗ ଦାନ କରି ନିଜ ନିଜର ବକ୍ତବ୍ୟ ରଖିଥିଲେ l ଅନ୍ୟମାନଙ୍କ ମଧ୍ୟରେ ଜିଲ୍ଲା ବାଲ୍ୟ ବିବାହ ପରାମର୍ଶ ଦାତା ଏକସନ୍ ଏଡ ରାକେଶ ପଧାନ, ଚାଇଲଡଲାଇନ ନିର୍ଦେଶକ ଅନଙ୍ଗ ନେଗୀ, ସଖୀ ର ପରିଚାଳିକା ରାଜଶ୍ରୀ ମହାନ୍ତି ପିପିଟି ମାଧ୍ୟମରେ ଆଲୋଚନା କରିଥିଲେ l ଏଥିରେ ଜିଲ୍ଲାର ସମସ୍ତ ସିଡ଼ିପିଓ ଯୋଗ ଦେଇଥିଲେ l ଶେଷରେ ଆଇନ ଅଧିକାରୀ କେଶବ ଚନ୍ଦ୍ର ମେହେର ଧନ୍ୟବାଦ ଅର୍ପଣ କରିଥିଲେ l