22-Dec-2021

କର୍ଲାମୁଣ୍ଡା(ପ୍ରଦୀପ କୁମାର ସାହୁ): ଆଧାର ସଂଯୋଗ ଓ କେୟାସି ଅପଡେଟ ହୋଇ ପାରୁ ନ ଥିବାରୁ ସାମାଜିକ ସୁରକ୍ଷା ଯୋଜନାରେ ଭତ୍ତା ପାଉଥିବା ହିତାଧିକାରୀ ମାନେ ଭତ୍ତା ଟଙ୍କା ଉଠାଇବାରେ ସମସ୍ୟାର ସମ୍ମୁଖୀନ ହେଉଥିବାର ଅଭିଯୋଗ କରି ଧାରଣାରେ ବସିଥିବା ଦେଖିବାକୁ ମିଳିଛି।ଏଭଳି ସମସ୍ୟା କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଗଜବାହଲ ପଞ୍ଚାୟତରେ ଉପୁଜିଛି। ଖବର ମତେ ଏହି ପଂଚାୟତରେ ମୋଟ ୯୭୦ ଜଣ ହିତାଧିକାରୀ ରହିଛନ୍ତି।ସେମାନଙ୍କ ମଧ୍ୟରୁ ୫୦ ଉର୍ଦ୍ଧ ଜଣଙ୍କ ଏକାଉଣ୍ଟରେ ଭତ୍ତା ଟଙ୍କା ଜମା ହେଉଥିଲେ ହେଁ ଏକାଉଣ୍ଟରେ ଆଧାର ସଂଯୋଗ ତଥା କେ ୟା ସି ଅପଡେଟ ହେଇ ପାରୁ ନ ଥିବାରୁ ଟଙ୍କା ଉଠେଇ ବାରେ ସମସ୍ୟା ସୃଷ୍ଟି ହେଉଥିବାର ଅଭିଯୋଗ କରି ପୂର୍ବ ଭଳି ମେନୁଆଲି ଭତ୍ତା ଟଙ୍କା ଯୋଗେଇ ଦେବା ଦାବିରେ ବୁଧବାର ପଞ୍ଚାୟତ ସମ୍ମୁଖରେ ଧାରଣାରେ ବସିଥିବା ଦେଖିବାକୁ ମିଳିଛି। ଏନେଇ ସରପଞ୍ଚ ପୂଜା ସାହୁଙ୍କୁ ପଚାରିବାରୁ ମେନୁଆଲି ଭତ୍ତା ଦେଲେ ସମସ୍ୟାର ସମାଧାନ ହେଇ ପାରନ୍ତା ବୋଲି ମତ ଦେଇଛନ୍ତି। ଅନ୍ୟ ପଟେ ବିଏସ ଇ ଓ ସସ୍ମିତା ପଟେଲଙ୍କୁ ପଚାରିବାରୁ ଧାରଣାରେ ବସିଥିବା ଖବର ମୋ ପାଖରେ ନାହିଁ ବୋଲି କହିବା ସହ ଏମିତି ସମସ୍ୟା ବ୍ଲକ ର ଅନ୍ୟାନ୍ୟ ପଞ୍ଚାୟତ ମାନଙ୍କରେ ବି ରହିଛି। ଆମେ ଜିଲ୍ଲା ପ୍ରଶାସନକୁ ଜଣେଇଛୁ ବୋଲି କହିଛନ୍ତି।ଏଣୁ ଜିଲ୍ଲାପାଳ ଦୃଷ୍ଟି ଦେବାକୁ ହିତାଧିକାରୀ ମାନେ ଅନୁରୋଧ କରିଛନ୍ତି।ସରପଞ୍ଚଙ୍କ ହସ୍ତକ୍ଷେପ ପରେ ହିତାଧିକାରୀ ମାନେ ଧାରଣାରୁ ଉଠିଥିବା ଜଣା ପଡ଼ିଛି